YESAYA 57:4 - Susula Malalaok Hehelu Palak Ma Hehelu Beuk

⁴ Emi hika-ka, nde see-ka? Emi hakinonolik-ka, nde see-ka? Ade emi ta nde, tititi-nonosik neme hataholi masapepeko-masandandalik, ma manalena-la'bak-kala mai fa do?

YESAYA 57:4 ပူးပေါင်းရင်းမြစ်များ

2TAWARIKH 36:16

Tehu ala lakamiminak Manetualain hataholi nadedenun sila-la, ma ala hika nabi-nabin-nala boema ala ta taoafik neu hala-kokolan fa. Mate'en-na Manetualain namanasa nanseli neus, nalosa ta hapu eno kaluak seluk ba'eneus soaneu latapo'i leme huhuku-dodokin mai.

MAZMUR 22:13

Musu-a nakamomotu-na au, sama leo sapi mane bubuak esa, lakahapi-la au, sama leo sapi mane fuik-ka neme Basan mai.

MAZMUR 22:17

Hataholi mangalauk bubuak esa, lakahapi-la au; sama leo busa bubuak esa, lakamomotu-la au, ala papau au limang-nga ma au eing-nga.

MAZMUR 22:7

Tehu au ia kalati dae, te ta hataholi daebafak fa, hataholi makadotok hakinonoli ma lakadadaek au.

MAZMUR 35:21

Ala eki ma lafa'da au, lae sila lita basa au tatao-nono'ing so.

MAZMUR 69:12

Au pake si'di kalong, fo da'di ta'du-tana manasusak, tehu ala kokolak holo au.

KELUARAN 9:17

Leomae leondiak boe, o bei koao-ndaeao boe, de o ta nau po'i Au anang-ngala la'o fa.

YESAYA 1:4

Soe ba'eneu emi, leoina fo masala-masingok-kala, hataholi fo dale aafi tak-kala, ma manatao tatao-nono'i mangalauk-kala lemin! Emi kosik de emi tu'da, hu kande emi sala-singom-mala. Emi tipa heni Manetualain so, ma emi masadea Manetualain fo Malalao-malalafuk nanseli, fo emi muse sene-do'ok-ka.

YESAYA 10:15

Tehu Manetualain nafa'da nae, “Ade hapu taka namatutua-namadedema aon-na, soaneu hataholi manapaken-nana do? Ade hoholok-ka nanapaluuk lena neme hataholi manapaken-nana mai do? Ai kalapu'ak-ka ta nde so'uk hataholi-a fa, tehu hataholi-a nde so'uk ai kalapu'ak-ka.”

YESAYA 30:1

Manetualain nafa'da nae, “Soe ba'eneu mauli-malangan Yehuda-la, nanahu ala la'ban Au. Ala tunga dale tutu'uk fo, ta neme Au dale tutu'ung-nga mai fa. Ala lima-lee, hehelu-balataak fo, nasei-kosalak no Au dale hihiing-nga. Hu ndia de, sala-singon-nala ladodou.

YESAYA 30:9

Nana, sila nde been-na, leoina esa, fo ala hii ka'da la'ban Au, ala hii ka'da lasapepeko-lasandandali, ma ala ta nau lamanene Manetualain nanolin-na fa.

YESAYA 37:23

Ade, o bubuluk see kande o dodoki-aalin, ma o makamumulu-makamamaek-kana ndia do ta? Au, fo Israel Manetualain-na, Manetualain fo malalao-malalafuk-ka.

YESAYA 37:29

ma Au amanene basa, la'eneu o nasa-melum, ma o koao-ndaeaom ndia so. Besak ia, Au tao ai kakaik neu o panam-ma, ma lapa neu o bafam-ma, fo ela Au hela falik o, tunga lelek o mai fo, o tunga enok-ka.”

YESAYA 48:8

Au bubuluk, o ta mamahele fa, neme makahulun-na mai, o nananita-nalelak da'di leo manamalelesik. Hu ndia de, o ta bubuluk-kana fa, o ta mamanene dede'ak de'ek esa boen.

YESAYA 57:5

Emi sene-do'ok neu lamatua daebafak fo, manafe dae-a nalole, nenik emi po'ilotak emi dale hihiim-ma, neni emi aoinam-ma leo emi ai manitum-mala huun-na neu. Emi matoi-matono emi anam-mala, lai bafak manai lee-la, ma nai batu-la lelan-nala.

YEREMIA 20:8

Au kokolak do'e-do'e ae, au muse eeki-apane'e losa basa au be'i-balakaing-nga, “Nasananseli! Susa-soe!” Manetualain, au nanahakininisik ma nananakamu-nakadau su'di faik, nanahu anduku-alosak o hala-hehelun-na.

YESKIAL 2:4

Ala lalangabatu, ma ala ta fe ha'da-holomata neu Au fa. Au adenu o muu leo hataholi sila-la, fo manduku-malosak hata fo Au, Manetualain Fo Mademaina, afa'da neus,

HOSEA 10:9

Manetualain nafa'da nae, “Lelek manada'dik manai Gibea, hataholi Israel-la boeo, beita hahae tao sala-singok la'ban Au fa. Hu ndia de, nai Gibea boeo, neukose natee-natatik tuni-nalas.

BILANGAN 16:11

Metema o moo o hataholim fo manalook o-a, bemumu moo Harun soona, te'e-te'e, emi la'ban Manetualain!”

MATEOS 13:38

Tina ndia nde daebafak ia. Bini-ngges malole sila la nde hataholi fo, ana da'di Manetualain hataholi kamahehele nala. Boema fii sila la nde hataholi fo, ala lok nitu a.

MATEOS 27:29

Ala ane la ti'ilanga nggauk esa de ala taon neu Yesus langan lain. Basa boema lahoho'u ai tete'ek esa neu lima kona na, boema ala senek leu mata na, de ala hakinonolin lae, “So'dak neu hataholi Yahudi la Mane na!”

LUKAS 10:16

Boema Yesus nafa'da ana manatunga nala nae, “Metema see namanene emi soona, namanene Au. See tipa emi soona, ana tipa Au. Boema hataholi manatipa Au a, ana tipa Ndia, fo manamadenu Au a boe.”

HATAHOLI 9:4

Tutika ana bala neu dae, boema namanene halak esa nafa'dan nae, “Saulus, Saulus! Tao le'e de o tuni-ndeni Au?”

EFESUS 5:6

Emi boso nanake'di-ndiuk, hu ka nde mana kokola bafa lou kala. Nana dede'ak ia la nde tao lafo'a Manetualain nasa melun, soaneu hataholi fo ta lamahele fan.

KOLOSE 3:6

Dede'a matak leo sila kala nde, tao la Manetualain namanasa hataholi fo ta mana tunga nana fa.

YOSUA 10:21

Basa boema Yosua solda'dun-nala lala'en-na, ala fali leo Yosua nai mamana ofun-na nai Makeda. Ta hapu hataholi esa boen nai nusak ndia, napalani kokolak hata-hata soaneu la'ban hataholi Israel-la!

2 PETRUS 2:13

Neukose ala sipo sila tatao-nono'i mangalaun ndia buna-boan, fo nde doidosok ma to'a-taa ka. Tatao-nono'ik fo, nandaa no hataholi sila dale na nde, ala tao su'di bee ka nai fai lele'do na, sa'di ala tao latetu sila dale hihii na. Metema langatuuk lakabubua lo emi nai feta-dote soona, hataholi la malua heheo-hihilu nala, nana nasa melu mata-mata kala, tao lalas da'di mana mafu kala.