YESAYA 6:11 - Susula Malalaok Hehelu Palak Ma Hehelu Beuk

¹¹ Boema au atane ae, “Manada'dik ia, ana da'di losa faihi'da Manetualain?” Boema nataa nae, “Losa kota-la da'di batu nananaunuk, fo ala da'di kota louk, hataholi ta leo uma-la so'on, ma dae-a da'di louk ma tokotik,

YESAYA 6:11 ပူးပေါင်းရင်းမြစ်များ

MAZMUR 74:10

Ou Manetualain, losa faihi'da, musu-a hakinonoli O? Ala lakamumulu-lakamamaek O na'dem-ma, losa dodoon-na do?

MAZMUR 79:5

Ou Manetualain, O mamanasa, ma O nape'da dalem-ma pila lo'a-lo'a sama leo ha'i-a losa dodoon-na do?

MAZMUR 90:13

Ou Manetualain, O mamanasa losa faihi'da? Fali ma'im-ma leona, fo sue-lai O atam-mala.

MAZMUR 94:3

Ou Manetualain, hataholi mangalauk-ka, namahoko-setelee losa fa'ihi'da? Losa faihi'da, ou Manetualain?

YESAYA 1:7

Emi nusam-ma, nanatao namopo-namatek so; emi kotam-mala, nanahotu henik. Hataholi nusa dea-la, ho'i-la emi daem-ma, de ala tao lakalulutuk la'iesak-kasa nai emi matam.

YESAYA 13:12

Hataholi nanasoi-tefak-ka lumanak nanseli, ta hapus makandondook fa, lena heni neme sanga lilo isik-ka.

YESAYA 3:26

Neukose hataholi-la manato'a-taak, ala kii-makaleleu nai kota lelesuinan-nala, ma neukose kota ndia mesak-kana sama leo ina nanao'du nakaholak-ka de nangatuuk nai dae lain.

YESAYA 3:8

Te'e-te'e, Yerusalem tu'da so! Yehuda nakalulutuk so! Nana sila dede'a-kokolan, ma tatao-nono'in lala'en-na la'ban Manetualain ma ala ta sipok koasan-na fa.

YESAYA 32:14

Nakalenak uma manek-ka, neukose nanala'o elak, ma nusak-ka polon fo, makalupu-makaseek ndia, ana da'di nee-nee lino-linok. Pupukuk ma uma puni madema naneak-kala, lakatetepak lo dae bafan-na, losa dodoon-na.

YESAYA 35:1

Moo solokaek-ka, ma dae tuuk-ka, neukose lamahoko-setelee, bunga-la lakapela lai moo maloa.

YESAYA 5:9

Au amanene Manetualain Fo Manakoasa soo-supa nae, “Uma matuaina mana'ahiik ia-la, neukose basa-basas louk, nana hataholi ta leo nai dalek fa.

YESAYA 60:15

Neukose, o ta nanala'oelak, ma ta nananakamuu-nakadauk fa, ma ta nanapo'ilotak da'di nee-nee lino-linok fa. Au tao o da'di dalen-namatutuak fo manaketu basa tak, mamana namahoko-setelek losa dodoon-na.

YESAYA 64:10

O kota malalao-malalafum-mala, lalupa moo solokaek, Yerusalem da'di moo tokotik fo nee-nee-lino-lino.

YEREMIA 22:6

Ba'eneu Au soona, manek Yehuda mamana manen-na mana'ahiik nan seli, mana'an-na leo dae Gilead-ta ma letek-letek Libanon; tehu mamanak ndia Au taon sama leo mok solokaek fo ta hapu hataholi esa boen leon fa.

YEREMIA 4:7

Sama leo singa, ana kalua neme mamana keke'ken-na mai, leondiak boe, leoina fo manatao nakalulutuk-ka, ana la'o so ana mai, fo ana sanga tao namopo-namate Yehuda. Kota-kota manai Yehuda-la, neukose ala lakalulutuk da'di batu madodouk mamanak fo, hataholi ta leo fan.

YEREMIA 44:2

Manetualain Fo Manakoasa, fo Israel Manetualain-na hala-haituan-na nde ia neu sila, “Emi sakasii matam susa-soe fo Au tuni-ndeni neu Yerusalem ma basa kota fe'ek manai Yehuda. De losa besak ia boe kota-kota sila bei nai nakalulutuk-ka dalek de ta hapu hataholi leo fan.

YEREMIA 52:27

nai dae Hamat. Nai na ala fes doidoso ma ala tao lisas. Hataholi Yehuda-la nanafook leondiak neme sila nusan leo mamana ookak-ka neu;

YESKIAL 6:6

Basa kota Israel-la, neukose nanatao nakalulutuk, ma basa mei tunu-hotun-nala ma sosongo-tatangon-nala lakalulutu, mamana tutunu boomenin-nala heaba'es, fo besenggela-besenggali, ma sila lima tataan lala'en-na, neukose mopos.

DANIAL 8:13

Basa boema, au amanene ata nusa so'dak-kala, esa nafa'da esa nae, “Basa hata fo nananitak nai ninitak ndia dalek-ka, neukose ana da'di losa faihi'da? Sala-singo matuaina ndia, ana nggati tutunu-hohotu su'di faik-ka losa faihi'da? Ana heheta-aa'i solda'du nusa so'dak-kala ma uma mamasok ndia losa faihi'da?”

IMAMAT 26:31

Au tao akalulutuk emi kotam-mala, fo da'di ai-batu madodouk, Au tao akalulutuk emi mamana sosongo-tatangom, ma Au ta sipok emi tutunu-hohotum-mala fa.

IMAMAT 26:33

Neukose, Au fe natee-natatik-ka, da'di nai emi nusam-ma, fo ana tao tapasasala emi, nai nusa dea-la. Neukose, emi tinam-mala, ma emi kotam-mala nanapo'ilotak, fo ala da'di ai-batu madodouk.

MIKHA 2:4

Neukose hataholi pake emi ua-nalem da'dileo dede'a holo, ma neukose ala tao nakamee fafaluk-ka nde ia: ‘Manetualain loso-na ami nusam ia so de Ana fen neu hataholi fo manafoo neni ami-a. Ami lutu-lutu makandondook so.’ ”

MIKHA 5:11

Neukose Au tao amopo emi le'u-le'um-mala, ma Au si'u heni basa emi hataholi mananeuk hataholi-a ua-nalen.

MIKHA 6:13

Besak ia, Au mulai fepa ma tao akalulutuk emi, nanahu emi sala-singom-mala.

MIKHA 7:13

Tehu neukose daebafak-ka da'di dae tokotiik, nanahu laun-na tatao-nono'i mangalaun-na.

ULANGAN 28:62

Leomae, emi dede'um-ma, de'u nduuk manai lalai-a so boe, tehu nai emi dalek, hapu maso'dak, ka'da lumanak mesak-kana, nanahu emi ta tunga neu emi Manetualaim-ma fa.

ULANGAN 28:63

Sama leo Manetualain nahiik tao malole soaneu emi, ma Ana fe emi mamade'u, leondiak boe, neukose nahiik tao namate-namopo emi, ma tao nakalulutuk emi boe. Neukose, Ana usiheni emi neme nusak fo, ta dook-ka so'on te, emi mangatuu-malan ndia, dalek mai.