YESAYA 6:5 - Susula Malalaok Hehelu Palak Ma Hehelu Beuk

⁵ Boema, au kokolak ae, “Soe! Ketu au namahehenang-nga, nana au kokolak dede'a manggenggeok nanahu sala-singok-ka, ma au leo nai leoina-la boeo leondiak boe. Leomae leondiak boe, au ita matang Manek fo nde Manetualain Fo Manakoasa!”

YESAYA 6:5 ပူးပေါင်းရင်းမြစ်များ

KEJADIAN 32:31

Lelek le'do-a tenak, boema Yakob la'oela Pniel, tehu ana da'di eihelak, nanahu kosik heni duik manai kale'bon-na.

MAZMUR 24:10

See kande, Manek Mandela-masa'ak ndia? Manetualain Fo Manakoasa Ndia nde Manek fo mandela-masa'ak!

KELUARAN 24:10

de lita Israel Manetualain-na napadeik nai hata esa lain, sama leo uma latek fo nanataok neme batu nilam-ma mai, ma mangale'dok sama leo lalai-a namaneu.

KELUARAN 3:6

Au ia, o bei-ba'i kaim Abraham, Isak ma Yakob Manetualain-na.” Boema Musa ko'o ketu matan-na, nana ana bii mete Manetualain.

KELUARAN 33:20

Au ta atu'du Au mata-panang neu o fa, nana hataholi ta naso'da fa metema nita Au.

KELUARAN 4:10

Tehu Musa nae, “Ou, Manetualain, au hataholi esa, ta kokolak alelak fa, nau neme makahulun-na mai, do losa besak ia boe, lelek Manetualain kokolak basa no au. Au maang-nga balakaik-ka, de au kokolak ma'a-ma'a, te ta lai-lai fa.”

KELUARAN 6:12

Leondiak, Manetualain, nadenu Musa no Harun, fo landuku-lalosak halak neu leoina Israel-la, ma neu manek Masir-ra, lae Manetualain nadenu sila, fo lauli-lalanga leoina Israel-la, kalua leme Masir mai.

YESAYA 24:16

Nakamee kokoa-kikiok soaneu Israel fo, leoina manatunga paleta, nananamanenek neme daebafak-ka bu'un-na mai. Tehu soe ba'eneu au! Au aong-nga ta napena fa. Malelesik-ka, bei nalelesi nakandoo, nakalenak ala boetai lalelesik-ka.

YESAYA 29:13

Manetualain nafa'da nae, “Hataholi sila-la, sene-do'ok neu Au, ka'da nenik hala-kokolak, tehu dalen-nala dook-ka neme Au mai. Sila agaman-na, ka'da nakanenetek hataholi daebafak, fo nanalees ta pake mete susulak fa.

YESAYA 33:17

Neukose fain-na losa, emi mita manek fo, ana paleta nusan fo, natabaa leo basa mamanak lala'en-na, no namahokok.

YESAYA 59:3

Emi masala, nanahu masapepeko-masandandalik-ka, ma emi tao hata, ta tunga ndoos ma matetuk-ka fa, nanahu emi tao-no'i tatao-nono'i laka-nakasetik, ma kanisak-ka.

YESAYA 64:6

Ami basa-basam-mala nde been-na, hataholi manggenggeok, nakalenak ami tatao-nono'i malolem-ma boeo, ta kandaak ma maggenggeok. Neukose mopok ami, nanahu ami tatao-nono'i mangalaum-ma, sama leo anin-na fuu neni akidook-ka.

YEREMIA 1:6

Boema au ataa ae, “Ou Manetualain au ta kokolak alelak fa, nanahu au bei muli-soluk nanseli.”

YEREMIA 51:57

Neukose Au tao amafuk manaho'u paleta Babel – basa hataholi malelak-kala, mauli-malanga ma soloda'du. Sila ta fo'a soon, sungu losa dodoon-na. Au nde makokolak so; Manek-ka nde Au, Au Manetualain Fo Manakoasa.

YESKIAL 12:2

“Hai hataholi daebafak fo, manasapu-manalalok-konei, o leo nai hataholi malenalanga-masa'ba sook-kala tala'da heon. Sila mamatak, tehu ta lita fa; madi'idook, tehu ta lamanene fa, nana ala nau lalenalanga-lasa'basoo.

YESKIAL 33:31

Boema langanongo mai, fo da'di leo Au anang, de langatuuk fo lamanene o hala-kokolam, tehu ala ta tunga o hala kokolam sila-la fa. Difadoon-nala kokolak dede'a susue-lalaik-ka, tehu nai dalen-nala dalek, ala dodoo ka'da nanalak-ka mesak-kana.

DANIAL 9:20

Au hule-haladoi akandoo fo manaku au sala-singong ma au leoinang Israel sala-singon-nala, boema au dokodoe neu Manetualain fo au Manetualaing-nga, fo tao matalolole uma malalao-malalafun-na.

HABAKUK 3:16

Au amanene ndia boema au daleng-nga dele ma au difadoong-nga dele ngge'be-ngge'be. Au aong-nga none-na'u, de balakaik ta so au la'ok su'di nai bee boe, au eing-nga nakatunu. Neukose au ahani no dale tesa-tamak Manetualain huhukun-na neu hataholi manamusu no ami.

BILANGAN 17:12

Boema, hataholi Israel-la, lafa'da Musa lae, “Metema leondiak soona, ami soe so! Neukose mopo-mate ami!

HAKIM-HAKIM 13:22

Boema, Manoah nafa'da saoinan-na nae, “Tao leo bee-o, neukose mate ita, nana ita tita Manetualain so!”

HAKIM-HAKIM 6:22

Gideon name'da, nae manamaik leo ndia neu ndia, nde been-na, Manetualain ata nusa so'dan-na. Boema Gideon kokolak no bibiik nae, “Soe ba'eneu au, ou Manetualain Fo Mademaina! Nana au asasalematak o, O ata nusa so'dam-ma so!”