YESAYA 57:11 - Susula Malalaok Hehelu Palak Ma Hehelu Beuk

¹¹ Manetualain nafa'da nae, “See lamatua daebafak sila-la, de ala tao-la emi bii-mamata'u, nalosa emi masapepeko-masandandali, ma ta mafandele Au fa? Ade, emi ta sene-do'ok neu Au so'on, nanahu Au denge-denge dook-ka nanseli do?

YESAYA 57:11 ပူးပေါင်းရင်းမြစ်များ

MAZMUR 50:21

Ndia nde o taon, tehu Au ka'da denge-denge, da'di tunga o dale dodoom-ma, Au sama leo o. Tehu besak ia, Au akamuu-akadau o, ma basa sila-la, Au taos da'di mangale'dok ba'eneu o.

MAZMUR 78:36

Tehu ala ke'di-la, Manetualain, nana sila hala-kokolan-nala ka'da masapepeko-masandandalik mesan.

AMSAL 29:25

Bii-mamata'u hataholi dede'a kokolan soona, neninin-na toto'a-tataak. Mamahele neu Manetualain soona, neukose o nee-nee lino-linok.

PENGKHOTBAH 8:11

Tao le'e de, mu'dak la'iesak-kana, hataholi-a tao tatao-nono'i mangalauk-ka? Hu kande ta fe huhukuk-ka no lai-laik fa.

YESAYA 26:10

Leomae tao hataholi mangalauk-ka no malole boe, ana ta nau nanoli hata fo ndoos-sa boen. Neukose ana ta tao tunga ndoos ma matetuk-ka, nai nusaina fo hoholo-lalanek-ka nai ndia, ma ana ta nau manaku Manetualain koasan-na fa.

YESAYA 30:9

Nana, sila nde been-na, leoina esa, fo ala hii ka'da la'ban Au, ala hii ka'da lasapepeko-lasandandali, ma ala ta nau lamanene Manetualain nanolin-na fa.

YESAYA 42:14

Manetualain nafa'da nae, “Au ta ahala dook-ka so; Au denge-denge, ma Au akatatakak au aoinang-nga. Besak ia, fain-na losa, soaneu Au tao hata esa, Au nau akadii-akau sama leo ina manabongik-ka.

YESAYA 44:20

Tatao-nono'ik ndia, sama-na leo na'a afu. Hataholi ndia, dudu'a-aafi nggoan-na, ana taon-nan natofa-natalak, nalosa ana ta hapu tutulu-fafalik so'on. Ana ta hapu manaku, nae dodoki-dudulak fo manai liman dale ndia, ka'da tipu-daik mesan.

YESAYA 47:7

O maedaenga, neukose o da'di ina manek, losa dodoon-na, te o ta mame'da, do dudu'a-dodoo fai makabuin-na fa.

YEREMIA 2:32

Ade hapu anafe'oanak-ka nafandele heni lilo-henun, do manaka'bing inak-ka nafandele heni ba'du ka'bin-na do? Tehu emi mafandele heni Au, doon-na seli so – neme lelek fo, ta hapu leke-nala fan.

YEREMIA 3:21

Hala makalupuk-ka, nana namanenek nai letek-kala poin-na; Halak ndia, neme hataholi Israel fo manakii, ma manadokodoe, nanahu lasala-lasingo basa so, ma manalafandele heni sila Aman Manetualain-na.

YEREMIA 38:19

Boema manek-ka nataa nae, “Au bii neu hataholi-la fo ita leoina fo manamalaik de look hataholi Babel-lala. Boso nalosak neukose ala fe au lo sila neu fo lakatoto'a-lakatataak au.”

YEREMIA 42:20

ae, emi tao basa sala matuaina so. Emi moke fo ela au hule-haladoi neu ita Aman Manetualain-na soanau emi, ma em helu soaneu tao-no'i basa hata fo nananafa'dak neme Manetualain mai ndia.

YESKIAL 13:22

Hataholi malole fo, ala ta nau Au taos le'e esa boen-na, emi taom-ma, dalen-nala ba'ihana, nenik emi masapepeko-masandandalim-ma. Emi tao mamatua hataholi mangalauk-kala dalen-na, fo ela lasala-lasingo lahele, ma boso soi-tefas.

MATEOS 25:25

Da'di au bii de au u afuni tuan doi na nai dae dale. Tuan doi na nde ia de ho'i ma fali kana.’

HATAHOLI 5:3

Nini doi kala neu boema, Petrus nafa'dan nae, “Ananias, te tao le'e de o po'ilotak Nitu koasa o dale ma, de nalosa o masapepeko neu Manetualain Dula Dale na no denge-dengek. O ho'i ma o mase'o dae a doi na seli fo o paken neu o paluu ma?

2 TESALONIKA 2:9

Neukose Hataholi Mangalauk ndia, ana mai no koasa matua ina esa, neme Nitu a mai. Neukose ana tao manda'di beu mata-mata kala, ma dede'a matua ina fo, henuk no ke'dindiu ka.

1 TIMOTIUS 4:2

fo hataholi mana dea-dale masapepekok sila la nde tui-benga nana. Hataholi sila la, dale nala makahatuk so.

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”

NINITAK 22:15

Tehu hataholi fo manatao dede'a manggenggeo kala, manapake malela makahatu kala, hataholi manatao tatao-nono'i sosoa-piao kala, hataholi kanisa kala, manasongo-tango kala, ma hataholi masapepeko-masandandalik, nau ninik dede'a-kokolak, do ninik tatao-nono'ik boe, basa hataholi sila la mamana nala nai kota ndia deak.