YESAYA 6:10 - Susula Malalaok Hehelu Palak Ma Hehelu Beuk

¹⁰ Boema, nafa'da au nae, “Tao mapa'a hataholi sila-la dudu'a-aafin-nala, tao mapake di'idoon-nala, ma tao mapoke matan-nala, fo ela ala boso lita, lamanene do lalelak, soona ala fali ma'is leo Au mai, fo ala lea-hai.”

YESAYA 6:10 ပူးပေါင်းရင်းမြစ်များ

MAZMUR 119:70

Hataholi sila-la, ta lalelak fa, tehu ba'eneu au soona, O hoholo-lalanem, nandaa no au daleng-nga.

MAZMUR 17:10

ala ta lanuu dale kasian fa de ala kokolak no koao-ndaeaok.

MAZMUR 69:23

Nemen-na fo, sila fetan-na, neni soe ma ana da'di hihi'ik ba'eneu sila fui-nala.

KELUARAN 10:27

Manetualain taon-na manek-ka nalanga batu, nalosa ana ta po'i hataholi Israel-la la'o fa.

KELUARAN 11:10

Musa ma Harun tao basa manada'di beuk sila-la nai manek-ka matan, tehu Manetualain tao-nan nalanga batu, nalosa ana ta nau po'i hataholi Israel-la la'oela nusan-na fa.

KELUARAN 14:17

Neukose Au tao-a hataholi Masir-ra lalanga batu, nalosa ala usi lahele hataholi Israel-la, fo neukose, Au atu'du Au koasang-nga neu manek Masir-ra, solda'dun-nala, kaleta musun-nala, boema basa hataholi manasa'e ndalan-nala.

KELUARAN 7:3

Tehu neukose, Au tao-a manek-ka da'di nalanga batu. Neukose ana ta taoafik neu o fa, leomae Au fe soe makadotok, da'di nai Masir so.

AMSAL 16:30

Manea matalolole soaneu hataholi manahika-humek ma manamakahehe'de matak-ka, nana ana tutu'u eno mangalauk, nai dalen dale.

PENGKHOTBAH 3:3

faik soaneu nanisa, ma faik soaneu nakahahaik, faik soaneu ofe henin, ma faik soaneu nafofo'an.

YESAYA 19:22

Neukose Manetualain nanoli leoina Masir-ra nenik fefepa-lili'uk, tehu basa soona, neukose Ana tao nalea-nahais. Neukose ala fali ma'is leo Manetualain mai, ma neukose Ana namanene huhule-haladoin-nala, boema Ana fes lelea-hahaik.

YESAYA 28:13

Hu ndia de, neukose emi mamanene Manetualain hala-kokolan-na, nae leo ia: “Muse ia, muse ndia, muse leoiak, muse leondiak, muse popo-tama ia, muse popo-tama ndia!” Ma nai lelek emi la'ok, emi tu'u malelenga la'da, nalosa emi makahina, mala hihi'ik dale ma nanafook.

YESAYA 29:10

Manetualain taon-na emi matam-ma nduak, fo sungu mamanee. Ana poti ketu basa nabi-la matan-nala, ma Ana babaa ketu basa mananitak-kala mata-panan.

YESAYA 29:14

Hu ndia de, neukose Au tao anggengek-kasa, nenik fefepak fo hahaek ta. Hataholi fo manatee-tenok-ka, neukose ana da'di nggoak, ma basa sila malelan-nala, neukose sosoa-ndandaan ta.”

YESAYA 29:9

Dodoo doak ma nggenge makandoo leona, ma masusungu mata, sama leo hataholi pokek-ka! Da'di manamafuk leona, tehu, ta hu kande minu angol fa. La'ok maleu-lilok leona, tehu, ta hu kande minu ala fa.

YESAYA 44:18

Te'e-te'e, hataholi leo sila-kala, nggoan-na seli! Ala potiketu matan-nala, ma dalen-nala, nalosa ta lalelak hata esa boen.

YESAYA 63:17

Ou Manetualain, tao le'e de, O po'ilotak ami, matofa-matalak? Tao le'e de, O tao matea ami dalem-ma, nalosa ami ta bii-mamata'u neu O fa? Hu kande, O atam-mala, ma hu kande O anam fo, O pusakam-ma, fali ma'im-ma leona.

YEREMIA 17:9

Hataholi daebafak-ka dalen-na ta hapu neuk mala fan, malelahik lena basa hata-hata lala'en-na ma he'di-laun matuina nanseli.

YEREMIA 5:21

“Mamanene leon, hai emi fo, hataholi nggoa-panganak-kala lemin! Emi mamatak, tehu emi ta mita fa, madi'idook, tehu ta mamanene fa!

YEREMIA 6:10

Boema au ataa ae, “Manetualain, au muse kokolak o see, ma au muse fe nasanene'dak neu see? Hataholi sila, langabatu lanseli, de ala ta nau taoafik fa. Ala hika ma ala ta hii O hala hehelum, fo au anduku-alosak-kana neus fa.

RATAPAN 3:65

Soo-supas ma nemen-na fo ala leo nai ketu nama, hehenak-ka dalek.

ZAKHARIA 11:15

Boema Manetualain nafa'da au nae, “Tao la'iesa seluk, nono'kabai o manafoo, tehu oek ia soona, o da'di leo manafoo ta malole fa.

ZAKHARIA 7:11

Tehu, Au anang-ngala langa batu, de ta nau lamanene makandondook fa, ma ala suleketu di'idoon-nala, fo ela boso lamanene.

MATEOS 13:15

Nanahu hataholi ia la, dudu'a-aafin nala pa'an so, di'idoo nala pakes so, ma mata nala lasusungu kana so. Dede'ak ia ana da'di, fo ela mata nala boso lita, ma di'idoo nala, boso lamanene, dudu'a aafin nala, boso lamatane, fo ela, ala boso fali leo Au mai, fo Au boso tao ahais.’ ”

YOHANIS 12:40

‘Ao tao apoke mata nala, Au tao atea dale nala, fo ela mata nala boso lita, dudu'a aafi nala boso lalelak, fo ela ala boso fali leo Au mai fo Au tao alea-ahais.’ ”

HATAHOLI 28:27

Nanahu leoina ia dudu'a-aafin, ta lamatane so'on, di'idoo nala da'di pakek so, ma mata nala lasusungu kana so. Dede'ak ia ana da'di, fo ela mata nala boso lita, di'idoo nala boso lamanene, dudu'a-aafi nala boso lalelak, fo ala boso fali leo Au mai, fo Au tao alea-ahais.’ ”

HATAHOLI 3:19

Hu ndia tolano-tolanoo ngala lemin, tukatei-saledale meme emi sala-singo mala mai leona, fo fali leo Manetualain mai, fo ela Ana kokaheni emi sala-singom sila la.

ULANGAN 2:30

Tehu Mane Sihon-na ta fe ita loak la'ok tunga ndia nusan-na fa. Emi Manetualaim-ma fen nalanga batu, ma dalen-na natea, fo ela ita hapu sengin. Ita bei tangatuu-ta daen-na losa besak ia.

ULANGAN 29:3

Emi boeo, mita basa, Manetualain tao susa-soe matuaina-la, manada'di beuk-kala, ma tatao-nono'i mata beuk-kala so.

ULANGAN 29:4

Tehu losa faik ia, Ana beita nau fe emi malelak, basa hata fo, emi la'ola'din ndia, sosoa-ndandaan-nala fa.

ULANGAN 31:20

Neukose, Au oos leo nusak fo, kamasu'ik ma maoe-maisik-ka, sama leo Au helu basan neu sila bein-na'i kain-nala so. Neukose, ala laso'da no namahokok nai ndia, ma ala hapu basa nana'a-nininuk fo ala paluu-ka. Tehu, neu fai makabuin, te neukose ala fali deak, fo ala sene-do'ok neu lamatua daebafak fe'ek-kala. Neukose, ala ta sipok Au fa, ma lafandeleheni Au hehelu-balataang,

ULANGAN 32:15

Manetualain anan-nala da'di kamasu'i-makabetek, tehu ala hii lena-la'ban paleta laao bebonu, ma lakabete nana'ak. Boema ala la'oela Manetualain fo Manamakadada'dik sila ma ala ta sipok Manasoi-manatefa palani tatibatu-na fa.