YESAYA 55:3 - Susula Malalaok Hehelu Palak Ma Hehelu Beuk

³ Mamanene leon, hai leoinak-kala lemin, mai leo Au mai, te neukose Au fe emi so'da matetuk-ka. No susue-lalaik ma lilinekak, fo Au helun neu Dauk-ka, Au pa'a hehelu-balataak, fo manaketu basa taak-ka no emi.

YESAYA 55:3 ပူးပေါင်းရင်းမြစ်များ

KEJADIAN 17:7

Neukose, Au tao atetu Au hehelu-balataang neu o, ma neu o tititi-nonosim-mala, neme bobongik leo bobongik neu, ma hehelu-balataak ndia, manaketu-basa taak. Neukose, Au da'di o Manetualaim-ma, ma o tititi-nonosim Manetualain-na.

KEJADIAN 49:10

Neukose Yehuda ho'u aitete'e nusak-ka, neukose tititi-nonosin paleta losa dodoon-na. Neukose leoina-kala leni bea mai, ma ala senek ma lakatele nai matan-na.

2 SEMUEL 23:5

Leondiak boe, Manetualain ba'e-pala au tititi-nonosing, hehelu-balataan neu au-a ta nasafali fa, hehelu-balataan ndia, manaketu basa tak ma matetu-mandaak, nanaito-atok no matetun-na nai basa-basan lala'en-na dalek. Manetualain fe sesengik neu au ma Ana sipok basa au dale tutu'ung lala'en-na.

2 SEMUEL 7:29

Hu ndia de, au dokodoe, sa'di leo been-na, fe au tititi-nonosing baba'e-papalak, fo ela laso'da lahele nai O susue-lalaim dalek, losa dodoon-na. Ou Manetualain Fo Manai Mamana Madema; O helu basa sila-la so, de neukose, O fe mahele au tititi-nonosing baba'e-papalak losa dodoon-na.”

2TAWARIKH 6:42

Manetualain O boso tipa manek fo O hele basak ia so. Mafandendelek O susue-lalaim neu O atam Dauk.”

MAZMUR 119:112

Au tutu'u basa, tunga O nakeketum-ma, losa au maso'da mate'eng-nga.

MAZMUR 119:175

Ela au aso'da, fo au koa-kio O nadema; ma O nakeketum ala tulu-fali la au.

MAZMUR 78:1

Asaf nakamee nanolin-na. Hai au leoina-la lemin, mamanene au nanoling-nga, ma taoafik neu au dede'a-kokolang.

MAZMUR 89:28

Neukose Au taon da'di, Au ana tou ulung, fo matua-madema nanseli, nai basa mane-manek-kala tala'da.

MAZMUR 89:29

Neukose Au sue-lai ahelen, neme doon losa dodoo-na, Au hehelu-balataang, matea-mahelek ba'eneun

KELUARAN 15:26

Manetualain nae, “Tunga Au no te'e-te'ek, ma tao hata fo Au meten malole; tunga la'iesak Au paletang-ngala. Metema emi tao tungan leondiak soona, neukose Au ta huku emi nenik he'di-laus fo Au fen neu hataholi Masir-ra. Au nde Manetualain, fo manatao nalea-nahai emi-a.”

AMSAL 4:20

Anang-ngonei, taoafik neu au hala-kokolang! Mamanene au nanoli-nafa'dang.

AMSAL 7:2

Tunga basa au nanoli-nafa'dang lala'en-na, fo ela o so'dam-ma malole. Tunga basa au nanoling-ngala no malolen-na, sama leo manea aom o matade'em-ma.

YESAYA 51:4

Hai Au leoinang-ngala lemin, taoafik neu Au halang-nga, hai Au anang-ngala lemin, mamanene Au hala-kokolang, Au fe Au nanoling-nga neu leoinak-kala, neukose Au hoholo-lalaneng nasala nalas

YESAYA 54:10

Leomae letek-kala, ma pupukuk-kala langgengo, tehu neukose Au ta hahae sue-lai o fa. Neukose Au ho'u ahele, Au hehelu-balataa mole-dameng-nga,” Manetualain fo, manasue-lai o-a, nafa'da nae leondia.

YESAYA 54:8

Au heok asadea o, ka'da ba'ihanak mesan, nanahu Au nasa-melung lua ponu-ponu. Tehu Au sue-lai o, nenik susue-lalai manaketu basa taak-ka.” Manetualain, fo o Manasoi-manatefam-ma, nafa'da nae leondia.

YESAYA 61:8

Manetualain nafa'da nae, “Au sue-lai ndoos ma matetuk-ka, ma akamuu-akadau tuni-ndenik, boema tatao-nono'i magalauk-ka. Neukose Au bae o ngga'dim-ma, no lilinekak, ma tao hehelu-balataa manaketu basa taak-ka o emi.

YEREMIA 30:9

Emi neukose sene-do'ok neu Au, fo emi Amam Manetualaim-ma, ma neu hataholi esa, fo tititi-nonosik neme Dauk mai neukose Au so'un da'di leo manek-ka.

YEREMIA 32:40

Neukose Au tao hehelu-balatak matea-mahelek no sila. Neukose Au ta tao hahae neulauk ba'eneu sila fa. Neukose Au taos ala bii ma ala fe ha'da-holomata neu Au no dale katema-tuak, fo ala boso dook-ka neme Au-a mai.

YEREMIA 33:26

leondiak boe neukose Au ho'u ahele Au hehelung-nga neu Yakob tititi-nonosin ma neu Au atang Dauk. Neukose Au hele-a hataholi esa neme Dauk tititi-nonosin-na soaneu ana paleta Abraham, Isak, ma Yakob tititi-nonosin. Neukose Au sue-lai an seli neu Au anang-ngala, ma Au tao-a so'dan-nala latetu seluk.”

YEREMIA 38:20

Boema au ataa ae, “Ta, Neukose ala ta fe Ama Manek lo sila neu fa. Au dokodoe no namahehenak, fo ela Ama Manek tunga Manetualain hala haituan-na; meten te basa lala'en-na lamadai, ma neukose ala ta tao lisa Ama Manek fa.

YEREMIA 50:5

Neukose sila latane enok mana neu leo Sion, boema ala la'ok leo ndia leu. Neukose ala tao hehelu mate'ek lo au ma ami ho'u mahele.

YESKIAL 16:60

Tehu, neukose Au afandele hehelu-balataak fo, Au taon no o, nai lelek o bei muli-solum-ma, ma Au tao hehelu-balataak no o, fo paken losa dodoon-na.

YESKIAL 34:24

Au, Manetualain, neukose da'di sila Manetualain, ma manek fo, sama-na leo Au atang Dauk ndia, neukose ana da'di sila manakoasan-na. Au, Manetualain nde manakokolak-ka.

YESKIAL 34:25

Naukose, Au tao hehelu-balataak o sila, ma Au anea sila so'dan-na. Neukose, Au usiheni basa bana makaak-kala leme nusak-ka lala'en-na mai, nalosa Au bi'ilopong-ngala hapu leo no nee-nee lino-linok lai mook-kala, ma lai nula-la dalek.

YESKIAL 37:26

Neukose, Au tao hehelu-balataa mole-dame o sila, fo neukose ndia da'di hehelu-balataa manaketu basa tak no sila. Neukose, Au fes baba'e-papalak, ma Au fes boetai lamade'u. Neukose, Au afofo'a Au Umang-nga neu sila daen dale, fo nahele neme ndia, losa dodoon-na.

IMAMAT 18:5

Tunga Au fe emi nakanenetek ma hoholo-lalanek-kala. Metema, emi tao leondiak soona, emi maso'da. Au nde Manetualain-na.”

AMOS 5:4

Manetualain nafa'da hataholi Israel-la nae, “Fali leo Au mai leona, soona neukose emi maso'da.

AMOS 5:6

Fali leo Manetualain Manakoasa mai leona, soona neukose emi maso'da. Metema emi ta fali fa soona, neukose Ana mai sama leo ha'i masalolo'dek-ka, fo ana hotu heni basa hataholi Israel-la. Ta hapu hataholi esa boen nai Betel bisa taonisa ha'i ndia fa.

MATEOS 11:28

Mai leo Au mai leona, emi fo mana sota-mangu kala, ma mana lu'a-lepa mabela la lemin; neukose Au fe emi namahoko-sete leek.

MATEOS 13:16

Boema Yesus nafa'da ana mana tunga nala nae, “Tehu emi maua-manalek manseli, nanahu emi mita ma mamanene te'e-te'e.

MATEOS 17:5

Petrus bei kola-kola te, ko'a fulak bubuak esa fula elu-elu ana poti nalas, ma hala ka nananamanemek neme ko'as ndia dalek mai nae, “Ia nde Au ana susue nga. Nandaa no Au dale nga. Mamanene neun!”

YOHANIS 10:27

Au bi'ilopo ngala lamanene Au hala nga. Boema Au alelak asa, hu ndia de ala tunga Au.

YOHANIS 6:37

Ama ka fe basa Au hataholi la, neukose ala mai leo Au mai. Boema see mai leo Au mai soona, Au ta tipa esa boen.

YOHANIS 7:37

Losa feta ndia fai mate'e na fo faik ndia, fai masosoak, boema Yesus neu napadeik neu Manetualain Uman dale de nalo napane'e nae, “Hei hataholi mana maa ma'da kala lemin, ela leo bee na emi mai leo Au mai, fo minu leona.

YOHANIS 8:47

Hataholi fo ana da'di neme Manetualain mai soona, neukose namanene Manetualain dede'a-kokolan. Tehu emi ta da'di meme Manetualain mai fa, hu ndia de, emi ta nau mamanene fan.”

HATAHOLI 13:34

Manetualain tao naso'da fali kana neme mamate sa mai so. Besak ia, neukose Ana ta la'ola'di mamate sa nai bolo mamates dale so'on. La'eneu dede'ak ndia de Manetualain nafa'da nae, ‘Neukose Au fe O hehelu-balataa malalao-malalafuk, fo tao leo bee o nanatao natetuk, fo Au helu basan neu Dauk so.’

ROMA 10:5

Musa sulak nae, hataholi a malole falik no Manetualain tunga agama hoholo-lalanen soona, neukose hataholi ndia naso'da nanahu ana tao tunga agama hoholo-lalanen ndia.

IBRANI 13:20

Manetualain tao naso'da falik basa ita Lamatuan Yesus neme mamate sa mai so. Hu ka nde mamaten ndia, de besak ia Ana da'di Mana Foo Matua Ina, ba'eneu ita, fo nde bi'ilopo nala. Mamaten ndia boeo, Ana pakunisa hehelu-balataa manaketu basa tak fo Manetualain taon no ita.