YESAYA 60:9 - Susula Malalaok Hehelu Palak Ma Hehelu Beuk

⁹ Ndia nde, ofa-ofak fo ala mai see, fo loo falik Manetualain anan-nala, leme nusa dook mai. Leni lilofulak, ma lilopilas, boema koa-kio emi Manetualaim-ma; ba'eneu Israel Manetualain Fo Malalao-malalafuk, fo manataon-na anan-nala, nanafe ha'da-holomata.

YESAYA 60:9 ပူးပေါင်းရင်းမြစ်များ

KEJADIAN 9:27

Sa'di leo been-na, Manetualain popo-tama seluk baba'e-papalak neu Yafet nenik tao namaloa mamana leleon-na. Sa'di leo been-na, tititi-nonosin leo sama-sama loo Sem tititi-nonosin. Neukose, Kanaan da'di ata neu Yafet.”

1RAJA-RAJA 10:1

Nusa Syeba ina manen-na namanene la'eneu Salomo nananita-nalelak. Boema neu leo Yerusalem neu fo ana so'ba Salomo nenik natatane mateaina la.

1RAJA-RAJA 10:22

Salomo ofa matuainan makadotok fo ala la'ok lakabubua loo Mane Hiram ma ofa nala. Teuk telu soona ofak sila-la fali ma'is la'iesa fo leni lilopilas, lilofulak, ngga'di dui, ko'de ma manupui manakoaok.

1RAJA-RAJA 8:41

Metema hataholi manamai esa nusa dook namanene la'eneu O matua-mademam ma la'eneu manada'di beu kala fo O tao basan soaneu O ana mala, boema ala mai leo uma hule-haladoik ia mai, fo fe ha'da-holomata neu O ma hule-haladoi neu O soona,

MAZMUR 48:7

Nai naa, ala dele beengge'be no bibii-namata'uk, ma lame'da he'dis sama leo inak fo ana sanga bongi,

MAZMUR 72:10

Mane-manek Tarsis-sala ma pulu-pulu-la leni tunu-hotuk soaneun Mane-manek Arab ma Etiopia-la ala mai fo leni bea.

MAZMUR 97:1

Manetualain nde bee-na, Manek! Ela leo bee-na, daebafak-ka eeki-latadale, ma pulu-pulu-la lamahoko-setelee.

KELUARAN 33:19

Manetualain nataa nae, “Neukose Au la'ok tunga emi matam nenik basa Au matua-mademang lala'en-na, boema Au seseik Au na'de malalao-malalafung-nga. Au nde Manetualain, de Au atu'du Au dale maloleng-nga, ma Au dale susue-lalaing neu hataholi fo Au helek-kala.

AMSAL 18:20

Ba'eneu dede'a-kokolak, fo nanakokolak-ka, neu mate'en-na te, muse ana lu'a-lepa-nan.

YESAYA 11:11

Nai faik ndia, neukose Manetualain pake la'i seluk koasan-na, fo no falik bei ela anan manai Asyur ma Masir-ra, nai nusa Patros, Sudan, ma Elam, nai Babel, Hamat, ma manai nusa dook-kala.

YESAYA 2:16

Ofaha'ik matuaina ma mana'ahiik-kala, neukose ala bolo.

YESAYA 24:15

ma hataholi manai dulu-la, neukose ala koa-kio Manetualain. Laun manai tasi su'uk-ka, neukose namatutua-namadedema Israel Aman Manetualain.

YESAYA 42:10

Makamee nakamee beuk, ba'eneu Manetualain, hai basa daebafak-ka lala'en-na lemin, koa-kion leona! Hai tasi, mangguu leon ma basa oe-isin, nusak manai dook-kala, ma basa laun-nala!

YESAYA 42:4

dalen-na ta naba'e, do ketu namahehenan-na fa, losa ndoos ma matetuk-ka, napadeik natetu nai daebafak-ka. Nusa dook-kala, lahiik nanolin-na.”

YESAYA 43:4

O mabelik nai Au matang, Au fe o ha'da-holomata, ma Au sue-lai o; boema, Au fe hataholi daebafak-ka, da'di leo o ngganggatim-ma, leoinak-kala, da'di leo ngganggatik neu o samanem-ma.

YESAYA 43:6

Au paleta kii ma kona, fo ela po'is no lai-laik. Nemen-na fo, o ana toum-mala fali ma'is leme dook-ka mai, ma o ana inam-mala, fali leme daebafak-ka bu'u-bu'un-nala mai.

YESAYA 46:13

Neukose Au fe fai soi-po'ik-ka, ana deka, so'da-molek fo Au fe-ka, ta nakano'dok fain-na so'on. Neukose Au soi-tefa Yerusalem, ma Au fe ha'da-holomata neu Israel.”

YESAYA 49:1

Mamanene au, hai nusa dook-kala lemin, taoafik neu dede'a-kokolang. Manetualain naloo au, te beita bongi au fa, Ana hele au, neme lelek, au inang nailu au-a.

YESAYA 49:22

Manetualain Fo Mademaina, nafa'da anan-nala nae, “Neukose Au fe leoinak-kala, ta'du-tana, fo neukose, ala fe falik o anam-mala; neukose ala ko'ok o anatoum-mala, ma o anainam-mala, nananasaak, nai aluk lain.

YESAYA 51:5

So'da-molek fo Au fek-ka, ana deka so; nai lelek Au sesenging-nga, hihiinae losa. Neukose Au mesang-nga, nde paleta leoinak-kala Nusa dook-kala, lahani talu-talu lo Au, ma lamahena Au tatao-nono'i matuainang-nga.

YESAYA 55:5

Neukose emi maloo leoina nusa dea-la, fo no lai-laik, ala mai leo emi mai, hu kande Au, fo emi Manetualaim-ma, Israel Manetualaim malalao-malalafun-na, nana Au amatutua-amadedema basa emi so.”

YESAYA 57:17

Sila sala-singo manatenepetan-na, nde taon-na Au amanasa, hu ndia de, Au hukus, ma Au la'oelas. Tehu, ala lalangabatu, de ala hele aon sila enon-na.

YESAYA 60:4

Mitak hata fo, ana da'di nai o boboa-kaisum; laun-na lakabubua, fo ala fali leo o mai. O anatoum-mala, ala mai leme dook-ka mai, o anainam-mala, nanako'ok-kala.

YESAYA 60:6

Onta makadotok lakamomotu-la, o nusam-ma, ala mai leme Midian ma Efa mai. Hataholi-la leni lilopilas ma boomenik neme Syeba mai, boema ala koa-kio Manetualain tatao-nono'in.

YESAYA 66:12

Nana Manetualain nafa'da nae, “Neukose Au fe emi tetu-temak sama leo lee manafaak-ka; neukose leoinak-kala, leni su'i-beten leo o mai sama leo manalua ponu-ponuk-ka. Emi sama leo ni'iana fo, inan nasu'un ma ana ko'on boema ana kokosen nai ifan lain.

YEREMIA 3:17

Nai lelek ndia, neukose loke kota Yerusalem-ma soona lae, ‘Manetualain Kandela Manen’, fo basa leoina lala'en-na, neukose lakabubua lai kota ndia, fo ala sene-do'ok neu Au. Neukose, ala ta tunga seluk sila dale hihii-nanau mesan fo nggoa-panganaan, ma mangalauk ndia so'on.

YEREMIA 30:19

Ndia laun-nala neukose ala koa-kio Au nenik nakamek, ma ala eeki-latadale nenik namahokok. Au taon nana fe ha'da-holomata, te ta nananakadaek so'on, ma sila dede'un-nala boe tai lamaba'uk-ka.

YESKIAL 39:7

Tehu neukose, Au afa'da Au na'de malalao-malalafung-nga nai hataholi Israel-la tala'da heon, ma Au na'deng ndia, neukose ta nanatao nanggenggeok so'on. Soona besak-ka leoina-kala, ala bubuluk lae Au nde Amak, Manetualain fo malalao-malalafuk neme Israel mai.”

MIKHA 4:13

Manetualain nafa'da nae, “Hai laun Yerusalem-mala lemin, meu leona fo heheta-aa'i emi musum-mala! Neukose Au tao a emi da'di balakaik, sama leo sapi fo susulan-na besi ma eifangan-na liti. Neukose emi tao makalulutuk leoina makadotok, ma ala loso-la su'i-betes-sala, neukose emi tunu-hotu fen leo Au, Manetualain, fo manamakadada'dik lalai ma daebafak-ka.”

MIKHA 7:12

Emi hataholim-mala, neukose ala fali ma'is leme su'di bee-bee mai emi – leme Asyur fo nai boboak dulu, leme Masir fo nai boboak kona, leme nusak manai Lee Efrat-ta, leme tasi maloaina selik mai, ma leme lete-letek manai dae dook-kala mai.

ZEFANYA 2:11

Neukose, Manetualain tao-nalas ala bii-lamata'u lanseli. Neukose Ana tao nakalulutuk, lamatua daebafak manai daebafak-kala. Boema, basa leoina lala'en-na, neukose ala sene-do'ok neu Manetualain, nai esa-esak nusan-na.

ZAKHARIA 14:14

Touk manai Yehuda-la, neukose latee-lata'ti soaneu lasala'e Yerusalem. Neukose ala ho'i-la, basa leoina manai boboa-kaisun-nala hata-heton, da'di leo bua-lo'a kakalok, fo nalupa lilopilas, lilofulak ma bua-lo'a papakek-kala ladodou.

LUKAS 2:32

sama leo mangale'dok fo nangale'do na eno ka ba'eneu leoina fe'e kala, soaneu ala mai leu O; fo nde mangale'dok manini ha'da-holomata ba'eneu O hataholi kamahehele mala fo Israel.”

YOHANIS 17:26

Au afa'da basa Ama, hataholi sila na'de nala so, ma neukose Au tao leondiak akandoo, fo ela Ama ka susue-lalain neu Au a, nahele nai dale nala dalek, fo sue ka nde Au da'di esa os.”

HATAHOLI 9:15

Tehu Lamatua ka nafa'da Ananias nae, “Ka'da mu leona! Nana Au hele basa hataholi ndia soaneu nalalau-naoono Au, ma ana tui-benga Au neu leoina fe'ek fo ala beita masok agama Yahudi a fa, ma neu mane-mane kala, boema neu Au hataholi kamaheheleng Israel ngala boe.

GALATIA 3:26

Nanahu emi mamahele Kristus Yesus de, emi da'di esa moon, hu ndia de, emi da'di Manetualai nanan.

GALATIA 4:26

Tehu Yerusalem manai nusa so'dak ndia nde, Yerusalem beu ka, fo ita inan nde ndia.

YOSUA 9:9

Boema lataa lae, “Ami meme nusak-ka, doon-na seli. Tuan, hu kande ami mamanene la'eneu Manetualain Manetualain fo Tuan-tuan-nala sene-do'ok-ka. Ami mamanene la'eneu basa hata fo Ana taon neme Masir,