YESAYA 56:2 - Susula Malalaok Hehelu Palak Ma Hehelu Beuk

² Au be'e-pala hataholi fo, ana tao natetu fai Sabat-ta, ma ana ta tao nanggenggeo faik ndia fa. Hataholi fo, ana ta tao tatao-nono'i mangalauk fa, neukose Au taon no malole.”

YESAYA 56:2 ပူးပေါင်းရင်းမြစ်များ

NEHEMIA 13:17

Au fe nasanene'dak neu basa mauli-malanga Yehuda-la ae, “Ade emi ta mame'da mae emi tao basa tatao-nono'i mangalauk, nanahu emi tao fai Sabat-ta so do?

MAZMUR 106:3

Maua-manalek ba'eneu hataholi fo, ana tunga paletan-nala, ma hapu ndoos tataas esa nai tatao-nono'in-na dalek.

MAZMUR 112:1

Koa-kio Manetualain leona! Maua-manalek ba'eneu hataholi kamahehelek fo nahii Manetualain paletan-nala.

MAZMUR 119:101

Au adook au aong-nga, neme ha'da-palii mangalauk lala'ena mai, fo ela au tunga O nanolim-ma.

MAZMUR 128:1

Nakamee dodonge-dadamak. Maua-manalek ba'eneu hataholi kamahehelek-ka, ma hataholi fo, naso'da tunga Manetualain paletan-na.

MAZMUR 34:14

Boso kokolak dede'a-kokolak mangalauk, ma boso nau ke'di-ndiuk-ka.

MAZMUR 37:27

La'oela hata fo mangalauk-ka, ma tao hata fo malole-a, soona o tititi-nonosim leo napalasa dae ndia losa dodoon-na.

KELUARAN 20:10

tehu fai ka hitun-na nde been-na fai hahaeaok, fo fai hehelik soaneu Manetualain. Nai faik ndia, hataholi esa boen, ta bole tao bela-ba'uk, nau emi do emi anam-mala, emi atam-mala, emi bana-manum do hataholi nusa dea fo manaleo nai emi nusam dale.

KELUARAN 20:8

Mafandendelek, fo tao malalao-malalafu fai Sabat-ta.

AMSAL 14:16

Hataholi dale malole-a, nanea tataas esa, ma nadook aoinan-na neme tatao-nono'i mangalauk-ka mai, tehu hataholi nggoak-ka kalua nasa-melun, fo besak-ka dalen-na tesa-tama.

AMSAL 16:17

Hataholi malole-a, dook-ka neme mangalauk-ka mai; ma hataholi fo ana taoafik neu maso'dan-na eno-dalan-na, nasulu-nahapa aoinan-na.

AMSAL 16:6

Hataholi manalilinekak neu Manetualain-na, neukose ana hapu do'o do ampon; ma hataholi kamahehelek-ka, neukose nadook aoinan-na neme tatao-nono'i mangalauk lala'en-na mai.

AMSAL 4:13

Mafandendelek tataas esa, neu nanolik fo, o sipo basan neme au mai so. Manea matalolole basa sila-la, nana no nanolik sila-la, fo o so'dam-ma, neukose nabuna-naboa

AMSAL 4:27

Madook aoinam-ma neme mangalauk-ka mai, ma maso'da tunga ndoon-na. Boso singo meme eno ndoos-sa mai makandondook.

PENGKHOTBAH 7:18

Madook aom-ma neme dede'a ka duak sila-la mai. Metema ita bii neu Manetualain soona, tao leo bee-o ita hapu buna-boa malole.

YESAYA 56:4

Manetualain nafa'das nae, “Metema, emi taoafik neu fai Sabat-ta, metema emi lilineka neu Au hala-hehelung-nga, ma tao hata fo, nandaa no Au daleng-nga,

YESAYA 56:6

Manetualain nafa'da, hataholi nusa de fo nanalekek nai anan-nala dalek, ma manasue-lai Manetualain, ma nakatele neun, fo manataoafik neu fai Sabat-ta, ma lilineka neu hehelu-balataan-na, nae,

YESAYA 58:13

Manetualain nafa'da nae, “Fe ha'da-holomata neu fai Sabat-ta, sama leo Manetualain fain-na. Nai faik ndia, emi ta bole ito-ato emi paluum-ma fa. Tao faik ndia, da'di leo emi fai maua-manalem: fe ha'da-holomata neu Manetualain fain-na, nenik ta bole la'o leo su'di bee meu fa; boeo, boso maue-male'di, do kokolak dede'a manada'di tak.

YESKIAL 20:12

Au adenus fo, ala tao lalalao-lalalafu fai Sabat-ta, da'di leo ta'du-tana neu Au hehelu-balataang no sila, soaneu fes nasanene'dak, nae Au Manetualain, tao sila da'di Au ana heheling so.

YESKIAL 20:20

Tao malalao-malalafu fai Sabat-ta, fo ela ana da'di ta'du-tana hehelu-balataak nai Au ma emi, fo ana fe emi nasanene'dak, nae Au nde, emi Amam Manetualain-na.’

IMAMAT 19:30

Tao fai malole Sabat-ta, ma fe ha'da-holomata neu mamanak fo nanahele hehelik, soaneu sene-do'ok neu Au. Au nde Manetualain.

LUKAS 11:28

Tehu Yesus nataa nae, “Maua-manalek lena seluk, hataholi mana namanene Manetualain dede'a-kokolan ma nakalala'o kana!”

LUKAS 12:43

Ua-nalen ba'u na seli malalau-maoono ndia, metema tua na fali ma'in te ana hapu nan bei tao-no'i bela-ba'un!

YOHANIS 13:17

Makanaema emi bubuluk basa dede'ak ia la lala'ena, boema emi tao tungan soona, maua-manalek neu emi.

ROMA 12:9

Sue-lai no matetu na. Makamu-makadau tatao-nono'i mangalau ka, ma ho'u mahele tatao-nono'i malole a.

NINITAK 22:14

Maua-manalek neu hataholi fo ana safe ba'du manalu na losa malalaok, nalosa sila lanuu hak la'a ai boak neme ai maso'da ka boa na, ma ala masok leo kota ndia dalek tunga lelesuina na.