YESAYA 6:9 - Susula Malalaok Hehelu Palak Ma Hehelu Beuk

⁹ Boema nadenu au la'o, fo au uni hala heheluk ia soaneu hataholi-la nae, “Neukose emi mamanene makandoo, tehu emi ta malelak fa. Neukose emi taoafik makandoo, tehu emi ta bubuluk hata fo ana da'di fa.”

YESAYA 6:9 ပူးပေါင်းရင်းမြစ်များ

AMSAL 28:5

Hataholi malelesik-ka, ta nalelak natalolole ndoos ma matetuk-ka fa, tehu hataholi fo, ana sene-do'ok neu Manetualain-na, te'e-te'e nalelak-kana.

YESAYA 28:13

Hu ndia de, neukose emi mamanene Manetualain hala-kokolan-na, nae leo ia: “Muse ia, muse ndia, muse leoiak, muse leondiak, muse popo-tama ia, muse popo-tama ndia!” Ma nai lelek emi la'ok, emi tu'u malelenga la'da, nalosa emi makahina, mala hihi'ik dale ma nanafook.

YESAYA 29:10

Manetualain taon-na emi matam-ma nduak, fo sungu mamanee. Ana poti ketu basa nabi-la matan-nala, ma Ana babaa ketu basa mananitak-kala mata-panan.

YESAYA 29:13

Manetualain nafa'da nae, “Hataholi sila-la, sene-do'ok neu Au, ka'da nenik hala-kokolak, tehu dalen-nala dook-ka neme Au mai. Sila agaman-na, ka'da nakanenetek hataholi daebafak, fo nanalees ta pake mete susulak fa.

YESAYA 29:14

Hu ndia de, neukose Au tao anggengek-kasa, nenik fefepak fo hahaek ta. Hataholi fo manatee-tenok-ka, neukose ana da'di nggoak, ma basa sila malelan-nala, neukose sosoa-ndandaan ta.”

YESAYA 42:20

Israel, o mita makadotok, tehu o ta taoafik neu fan, o madi'idook, tehu o ta mamanene fa.”

YESAYA 43:8

Manetualain nafa'da nae, “Madenu Au leoinang, fo leomae lanuu matak, tehu pokek-kala fo leu leo mata leu; fo pakek-kala, leomae lanuu di'idook.

YEREMIA 5:21

“Mamanene leon, hai emi fo, hataholi nggoa-panganak-kala lemin! Emi mamatak, tehu emi ta mita fa, madi'idook, tehu ta mamanene fa!

YESKIAL 12:2

“Hai hataholi daebafak fo, manasapu-manalalok-konei, o leo nai hataholi malenalanga-masa'ba sook-kala tala'da heon. Sila mamatak, tehu ta lita fa; madi'idook, tehu ta lamanene fa, nana ala nau lalenalanga-lasa'basoo.

HOSEA 1:9

Manetualain, nafa'da au nae, “Foi o anam ndia na'de, ‘Au Anang Ta Ndia fa’, nana Au anang ta hataholi Israel-la fa, ma sila Manetualain ta Au fa.”

MARKUS 4:12

fo ela ‘Ala taoafik lakandoo, tehu ala ta bubuluk hata fo ana dadi fa, neukose lamanene lakandoo, tehu ta lalelak fa, dede'ak ia ana dadi, fo ela ala boso lita ma lalelak, ma ala boso mai leo Manetualain mai, fo Manetualain fes do'o do ampon.’ ”

LUKAS 8:10

Yesus nataa nae, “Emi nanafe baba'e-babatik basa soaneu bubuluk bibila-babaak la'eneu tao leo beek Manetualain paleta da'dileo Mane ka. Tehu hataholi fe'e kala soona, nanananolik ninik nakandandaak, fo ela ala taoafi kana, tehu ala ta bubuluk hata fo ana da'di fa, ma lamanene tehu ta lalela kana fa.”

YOHANIS 12:40

‘Ao tao apoke mata nala, Au tao atea dale nala, fo ela mata nala boso lita, dudu'a aafi nala boso lalelak, fo ela ala boso fali leo Au mai fo Au tao alea-ahais.’ ”

ROMA 11:8

Nana nai Susula Malalaok dale nanasulak nae leo ia, “Manetualain tao na dale nala ma dudu'a-aafi nala lamanggoa; de losa besak ia, mata nala beita lita ma di'idoo nala ta hapu lamanene fa.”

ULANGAN 29:4

Tehu losa faik ia, Ana beita nau fe emi malelak, basa hata fo, emi la'ola'din ndia, sosoa-ndandaan-nala fa.