YESAYA 57:1 - Susula Malalaok Hehelu Palak Ma Hehelu Beuk

^1-2 Hataholi malole ma manatao tatao-nono'i malaole-a maten soona, ta hapu manabubuluk, do manataoafik neu fan. Mate basa soona, sila lala soe-a deak, ma sila hahaeaon no mole-dame.

YESAYA 57:1 ပူးပေါင်းရင်းမြစ်များ

1RAJA-RAJA 14:13

Basa laun Israel-la lala'en-na, neukose ala susa ma latoi-latonon. Ni'iana ndia nde Yerobeam teidalen-na mesa-mesak-kana nde neukose latoi-latonon no ha'da-holomata, nana ka'da ndia mesak-kana nde nandaa no Amak fo Israel Manetualain dalen-na.

2RAJA-RAJA 22:20

hu ndia de, Au ta aketu huhukuk soaneu Yerusalem, nai lelek o bei maso'da. Neukose, o mate no mole-dame.’ ” Boema, hataholi nadedenuk sila-la, ala fali le'us leo manek-ka leu, de landuku-lalosak hala heheluk ndia.

2TAWARIKH 32:33

Mate Hizkia boema latoin nai ndanda'ek fo dae manai mane-manek-kala late mamana-na. Yehuda ma Yerusalem laun-nala lala'en-na fe ha'da-holomata matuaina neun, nai lelek maten-nana. Anamanen Manasye nggatin da'di manek.

2TAWARIKH 34:28

hu ndia de, neukose Au ta aketu huhukuk neu Yerusalem nai o fai maso'dam-ma dalek fa. Neukose Au fe loak mate no mole-dame.’ ” Boema hataholi nadedenuk sila-la fali ma'is leo manek-ka mai de landuku-lalosak hala-heheluk ndia.

2TAWARIKH 35:24

Ala ko'on neme kaletan lain mai de ala laliheok-kana leo kaleta fe'ek esa nai ndia lain neu, de basa boema loon leo Yerusalem neu. Maten nai naa de latoi-latonon nai mane-manek-kala late mamana-na. Basa Yehuda ma Yerusalem laun-na lala'en-na falu mamaten-na.

MAZMUR 12:1

Soaneu mauli-malanga nakameek-ka. Tunga nakamee ka falu Dauk kokoa-kikion-na.

MAZMUR 37:37

Taoafik neu hataholi malole-a ma hataholi dale ndoos-sa; hataholi fo nahiik mole-dame-a, so'dan nai fai manamaik-ka, malole.

YESAYA 42:25

Boema Ana taon-na ita, tame'da tita nasa-melu matuainan-na, ma doi-doso, nanahu natee-natati matuaina. Nasan-na, namahana nai Israel, sama leo ha'i-a, tehu ita ta tame'da fan, ma ita ta tanoli neme hata fo, ita la'ola'di fan.

YESAYA 47:11

Tehu, neukose soe-a, tuni-ndeni-na o, o malela suangim-ma, ta hapu usiheni fan. Neukose soe-a, ana mai leo o mai, fo o ta sili mabe'i fan. Mamate-momopok-ka, neukose ana mai no kaiboik, fo o ta bubuluk fa.

YESAYA 47:7

O maedaenga, neukose o da'di ina manek, losa dodoon-na, te o ta mame'da, do dudu'a-dodoo fai makabuin-na fa.

YESAYA 57:11

Manetualain nafa'da nae, “See lamatua daebafak sila-la, de ala tao-la emi bii-mamata'u, nalosa emi masapepeko-masandandali, ma ta mafandele Au fa? Ade, emi ta sene-do'ok neu Au so'on, nanahu Au denge-denge dook-ka nanseli do?

YEREMIA 18:11

Manetualain nafa'da neu au nae, “Besak ia mafa'da meu hataholi Yehuda-la ma Yerusalem laun-nala mae, Au sanga tao dudu'a-dodok soaneu la'ban sila, ma sadia huhukuk soaneu sila. Madenus fo ala hahae sila so'da-molen fo masala-masingok ndia, boema tao lahii sila ha'da-paliin ma tatao-nono'in-nala.

YEREMIA 22:10

Hai hataholi Yehuda, boso dale-he'dis soaneu Manek Yosia mamaten-na. Te ka'da kii-mamatani neu Yoahas fo ana manen-na nana ala lon so de ana ta fali fa. Dae oen fo mamana fua funin neukose ana ta nita fa.

YESKIAL 21:3

mae Au, Manetualain kokolak nae leo ia, ‘Au ia, emi musum-ma, Neukose, Au fe'a-a Au tafainang-nga, fo Au taoisa emi basam-mala, nau hataholi mangalauk, do hataholi malole boe.

MIKHA 7:2

Hataholi manatao tunga ndoon-na, mopok-kasa leme nusak-ka mai so, hataholi manalilinekak neu Manetualain-na, ta hapus so'on. Hataholi-la esa-esak nahani fai loak soaneu nanisa, esa-esak lona hihi'ik soane nonoo hataholin-na.

MALEAKHI 2:2

Fe ha'da-holomata neu Au nenik emi tatao-nono'im. Metema emi ta nau mamanene Au dede'a-kokolang fa soona, neukose Au soo-supa emi. Emi sipo basa baba'e-papalak-kala, neukose nasafali da'di soo-supak. Tete'ek-ka, Au soo-supa basa hata malole sila-la so, nanahu emi ta tao taoafik neu Au paletang-nga fa.

BILANGAN 23:10

Yakob tititi-nonosin, sama leo daesopuk-ka, de ta hapu leke nala fan; leoina Israel-la, makadotok nanseli. Sa'di leo been-na, au mate sama leo hataholi dale ndoos, ela leo been-na, au fai mamateng-nga, sama leo hataholi sila-la, fai mamaten-na.”