YESAYA 56:3 - Susula Malalaok Hehelu Palak Ma Hehelu Beuk

³ Hataholi nusa dea, fo ala da'di esa lo Manetualainanan-nala, ta bole lafa'da lae, “Manetualain ta fe au loak, fo sene-do'ok neun, sama-sama o anan-nala fa.” Hataholi fo, mamae loun-na nanakee henik soona, ana ta bole dudu'a-dodoo nae, “Au ta hapu da'di Manetualain anan fa, nana au ta bisa hapu tititi-nonosik fa.”

YESAYA 56:3 ပူးပေါင်းရင်းမြစ်များ

2TAWARIKH 6:32

Metema hataholi nusa dea nai nusa dook namanene la'eneu O matua-mademan O be'ibalakaim, ma nae O maheheleaom tataaesa soaneu tulu-fali, boema ana mai leo O Umam ia mai soaneu ana hule-haladoi neu O soona,

ESTER 9:27

nininin-na, ala tao nakanenetek esa, ba'eneu sila, ba'eneu sila tititi-nonosin, ma ba'eneu basa hataholi fo neukose, ala masok leoina Yahudi-a. Tunga nakanenetek ndia, de tunga teuk soona, sila muse tao feta nai faik ka duak fo Mordekhai naketu basak-ka so.

YESAYA 14:1

Neukose Manetualain sue-lai anan Israel, de Ana hele seluk-kasa da'di Ndia nuun. Neukose Ana fe falik-kasa leo sila nusa mesan-na neu. Hataholi nusa dea-la, neukose ala mai fo lakabubua loos.

YESAYA 39:7

Neukose ala ho'i-la, o upu-anam nggelok, fo ala taos da'di uma manek-ka hataholi mana'a ngga'din, fo lalalau-laoono manek Babel-la.’ ”

YESAYA 56:5

soona neukose, o na'dem-ma, nananafandendelek nai Au Umang dale, ma nai Au leoinang dale. Ndia malole lena neme, o manuu ana touk ma anainak. Au fe emi na'dek fo, manaketu basa taak-ka, fo neukose, ta nananafandele henik fa.”

YESAYA 56:6

Manetualain nafa'da, hataholi nusa de fo nanalekek nai anan-nala dalek, ma manasue-lai Manetualain, ma nakatele neun, fo manataoafik neu fai Sabat-ta, ma lilineka neu hehelu-balataan-na, nae,

YEREMIA 50:5

Neukose sila latane enok mana neu leo Sion, boema ala la'ok leo ndia leu. Neukose ala tao hehelu mate'ek lo au ma ami ho'u mahele.

IMAMAT 21:20

hataholi pukudouk, do hataholi te'dik, hataholi fo ha'dis-sa nai matan-na do kosulouk, ma hataholi kalalis.

IMAMAT 25:45

Emi boeo, bole asa ni'iana neme hataholi manamai, fo ana leo nahele nai emi tala'da. Ni'iana fo hataholi manamai-a bongin nai emi nusam-ma, bole da'di emi nuum,

ZEFANYA 2:11

Neukose, Manetualain tao-nalas ala bii-lamata'u lanseli. Neukose Ana tao nakalulutuk, lamatua daebafak manai daebafak-kala. Boema, basa leoina lala'en-na, neukose ala sene-do'ok neu Manetualain, nai esa-esak nusan-na.

BILANGAN 18:4

Sila muse laue-lale'di sama-sama loo emi, ma ala tao-no'i bela-ba'uk fo natutik no lau-onok lala'en-na, nai Au Lalaa Temang dale, tehu see ta hapu haak soaneu ue-le'dis ndia fa soona, ta bole naue-nale'di sama-sama no emi fa.

BILANGAN 18:7

Tehu ka'da o, ma o anam-mala mesam-ma, nde bole makalala'ok bela-ba'uk da'di leo imam, nai basa ue-le'dis lala'en-na dalek, fo natutik no mei tunu-hotuk-ka, ma hata manai Kama Malalao-malalafuk nanseli-a dalek. O lulu'a-lelepam nde ndia, nanahu Au fe basa emi nangatutuuk, da'di leo imam so. Ba'eneu hataholi see fo, ta nanuu haak ndia fa soona, neukose nanahukunisak, metema ana deka bua-lo'a malalao-malalafuk sila-la.”

HATAHOLI 10:34

Boema Petrus nae, “Besak ia, au ame'dan te'e-te'e, Manetualain tao basa hataholi lala'ena, matak esa.

HATAHOLI 17:4

Hataholi de'ubee lamahele, boema ala tunga Paulus no Silas. Leondiak boe, hataholi Yunani mana bii Manetualain makadotok nan seluk bai.

HATAHOLI 18:7

Boema Paulus la'oelas de neu leo nai uma esa nai uma mamaso ka boboa na. Uma ndia hataholi ta Yahudi esa uman, tehu hataholi ndia namahele Manetualain. Hataholi ndia na'de Titius Yustus.

ROMA 15:16

Ana tao au da'di Kristus malalau-maoonon fo nadenu au u leo leoina ta Yahudi la u. Ma au alalau-aoono da'dileo imam fo tui-benga Manetualain Hala Malole na neu hataholi ta Yahudi la fo ala da'di tutunu-hohotuk neu Manetualain fo Ana sipo kasa. Ela leo bee na, Manetualain Dula Dale na tao nalalao-nalalafus fo ala da'di tutunu-hohotu malalaok soaneu Manetualain.

1 KORINTUS 6:17

Tehu hataholi fo ana dadi esa no Lamatua ka, Lamatua ka Dula Dale na no hataholi ndia da'di esa.

EFESUS 2:12

Nai lelek ndia, emi ta da'di esa mo Kristus fa. Emi nde bee na, hataholi manamai, fo emi ta masok nai Manetualain hataholi kamahehele nala dalek fa. Emi ta masok nai Manetualain hehelu-balataan fo Ana taon no hataholi kamahehele nala dalek fa. Emi maso'da nai daebafa ka, ta no namahehenak ma ta no Manetualain.

EFESUS 2:22

Hu no maso'dak fo da'di esa no Kristu sa de, emi boeo nananafofo'ak sama-sama no hataholi fe'e kala, da'di uma esa soaneu Manetualain; fo Manetualain no Dula dale na, leo lai ndia.

ULANGAN 23:9

“Metema, emi meu matee-matati soona, emi muse madook emi aoinam-ma, neme basa tatao-nono'i manggenggeok lala'en-na mai.

1 PETRUS 1:1

Tolano-tolanook fo Manetualain hataholi kamahehele susue-lalain fo manai dae sepo-danga nai nusa Pontus, Galatia, Kapadokia, Asia ma Bitinia la lemin! Au, Petrus, fo Yesus Kristus hataholi nadedenu na, au amahena ela leo bee na, Manetualain baba'e-papalan ma so'da-mole mana sasikao-kao na, Ana fen neu emi basa-basa mala. Emi nanahele basak da'di Manetualain hataholi kamahehelen, fo nandaa no Amak Manetualain dale tutu'u na. Ma Manetualain Dula Dale na, nakadada'dik basa emi, da'di hataholi kamahehele malalaok ma susuek, soaneu Manetualain mesa kana, fo ela emi tunga Yesus Kristus, fo manatao nalalao emi ninik daa na.