YESAYA 57:7 - Susula Malalaok Hehelu Palak Ma Hehelu Beuk

⁷ Emi meu leo letek-kala poin-na meu, fo tunu-hotu tutunu-hohotuk, fo emi tao matetu emi nasa sao-anam.

YESAYA 57:7 ပူးပေါင်းရင်းမြစ်များ

YESAYA 57:3

Tehu emi fo, manatao sala-singok-kala, mai leona, fo nananaketu-nala'dik! Emi ta malole lena neme, hataholi manapake mo'do-akidook-ka, hataholi fo, ana nau hohonge, ma manasosoa-piaok-ka mai fa!

YESAYA 65:7

nanahu sila sala-singon, ma sila bei-ba'i kain-nala sala-singon. Ala lakadadaek Au, nenik ala tunu fe lamatua daebafak-kala boomenik, nai mamana sosongo-tatangok-ka nai pupukuk lain. Neukose Au balas sila, nandaa no sila tatao-nono'in, nai tepo lelek maneuk-ka.”

YEREMIA 2:20

Manetualain nafa'da nae, “Dook-ka so, o ta nau da'di ata neu Au fa; o ta nau tunga, do sene-do'ok neu au fa. Nai pupuku mademaina-la esa-esak lain, ma nai aihuuina-la esa-esak huun-na, o sene-do'ok neu lamatua daebafak, fo manafe dae-a nalole.

YEREMIA 3:2

So'ba mete leo lain fo leo pupuk-kala lain muu! Mamanak beek-kande, o beita muu sosoa-piao meme ndia fa? Sama leo hataholi Arab-pala lai moo solokaek-ka, leondiak boe, o mangatuuk nai enok-ka su'un-na fo o mahani hataholi fo, ana hii nakaminak susue tou-ta'ek ma ina-anafe'ok. O tao manggenggeo nusak ia, nenik o sosoa-piaom, ma o tatao-nono'i mangalaum-ma

YEREMIA 3:6

Nai tepo lelek Mane Yosia paleta, Manetualain nafa'da au nae leo ia, “O mita basa hata fo Israel, inak fo ta manalilinekak ndia, tao-no'ik-ka so do beik? An la'oela Au, de ana sosoa-piao nai pupuku mademaina-la esa-esak lain, ma nai ai huu matuaina-la, esa-esak huun-na.

YESKIAL 16:16

O ho'i-ma, o bua papakem nggelok fo, o balias neu o mamana sosongo-tatangom-mala. O da'di ina manasosoa-piaok, ma o mase'o o aopaam-ma, neu touk lala'en-na.

YESKIAL 16:24

Bai te, o tao mamana sosongo-tatangok ma mamana sosoa-piaok nai masadokek-kala, ma nai enok-kala su'un-na.

YESKIAL 16:25

O tao manggenggeo, o mata makeem-ma. O mase'o o aopaam-ma, neu su'di touk see fo ana la'ok tunga ndia, ma o hohonge makandondoo henin.

YESKIAL 23:17

Boema ala mai de, ala sungu loon. Ala tao langgenggeo na'den-na nenik sosoa-piaon ndia, nalosa neu mate'en-na, ana malua seluk-kasa.

YESKIAL 23:41

Beoma langatuuk leu pepe'u manahiik lain. Nai matan-nala, hapu mei esa, henuk no nana'a-nininuk, boema Au fes boomenik ma mina setun-na, lai mei ndia lain boe.

YESKIAL 6:13

Neukose hataholi manamatek-kala, lalefu-le'ak lai sosongo-tatangok-kala tala'da, ma lai mei tunu-hotuk-kala boboa-kaisun, beelenga basa pupukuk mademaina-la poin-na, ma lai basa letek-kala poin-na, lai ai doo manaleloakak-kala huun-na, ma lai basa ai matuaina-la huun-na; dede'a keke'un-na, su'di nai mamanak bee, fo ala tunu tutunu-hohotuk fe sila sosongo-tatangon soona, hapu mamates nai ndia. Soona besak-ka basa hataholi-la, ala bubuluk lae Au nde Manetualain-na.