YESAYA 6:4 - Susula Malalaok Hehelu Palak Ma Hehelu Beuk

⁴ Halan-nala taon-na Manetualain Uman-na laten-na dele, ma Manetualain Uman ndia mesak-kana, henuk no ha'imasuk-ka.

YESAYA 6:4 ပူးပေါင်းရင်းမြစ်များ

MAZMUR 18:8

Boema daebafak-ka nanggengo, ma ana dele, ma letek-kala huun-nala dele, ma laleuk, hu kande Manetualain nasa-melun.

KELUARAN 40:34

Basa boema, ko'as-sa kona mai, de ana potiketu Manetualain Lalaa Teman-na, de Lalaa Temak ndia henuk no Manetualain ndela-sa'an.

YESKIAL 1:24

Metema ala laa fo lakalalapa li'dan-nala soona, au amanene; liin-na sama leo oe manalili'dok-ka liin-na, ma sama leo solda'du bubua matuaina esa, ei ndu'un-nala, sama leo Manetualain Fo Manakoasa halan-na. Metema ala laa late'e soona, ala diku li'dan-nala,

YESKIAL 10:5

Mahahaek sila-la, lakalalapa li'dan-nala, de lamanenen losa uma so'dan manai deak-ka, sama leo Manetualain Fo Manakoasa, halan-na.

YESKIAL 41:16

nanabalias nenik papak ai, neme laten-na losa jendelan-nala. Jendela sila-la nanalonak nenik tema jendela.

YESKIAL 44:4

Basa boema, touk ndia noo au leo lelesuina kii, fo nasasalematak no Manetualain Uman-na. Au taoafik matalololen boema, au ita Manetualain mandela-masa'an poti-na Manetualain Uman-na, fo da'di ta'du-tana nae, Manetualain nai ndia. Boema au bala uu de, au sene-do'ok,

AMOS 9:1

Au ita Manetualain napadeik deka no mei tunu-hotuk-ka. Ana fe paleta nde ia, “Fepa mapane'e basa dii lupek manai Au Uma nga, fo ela basa uma laten-na lala'en-na nanggengo. Soli matu'u dii sila-la leo hataholi-la langan lain neu. Ta mate see fa soona, neukose Au taoisan nai natee-natatik dale. Hataholi esa boen, ta hapu nalai fa, ma neukose ta hapu hataholi esa boen naladeak fa.

NINITAK 11:19

Boema Manetualain Uman manai nusa so'da ka natahuka, de Peti Hehelu Balataa ka nananitak nai dalek. Boema ndela sa tuti-nato, ma ta'ta sa nata'ta nakadedelek, boema dae manggengo ka ma u'da eis matuaina.

NINITAK 15:8

Boema Manetualain Uman ndia henuk no ha'imasuk maneme Manetualain matua-mademan ma koasa na mai. Ata nusa so'da kahituk fo manini susa-soe kahituk sila la beita nate'e fa soona, ta hapu hataholi esa boen hapu masok leo Manetualain Uman dale neu.