YESAYA 57:17 - Susula Malalaok Hehelu Palak Ma Hehelu Beuk

¹⁷ Sila sala-singo manatenepetan-na, nde taon-na Au amanasa, hu ndia de, Au hukus, ma Au la'oelas. Tehu, ala lalangabatu, de ala hele aon sila enon-na.

YESAYA 57:17 ပူးပေါင်းရင်းမြစ်များ

YESAYA 56:11

Sila sama leo busa maa fula, fo ta nakabete nita fa. Mauli-malangan sila-la nggoak-kala. Esa-esak tao tunga dale hihii-nanau mesan-na, ma ana sanga ndia nanalan-na, mesak-kana.

KOLOSE 3:5

Hu ndia de, tao makamate emi hihii-nanau daebafam fo ana tao nakalulutuk emi maso'da ma fo nde, sosoa-piao ka, dede'a ta kandaa kala fa, nasa sasao ana masuu ka, hihii-nanau mangalau ka, ma tene peta ka, nana tene peta ka sama no sosongo-tatango ka.

YEREMIA 6:13

Sila basa-basas, matua ana, ala sanga nanalak nenik eno ke'di-ndiuk. Nakalenak nabi ma imam boe, tipu-dai hataholi.

2 PETRUS 2:14

Ala ta pela malua no tao sala-singo ka fa, ma ala hii mete inak no mata mana koteok. Ma hataholi fo besa ka namahele, fo namahehele na beita natea-nahele fa soona, leu fufu'di-oodo kasa. Hataholi sila dale nala, lateme no tenepeta ka so. Hataholi sila la nde bee na, hataholi nanasoo-supa basa kala so!

1 TIMOTIUS 6:9

Tehu metema hataholi a nau namasu'i soona, ana tu'da leo sosoba-susu'dik dale neu, ana tu'da leo hihi'ik dale neu ma ana tu'da leo hihii-nanau nggoak mata-matak fo mana tao makalulutu ka, dalek neu.

LUKAS 12:15

Basa boema, Yesus nafa'da basa hataholi manai sila la nae, “Masanene'dak ma manea, fo boso nalosak emi tenepeta. Nana hataholi daebafa ka so'da na, ta tai-namahena neu ka'da su'i-bete nala fa, leomae hata-heto nala, ala sasi kao-kao.”

YESKIAL 33:31

Boema langanongo mai, fo da'di leo Au anang, de langatuuk fo lamanene o hala-kokolam, tehu ala ta tunga o hala kokolam sila-la fa. Difadoon-nala kokolak dede'a susue-lalaik-ka, tehu nai dalen-nala dalek, ala dodoo ka'da nanalak-ka mesak-kana.

YEREMIA 22:17

Tehu o, Yoyakim, fe'ek. K'da o sanga nanalak neu o aopam-ma. O tao misa hataholi fo ta nasala-nasingo fa, ma o tuni-ndeni laun-na nenik nasa meluk.

YEREMIA 8:10

Hu ndia de, neukose Au fe sila tinan-nala leo dae lamatua fe'ek neu, ma Au fe sila saoinan nala, leo hataholi fe'ek neu. Sila basa-basas, ana-matua, sanga nanalak nenik eno peko-pakik. Lena-lenak nabi-la ma imam-imam-mala boeo, ke'di-ndiu hataholi.

YEREMIA 5:3

Te'e-te'e, Manetualain nokek-ka nde, lilinekak-ka. Manetualain fepa emi, tehu emi ta mafaduli fa. Ana tao nakalulutuk emi, tehu emi ta nau nanoli emi fa. Emi langa batu, ma ta nau tuka tei-sale dale meme emi sala-singom mai fa.

YEREMIA 2:30

Palsuma la'iesak-kana, Au huku emi, nana emi ta nau sipo nanoli-nafa'dak fa. Emi sama leo singa kamulus-sa, de emi taomisa basa emi nabim-mala.

YESAYA 45:15

Manetualain fo, manasoi-tefa Israel-la, nde been-na Manetualain fo, nafuni aoinan-na.

YESAYA 9:13

Hu ndia de, ka'da nai faik esa dalen-na mesan, Manetualain huku Israel mauli-malangan ma laun-nala. Ana te'te heni langan-na ma ikon-na de Ana tapa henis.

YESAYA 8:17

Manetualain nafuni aoinan-na neme Yakob tititi-nonosin, fo anan-nala mai so, tehu au amahele ma amahena neun.

YESAYA 1:4

Soe ba'eneu emi, leoina fo masala-masingok-kala, hataholi fo dale aafi tak-kala, ma manatao tatao-nono'i mangalauk-kala lemin! Emi kosik de emi tu'da, hu kande emi sala-singom-mala. Emi tipa heni Manetualain so, ma emi masadea Manetualain fo Malalao-malalafuk nanseli, fo emi muse sene-do'ok-ka.

PENGKHOTBAH 6:9

Basa sila-la manada'di tak sama leo sanga enok fo usi anin-na. Malole lenak, ata tame'da dai nenik hata fo ita tanuun, neme tahiik ba'uk-ka seluk tataas esa.

2 PETRUS 2:3

Hu ka nde mese masapepekok sila la tenepeta nala de, neukose ala tui emi, sila tutui manapopo'de-papai nala, fo tao ka nde ala hapu nanalak neme emi mai. Tehu sila huhuku nala, nanasadiak doo ka so, boema momopo-mamates fo nananaketu basak soaneu sila boeo, nahani mema kasa so.

YESAYA 2:7

Nusan-na henuk no lilofulak ma lilopilas, ma ta hapu leke-nala hata-heton-nala fa. Ndalan-nala makadotok nanseli ma ta hapu leke-nala kaletan-nala dede'un-na fa.

YESAYA 42:24

See kande nadenu, fo kalo Israel? Ade, ta nde Manetualain fa hetu? Ita tasala-tasingo neu Ndia, ita ta taso'da tunga paletan-na fa, ma ta tunga nanolin-na fa.

YESAYA 64:9

Da'di boso mamanasa manseli, ou Manetualain, boso boe mafandele seluk ami sala-singom; mete leona, te ami ia, O anam.

YESAYA 66:3

Tehu leoina ndia, tao tunga sila dale hihii-nanau mesan-na; ala lamahoko, ala maso-kasasi no enok fo nanamaluak. Ba'eneu sila soona, tatao-nono'ik lala'en-na, matak esa fo nde: tunu-hotu sapi mane, ma tunu-hotu hataholi daebafak, tunu-hotu bi'ilopoana, ma helula'di busa lesuha'in-na; tunu-hotu gandum, ma tunu-hotu bafi daan-na, tunu boomenik, ma sene-do'ok neu dodoki-dudulak.

YEREMIA 3:14

Manetualain nafa'da nae, “Hei Au anang fo, ta mana lilinekak-konei, fali ma'im-ma, leo Au mai leona! Emi nde been-na Au nuung. Neukose, neme kota esa mai soona, Au ho'i-a, emi hataholim esa, neme teidalek esa mai soona, Au ho'i-a hataholi dua, ma Au o falik emi leo Pupuku Sion-na meu.

YEREMIA 3:22

Hei basa emi fo, manala'oela Manetualain so, fali ma'im-ma leona! Neukose, Ana tao nalea-nahai emi, ma Ana taon-na emi da'di manalilinekak. Emi mafa'da mae, “Ya, besak ia ami mai leo Manetualain, nanahu ami Manetualain ndia.

YEREMIA 51:13

Nusak ndia henuk no su'i-betes ma lee-la ba'uk, tehu fai so'dan-nala basan so; fai mamate-mamopo mate'en-na losa so.

YEREMIA 8:6

Au amanene matalolole so, tehu emi ta nau kokolak tunga ndoo-na fa. Ta hapu hataholi esa boen, nai emi dalek, nasasale dale neu tatao-nono'i mangalaun-na fa. Ta hapu esa boen, fo nafa'da nae, ‘Au sala beek?’ Emi basa-basam-mala, tunga emi eno mesam-ma, sama leo ndala, ana sapu leo natee-natatik dale neu.