YESAYA 60:4 - Susula Malalaok Hehelu Palak Ma Hehelu Beuk

⁴ Mitak hata fo, ana da'di nai o boboa-kaisum; laun-na lakabubua, fo ala fali leo o mai. O anatoum-mala, ala mai leme dook-ka mai, o anainam-mala, nanako'ok-kala.

YESAYA 60:4 ပူးပေါင်းရင်းမြစ်များ

YESAYA 11:12

Neukose Manetualain nasa'e dedeo esa, soaneu leoina-la. Ta'du-tanan nde ndia, foo nae Ana tao nakabubua falik leoina Israel ma Yehuda, fo manatapasasalak lai daebafak-ka bu'un lala'en-na, fo no falik-kasa.

YESAYA 14:2

Neukose leoina makadotok ala tulu-fali leoina Israel-la, fo ala fali leo nusak fo Manetualain fen neu sila, de neukose leoina ndia, ana da'di ata neu Israel. Neukose Israel foo hataholi fo ala foo hai Israel-so, ma ana paleta hataholi fo ala tuni-ndeni hain so.

YESAYA 42:6

“Au, Manetualain, fo naloo ma fe o bela-ba'uk soaneu makalala'ok ndoos ma matetuk-ka. Au hela-nole, ma Au akaboboi o, fo o da'di hehelu-balataak, ba'eneu hataholi daebafak-ka, ma mangale'dok ba'eneu basa leoinak-kala.

YESAYA 43:6

Au paleta kii ma kona, fo ela po'is no lai-laik. Nemen-na fo, o ana toum-mala fali ma'is leme dook-ka mai, ma o ana inam-mala, fali leme daebafak-ka bu'u-bu'un-nala mai.

YESAYA 49:12

Au anang-ngala, mai beosu leme dook-ka mai, leme kii, muli ma Sinim fo nai kona.”

YESAYA 49:17

Hataholi manalafofo'a o-a, ala mai no lai-laik, ma manatao lakalulutuk o-a, neukose ala la'o.

YESAYA 49:18

Mete ma makanae, leo o boboa-kaisum muu, o laum-mala, lakabubua basa, de ala mai leo o mai so. No Au, Manetualain fo maso'dak-ka, Au afa'da ae, tete'ek-ka, neukose o dalem-ma namatua, nanahu o laum-mala, sama leo ina manaka'bing-nga, dalen-na namatua, nanahu lilo-henun.

YESAYA 66:20

Neme nusak sila-la mai, neukose ala loo falik emi tolano-tolanoom fo, leoina esa, da'di leo bua palsen soaneu Au. Neukose ala lo hataholi sila-la, leo Au pupukung fo malalao-malalafung-nga neu nai Yerusalem no ala sa'e ndala, keledei ma onta, ma no kaleta boema nggalobak, sama leo hataholi Israel-la biasa leni tunu-hotu gandum nai mamana balisi dale, leo Manetualain Uman neu.

YEREMIA 30:10

Au anang Israel-la lemin, boso bii! Au atang Yakob, boso nggenge-boik! Neukose emi mo emi tititi-nonosim-mala Au soi-po'is neme nusa dok fo mamanak emi nanahukuk-ka. Neukose emi me'um-ma leo emi nusa-namom-ma fo leo no nene-lino-linok. Neukose emi leo no dale manatesa-tama; ta palu emi bii-mamata'u hata esa boen.

AMOS 9:14

Neukose Au tao-a Au anang Israel, da'di namasu'i seluk. Neukose lafofo'a seluk sila kota nalutun-nala, fo ala leo nai naa. Neukose ala sele osi angol fo linu oe angol. Neukose ala tao tina osi, fo la'a-linu buna-boan.

MIKHA 7:12

Emi hataholim-mala, neukose ala fali ma'is leme su'di bee-bee mai emi – leme Asyur fo nai boboak dulu, leme Masir fo nai boboak kona, leme nusak manai Lee Efrat-ta, leme tasi maloaina selik mai, ma leme lete-letek manai dae dook-kala mai.

HAGAI 2:7

Neukose Au tao anggengek basa leoina-la, fo neukose leni hata-heton-nala leo ia mai, nalosa Au Umang-nga, neukose henuk no sila su'i-beten-nala.

MATEOS 8:11

Tete'e ka! Neukose hataholi ba'u ka ala mai leme dulu ma muli mai, fo lamahoko sama-sama lo Abraham, Isak ma Yakob nai Manetualain Daebafa Beun dale.

YOHANIS 4:35

Emi mafa'da mae, ‘Bei bulak ha seluk bai soona, fai keketu-kokoluk so.’ Tehu Au afa'da emi: Mete mitak tina-osi lamatasa beno'u so, de lahani ka'da fai keketu-kokolun!

HATAHOLI 13:44

Neu fai Sabat mana mai ka boema, hii-hii nae basa hataholi manai kota ndia dalek lala'ena, ala mai lamanene Lamatua ka dede'a-kokolan.