YESAYA 57:18 - Susula Malalaok Hehelu Palak Ma Hehelu Beuk

¹⁸ Au ita basa sila ha'da-tataon so, tehu, neukose Au tao alea-ahais boe. Neukose Au hela-noles ma tulu-falis, ma kokoe-nanasi hataholi fo, dalen-na he'dis-sa.

YESAYA 57:18 ပူးပေါင်းရင်းမြစ်များ

MAZMUR 23:2

Ana nangapepe'uk au, nai mook mana'u momo'dok. Ana hela-nole au, leo oe mananee-nee lino-linok-ka neu.

MAZMUR 51:12

Makadada'dik dalek fo, neuisik ba'eneu au, ou Manetualain, tao mabebeu au daleng-nga nenik manggatek fo matea-mahelek.

MAZMUR 94:19

Metema, au daleng-nga ta tesa-tama fa soona, O kokoe-nanasi au, ma O tao-ma au amahoko-setelee.

PENGKHOTBAH 9:4

Tehu lelek bei nai fai maso'dan-na dalek nai lelek ndia hapu namahehehanak. Ade busa maso'dak-ka ta naua-nanale lena neme singa mates-sa mai hetu?

YESAYA 1:18

Manetualain nafa'da nae, “Mai fo ata taketu-tala'di dede'ak ia. Leomae emi sala-singom pilas sama leo kaisuma, te neukose Au safe-a emi da'di fulak sama leo abas-sa. Leomae emi sala-singom makadotok ma belak-ka, te neukose Au fe do'o do ampon neu emi.

YESAYA 12:1

Neukose fain-na losa, emi makamee mae: “Manetualain, au oke makasi neu O, nanahu O kokoe-nanasi au. Makahulun-na O mamanasa au, tehu besak ia, O nasam-ma tenak so.

YESAYA 19:22

Neukose Manetualain nanoli leoina Masir-ra nenik fefepa-lili'uk, tehu basa soona, neukose Ana tao nalea-nahais. Neukose ala fali ma'is leo Manetualain mai, ma neukose Ana namanene huhule-haladoin-nala, boema Ana fes lelea-hahaik.

YESAYA 30:18

Leomae leondiak boe, Manetualain nahani talu-talu no fain-na, soaneu natu'du susue-lalain neu emi. Ana naheheleaon, soaneu sue-lai emi. Nana, Manetualain nde been-na, Manetualain fo manatao hata fo, nandaa. Maua-manalek ba'eneu hataholi fo, namahena neun.

YESAYA 30:26

Neukose bulak-ka mangale'don-na, sama leo le'do-a mangale'don-na, ma le'do-a namaneu la'i hitu neme biasan-na mai, ma le'do mangale'don-na, sama leo mangale'dok faik hitu dalen-na. Basa sila-la, neukose ala da'di nai lelek Manetualain popoti-papalu, ma nakahahaik anan-nala bisun fo, lakahinak-kala so.

YESAYA 49:10

Neukose ala ta maa ma'da, do lamala'a fa, ma neukose, le'do mahaak-ka, ta la'e fas, nai moo solokaek-ka fa. Nana Au, fo manasue-lai sila, neukose hela-noles, ma hela-noles leo oemata-la leu.

YESAYA 51:12

Manetualain nafa'da nae, “Au nde kokoe-nanasi emi-a. Tao le'e de, o bii-mamata'u neu hataholi daebafak fo, manasapu-manalalok-ka, neu hataholi daebafak fo, nanatapa henik, sama leo na'u-a?

YESAYA 52:12

Neukose emi ta makalupu lala'ok fa, ma ta sama leo, hataholi manamalaik-ka fa. Nana, neukose Manetualain hela-nole emi; Israel Manetualain-na, neukose nasulu-nahapa emi, neme bu'u-bu'uk lala'en-na mai.

YESAYA 53:5

Tehu nakahina, hu kande ita sala-singon, ma nanafepak nenik ue hu kande ita tatao-nono'i mangalaun-na. Nanahukuk, fo ela ita nanasoi-tefak, nanahu ue-a leen-nala, de ita nantao nalea-nahaik.

YESAYA 57:15

Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.

YESAYA 58:11

Neukose, Au hela-nole emi tataas esa, ma Au fe emi makabete nai, dae tokotik-ka; Neukose Au anea emi, fo ela emi so'da-la'dak ma balakaik mahele. Neukose emi sama leo osi fo, oen-na dai, sama leo oemata fo, ta manama'dak fa.

YEREMIA 13:17

Metema o ta nau mamanene fa, neukose au kii amanininok. Au kii amatani neu O nakatutuam ndia no dale nameme'dak. Au lu'uoeng-nga nasalalalok nanahu Manetualain anan-nala nanafua sama leo hataholi nanafook.

YEREMIA 3:22

Hei basa emi fo, manala'oela Manetualain so, fali ma'im-ma leona! Neukose, Ana tao nalea-nahai emi, ma Ana taon-na emi da'di manalilinekak. Emi mafa'da mae, “Ya, besak ia ami mai leo Manetualain, nanahu ami Manetualain ndia.

YEREMIA 30:17

Leomae emi musum-mala nafa'da nae, ‘Sion nanatu'u-tapa henik so, ma ta hapu manatao afik neu fan,’ tehu leomae leondiak boe, neukose Au tao-a emi lea-hai nasa-fali, ma neukose emi bisum-mala Au amo'dos.”

YEREMIA 31:3

Au atu'du Au aoinang-nga neus neme dook-ka mai. Hai hataholi Israel-la lemin, lelek makahulun-na Au sue-lai emi tatas esa, ma soaneu losa makandondoo henin Au atu'du ae, Au sue-lai emi tatas esa.

YEREMIA 33:6

Tehu neu makabuin-na te neukose Au tao ahii kota ia no laun-nala heo-hilun; neukose ala labe'i-balakai lasafali. Neukose Au fes tetu-temak ma nene-lino-linok fo manasasi kao-kaok-ka.

ZAKHARIA 1:13

Manetualain nataa ata nusa so'dak ndia, nenik hala-kokolak fo neni kokoe-nanasik,

LUKAS 15:20

Boema no lai-laik ana fali ne'un leo aman uman neu leona. Neu de bei nai doo ka no uma te, aman nitan so. Boema aman dale na tu'da de nalai neu solu kana, tutika ana holu nan de ana de'in.

ROMA 5:20

Manetualain nde fe agama Yahudi hoholo-lalanen sila la. Tehu nai lelek fo hataholi daebafa ka boetai sanga enok fo tunga hoholo-lalanek sila, ala boetai la'olena hoholo-lalanek sila ma ala boetai lasala-lasingo. Leomae hataholi daebafa ka boetai tao sala-singok, tehu Manetualain boeo, boetai sue-lais.

NINITAK 7:17

Nana Bi'ilopo Ana fo nangatuuk nai kandela manek ndia tala'da heo na, neukose Ana da'di sila manafoo na. Neukose Ana hela-noles leo oe mata manafe maso'da ka leu. Ma neukose Manetualain hali nama'da hataholi sila luu oe nala leme mata nala mai.”