YESAYA 54:9 - Susula Malalaok Hehelu Palak Ma Hehelu Beuk

⁹ “Au aheluk, sama leo nai Noh tepo lelen-na, ae faa tuak-ka, neukose ana ta luu-na daebafak-ka so'on, leondiak boe, besak ia, Au aheluk ae neukose, Au ta amanasa, do Au fe nasanene'da mahelek neu emi so'on.

YESAYA 54:9 ပူးပေါင်းရင်းမြစ်များ

KEJADIAN 8:21

Tutunu-hohotuk ndia, boomenin-na tao namahoko Manetualain dalen-na, boema Ana dodoo nai dalen dalen-nae, “Neukose Au ta soo-supa seluk daebafak ia so'on, hu kande hataholi daebafak-ka tatao-nono'in; Au bubuluk, hataholi daebafak-ka dudu'a-aafin ndia, mangalauk neme bei muli-solun-na mai. Neukose, Au ta tao amopo-amate basa mahahae maso'dak, fo bei kaso'dak-kala so'on, sama leo besak-ka Au taok ia.

AYUB 11:16

nakalenak, o ta mafandele seluk o doidosom so'on; fo hataholi-a nafandele henin, sama leo faa le'e.

MAZMUR 104:9

O maketu too-lane, fo ana ta bole tunga ndia fa, fo ela ana boso fali ma'in, fo lifu-na daebafak-ka.

YESAYA 12:1

Neukose fain-na losa, emi makamee mae: “Manetualain, au oke makasi neu O, nanahu O kokoe-nanasi au. Makahulun-na O mamanasa au, tehu besak ia, O nasam-ma tenak so.

YESAYA 49:18

Mete ma makanae, leo o boboa-kaisum muu, o laum-mala, lakabubua basa, de ala mai leo o mai so. No Au, Manetualain fo maso'dak-ka, Au afa'da ae, tete'ek-ka, neukose o dalem-ma namatua, nanahu o laum-mala, sama leo ina manaka'bing-nga, dalen-na namatua, nanahu lilo-henun.

YESAYA 51:22

O Manetualain-ma, nafa'da nae leo ia, Emi Amam Manetualain, fo nasala'e emi, “Doidosok fo Au fen nai Au nasa-melung dale-a, neukose Au ho'i falik-kana, neme o mai. Neukose Au nasa-melung tenak, de emi boso boe, lu'a-lepa bain.

YESAYA 51:6

Mete lalai ma mete daebafak-ka; neukose lalai mopok-kana, sama leo ha'imasuk-ka, ma daebafak-ka, neukose ana palaa, sama leo ba'du palaak dooinak-ka, neukose mate basa laun-na, sama leo ninik-ka. Tehu Au fe so'da-molek-ka, nahele losa dodoon-na, ma Au sesenging-nga, neukose ta nate'e fa.

YESAYA 51:8

Neukose, ala mate-mopo, ma mopok-kasa, sama leo andae-a, na'a temak-ka, ma andae-a, na'a tema bi'ilopo bulu-a. Tehu, Au fe so'da-molek-ka, nahele losa dodoon-na, Au sesenging-nga, la'ok nakandoo, losa bobongik leo bobongik neu.”

YESAYA 55:11

Leondiak boe, dede'a-kokolak fo, Au kokolak-ka, ana ta fali ma'in leo Au mai, no palsuma fa, tehu ana hapu tao hata fo, Au ahiik-kana, ma ana hapu basa hata lalaen fo, Au dudu'ak-ka.

YESAYA 62:8

Manetualain helu basa pake soo-supak so, de neukose, Ana tao natetun nenik koasan-na: “Neukose, Au ta fe seluk o gandum-ma, leo musu-a neu so'on; hataholi nusa dea-la, neukose ta linu seluk o angol fo, emi ketu-seun no sosota-mamanguk fa.

YEREMIA 31:37

Leounik-ka la'i esa boema lalai-a hapu nanaukuk, ma daebafak-ka poin-na hapu nanapalisak mataloloek soona, neu faik ndia te neukose Au tipa-dede'a heni Israel nanahu basa sila tatao-nono'in fo mangalaun-nala. Au, Manetualain, nde manakokolak-ka.”

YESKIAL 16:42

Basa ndia soona, besak-ka Au nasa-melung, ana tenak, fo Au daleng-nga tesa-tama falik. Neukose, Au ta amanasa do ape'da dalek so'on.

YESKIAL 39:20

Ala hapu lakabete nai Au meing lain, nenik nana'ak fo nde: ndala-la loo hataholi manasa'ek-kala, ma nenik basa palani tatibatu-la aoisin-nala. Au, Manetualain Fo Mademaina, nde manakokolak-ka.”

YESKIAL 39:29

Neukose, Au akona Au Duladaleng-nga neu leoina Israel-la, ma neukose Au ta la'oelas so'on. Au, Manetualain Fo mademaina, nde manakokolak-ka.”