YESAYA 57:20 - Susula Malalaok Hehelu Palak Ma Hehelu Beuk

²⁰ Tehu hataholi manatao tatao-nono'i mangalauk-ka nde been-na, sama leo tasi fo lii-la ta hahae fa, lii-la, puka leni kadafuk ma tane.

YESAYA 57:20 ပူးပေါင်းရင်းမြစ်များ

2RAJA-RAJA 6:11

Dede'ak ndia taon-na mane Siria, namanasa nanseli, nalosa naloo basa malanga solda'du manai lain-nala, de natanes nae, “Tao leo bee-o, nai ita dalek, hapu hataholi malelesik. Hataholi ndia, nde see? Ayo, mafa'da leona!”

YESAYA 3:11

Tehu soe ba'eneu hataholi mangalauk-ka! Neukose hataholi tao sila sama leo sila tao hataholi fe'ek-kala so.

YESAYA 3:9

Sila heo-hilun fo manakoao-ndaeaon-na, natu'du sila tatao-nono'i mangalaun-na. Sila tao sala-singok no le'do-le'dok, sama leo makahulun-na hataholi Sodom-mala. Soe ba'eneu sila! Sila leni soe fe sila aoinan-nala.

YESAYA 48:22

Ba'eneu hataholi mangalauk-ka, ana ta hapu so'da-molek fa,” Manetualain nafa'da nae leondia.

YESAYA 59:8

Emi ta sanga enok, soaneu mole-dame-a fa, ma basa emi tatao-nono'i mala, ta tunga ndoos ma matetuk-ka fa. Emi enom-ma dopelele'u, de hataholi manala'ok tunga enok ndia, neukose ta naua-nanale fa.

YEREMIA 49:23

Manetualain nafa'da nae leo ia neu Damsyik. “Laun manai kota Hamat ma Arpad-tala bii lanseli hu ka nde lamanene hala mangalauk. Dalen-nala he'dis ma nalena langa pikok sama leo lii nai tasi lain.

YUDAS 1:12

Metema hataholi sila la, la'a lakabubua lo emi, nai emi feta perjamuan susue ma dalek soona, la'a no ta pake bibii-mamaek fa nana, hataholi sila la, maa maolok. Ta lafandele hataholi fe'ek so'on. Hataholi sila la, sama leo ko'a u'da ka, fo ani na fuu ninin mai, tehu u'da na ta mai fa. Hataholi sila la boeo, sama leo ai maboa ka, fo oka na nanafe'a henik, boema maten, de losa fai naboa na te, ta naboa fa.

YUDAS 1:13

Sama leo lii napoponu nai tasi lai fo nafufu'de, leondiak boe, hataholi sila la tatao-nono'in nini mamaek. Sila nde bee na, sama leo bana mana leu-laa ka, fo Manetualain sadia basa mamana nala, nai makahatu ina dale, losa dodoo na.