YESAYA 60:3 - Susula Malalaok Hehelu Palak Ma Hehelu Beuk

³ Leoina-kala, ala faa beosu, mai leo o mangale'dom-ma mai, masa'ak fo ana tii nai o lain-na, ana taon-na manek-kala, dalen-nala lahiik-kana

YESAYA 60:3 ပူးပေါင်းရင်းမြစ်များ

KEJADIAN 49:10

Neukose Yehuda ho'u aitete'e nusak-ka, neukose tititi-nonosin paleta losa dodoon-na. Neukose leoina-kala leni bea mai, ma ala senek ma lakatele nai matan-na.

MAZMUR 102:16

Neukose leoina-la bii-lamata'u neu Manetualain koasan-na; ma basa mane-manek-kala, hia matua-mademan,

MAZMUR 102:22

Soona na'den-na, neukose nanatui-bengak nai Sion, ma neukose nanakoa-kiok nai Yerusalem,

MAZMUR 138:4

Ou Manetualain, basa manek manai daebafak-ka, neukose ala koa-kio O, nana, lamanene basa O hehelum-ma so.

MAZMUR 2:10

Da'di, taoafik leona, hai mane-manek-kala lemin, bubuluk leona, hai manakoasa daebafak-kala lemin!

MAZMUR 22:27

Neukose hataholi nuu-taa hata-taak-ka, na'a losa nakabete; hataholi fo ana mai leo Manetualain mai, neukose ana koa-kion. Sa'di leo been-na, emi tetu-temak losa dodoon-na!

MAZMUR 68:29

Emi Manetualaim-ma, noke emi be'i-balakaim; ou Manetualain, matetea-mahehele hata fo O tao basan soaneu ami so.

MAZMUR 72:11

Basa manek-kala, neukose ala sene-do'ok nai matan-na, basa leoina lala'ena, da'di atan-na.

YESAYA 11:10

Neukose fain-na losa, leoina-la tao matak neu manek esa, neme Dauk tititi-nonosin mai. Neukose ala mai neun, ma ala koa-kio mamana leleon-na.

YESAYA 42:6

“Au, Manetualain, fo naloo ma fe o bela-ba'uk soaneu makalala'ok ndoos ma matetuk-ka. Au hela-nole, ma Au akaboboi o, fo o da'di hehelu-balataak, ba'eneu hataholi daebafak-ka, ma mangale'dok ba'eneu basa leoinak-kala.

YESAYA 45:14

Manetualain nafa'da Israel nae, “O soa Masir dae-oen buna-boan, ma Sudan nanalan-na. O soa hataholi Syeba fo, mata makeek-kala; ala la'ok lai o deam-ma, no nanalangek. Neukose ala sene-do'ok ma ala manaku lae, ‘te'e-te'e Manetualain nai o tala'da; ta hapu lamatua daebafak fe'ek fa, ka'da Ndia mesak-kana!

YESAYA 45:22

Hai, basa laun daebafak-ka lala'en-na, fali leo Au mai, fo ela emi nanasoi-tefak, nana ka'da Au nde Manetualain-na, de ta hapu fe'ek fa!

YESAYA 49:12

Au anang-ngala, mai beosu leme dook-ka mai, leme kii, muli ma Sinim fo nai kona.”

YESAYA 49:23

Neukose mane-manek-kala, ala da'di sama leo o amam, ma ina manek-kala, da'di leo o inam. Neukose, ala senek, fo fe ha'da-holomata neu o, ma lakaloe-lakadae aon-nala neu o. Soona neukose, o bubuluk, mae Au Manetualain; hataholi fo, namahena neu Au-a, dalen-na ta ba'ihana fa.”

YESAYA 56:8

Manetualain Fo Mademaina, fo no falik hataholi Israel-la, neme mamana ookak-ka mai, nafa'da nae leoia, “Neukose Au o hataholi fe'ek-kala mai, fo ala da'di esa lo sila fo, nanatao nakabubua basak-kala so.”

YESAYA 60:10

Manetualain nafa'da Yerusalem nae, “Hataholi nusa dea-la, neukose lafofo'a falik o papala nanadamam-ma, ma mane-manek-kala, neukose lalalau-laoono o. Makahulun-na, Au huku o, nai Au nasa-melung dale, tehu besak ia, Au nau sue-lai o

YESAYA 60:16

Neukose leoinak-kala, ma mane-manek-kala, lakaboboi o, sama leo inak esa, nakaboboi anan-na. Soona besak-ka o bubuluk, mae Au Manetualain, fo o manasoi-manatefam-ma, ma o bubuluk mae Israel Manetualain, fo o Manasoi-po'im-ma, mabe'i-balakaik.

YESAYA 62:2

Hai Yerusalem, leoinak-kala, lita o sesengim-ma, mane-manek-kala mete o matua-mademam. Neukose loke o, nenik na'de beuk, fo Manetualain nde fe na'dek ndia.

YESAYA 66:12

Nana Manetualain nafa'da nae, “Neukose Au fe emi tetu-temak sama leo lee manafaak-ka; neukose leoinak-kala, leni su'i-beten leo o mai sama leo manalua ponu-ponuk-ka. Emi sama leo ni'iana fo, inan nasu'un ma ana ko'on boema ana kokosen nai ifan lain.

AMOS 9:12

Hataholi Israel-la neukose ala koasa bei ela nusa Edom-ma boema basa leoina fo makahulun-na Au nuung. Au, Manetualain, kokolak basa so, de neukose Au tao atetu dede'ak ndia.”

ZAKHARIA 2:11

Nai lelek ndia, neukose leoina makadotok, ala mai leo Au mai, fo ala da'di Au anang. Neukose, Ana leo nai emi tala'daheom, ma neukose emi bubuluk, mae Manetualain haitua basa au leo emi neu so.

MATEOS 28:19

Hu ndia de meu leo basa leoina manai daebafa ka lala'ena, fo taos da'di Au ana mana tunga ngala. Salanis ninik Ama ka na'de na, Ana ka nade'na, ma Manetualain Dula Dale na na'de na.

LUKAS 24:47

Susulak ia la boeo lafa'da lae, no Mane Mana Fe So'dak ndia na'de na, muse nanatui-bengak neu basa leoina lala'ena mae, hataholi daebafa ka muse tukatei-saledale, ma mafa'da mae Manetualain fe do'o do ampon neu sala-singo ka. Halak ndia muse nanatui-bengak mulai neme Yerusalem mai.

YOHANIS 12:32

Tehu Au ia, metema Au nananamatutua-namadedema basak nai daebafa ka soona, neukose Au hela uni basa hataholi la leo Au mai.”

HATAHOLI 13:47

Nana Lamatua ka fe ami paleta nde ia. Lamatua ka nae, ‘Au hele basa emi, da'di mangale'dok ba'eneu leoina ta Yahudi la, fo ela emi mini maso'dak fe hataholi daebafa ka lala'ena.’ ”

HATAHOLI 15:17

fo daenga beiela hataholi sila la, ala sanga Amak Manetualain, sama-sama lo leoina fe'ek fo ta hataholi Yahudi la fo Au alos soaneu ala da'di Au nuu ngala.’ Amak Manetualain nae leondia,

NINITAK 11:15

Boema ata nusa so'da kahitu puu pupuu na, boema nai nusa so'da ka hala kala nananamanenek bela na seli nafa'da nae, “Koasa soaneu paleta daebafa ka besak ia nai ita Manetualain ma Mane Mana Fe So'dak fo nanahelu ka, liman dale. Neukose Ana paleta losa dodoo na!”

NINITAK 21:24

Leoina manai daebafa kala, neukose ala la'ok nai ndela-sa'a na dalek, ma mane-mane kala boeo neukose lini su'i-bete nala leo kota ndia dalek neu.