YESAYA 54:8 - Susula Malalaok Hehelu Palak Ma Hehelu Beuk

⁸ Au heok asadea o, ka'da ba'ihanak mesan, nanahu Au nasa-melung lua ponu-ponu. Tehu Au sue-lai o, nenik susue-lalai manaketu basa taak-ka.” Manetualain, fo o Manasoi-manatefam-ma, nafa'da nae leondia.

YESAYA 54:8 ပူးပေါင်းရင်းမြစ်များ

MAZMUR 103:17

Tehu Manetualain sue-lai nahele hataholi kamahehelek-ka, ma dale malolen-na nakandoo, neme bobongik leo bobongik neu

MAZMUR 103:4

Ndia nde, soi-nala o so'dam-ma, neme lates dale mai, de Ana fe o pake ti'ilanga manek-ka, nenik susue-lalaik ma dale kasian.

MAZMUR 13:1

Soaneu mauli-malanga makameek-ka. Dauk kokoa-kikion-na.

MAZMUR 27:9

boso mafuni meme au mai.” Boso mamanasa, ma tipa O atam-ma, nana O nde tulu-fali basa au so. Boso tu'u-tapa do la'oela au, ou Manetualain, fo au manasoi-manatefang-nga.

MAZMUR 30:5

Makamee nakamee kokoa-kikiok ba'eneu Manetualain, hai Manetualain anan fo manalilinekak-kala lemin, ma moke makasi neu Ndia Fo Malalao-malalafuk nanseli.

YESAYA 14:1

Neukose Manetualain sue-lai anan Israel, de Ana hele seluk-kasa da'di Ndia nuun. Neukose Ana fe falik-kasa leo sila nusa mesan-na neu. Hataholi nusa dea-la, neukose ala mai fo lakabubua loos.

YESAYA 26:20

Hai Au leoinang-ngala lemin, masok leo emi umam dale meu leona, fo kena lelesu-a neu. Ke'ke lalai muu ndia, losa Manetualain nasa-melun tenak.

YESAYA 40:27

Da'di Israel, tao le'e de o hoo-nggu'um, nono'kabai, o Amam Manetualain, ta bubuluk o toto'a-tataan fa? Nono'kabai, Ana ta taoafik neu o so'dam-ma fa, ma Ana ta taoafik neu o hak-ka fa?

YESAYA 45:15

Manetualain fo, manasoi-tefa Israel-la, nde been-na Manetualain fo, nafuni aoinan-na.

YESAYA 47:6

Makahulun-na, Au amanasa Au anang-ngala, Au ta sipok-kasa, da'di Au nuung so'on. Boema Au fes leo o neu de o ta sue-lai fas, nakalenak o tunu-ndeni lasik-kala, no ta pake ha'da hataholik fa.

YESAYA 48:17

Israel Manetualain malalao-malalafun-na, ma o Manasoi-tefam-ma, nafa'da nae, “Au nde o Amam Manetualaim, fo namanenenanoli o, hata fo masosoa-ndandaak ba'eneu o, ma Ana hela-nole o, nai enok fo, o tungak-ka.

YESAYA 49:10

Neukose ala ta maa ma'da, do lamala'a fa, ma neukose, le'do mahaak-ka, ta la'e fas, nai moo solokaek-ka fa. Nana Au, fo manasue-lai sila, neukose hela-noles, ma hela-noles leo oemata-la leu.

YESAYA 49:13

Hai lalai, makamee leona, hao daebafak, mamahoko-setelee leona, hai letek-kala, eki no mamahoko-seteleek leona! Nana Manetualain mai kokoe-nanasi anan-nala, Ana sue-lai anan fo nanatuni-ndenik-ka.

YESAYA 49:26

Neukose, Au tao-a o musum-ma, mafuk daak, nalosa esa dodo-na esa. Soona basa hataholi daebafak lala'en-na, bubuluk lae Au, Manetualain, o Manasoi-manatefam; Fo Mabe'i-balakai lea, Yakob Manetualain-na, o Manasoi-manatefam.”

YESAYA 54:10

Leomae letek-kala, ma pupukuk-kala langgengo, tehu neukose Au ta hahae sue-lai o fa. Neukose Au ho'u ahele, Au hehelu-balataa mole-dameng-nga,” Manetualain fo, manasue-lai o-a, nafa'da nae leondia.

YESAYA 54:5

O saotoum-ma nde, Manamakadada'dik o-a. Israel Manetualain malalao-malalafun-na nde bee-na, o Manasoi-manatefam. Na'den-na nde, Manetualain Fo Manakoasa, Ndia nde Manetualain fo, manakoasa daebafak-ka lala'en-na.

YESAYA 55:3

Mamanene leon, hai leoinak-kala lemin, mai leo Au mai, te neukose Au fe emi so'da matetuk-ka. No susue-lalaik ma lilinekak, fo Au helun neu Dauk-ka, Au pa'a hehelu-balataak, fo manaketu basa taak-ka no emi.

YESAYA 55:7

Ela leo been-na, hataholi manatao tatao-nono'i mangalauk-ka, ana tao nahii so'dan-na, ma nasafali dudu'a-aafin. Nemen-na, fo ana fali ma'in leo Manetualain mai, fo ela ana hapu susue-lalain. Ela leo been-na, ana lepos fali leo ita Manetualain-na mai, nana Manetualain fe do'o do ampon no dale manasue-manalaik.

YESAYA 60:10

Manetualain nafa'da Yerusalem nae, “Hataholi nusa dea-la, neukose lafofo'a falik o papala nanadamam-ma, ma mane-manek-kala, neukose lalalau-laoono o. Makahulun-na, Au huku o, nai Au nasa-melung dale, tehu besak ia, Au nau sue-lai o

YESAYA 63:7

Au sanga tui-benga, Manetualain susue-lalain ma koa-kion, nanahu basa tatao-nono'in lala'en-na. Ana fe anan-nala, baba'e-papala manasasi kao-kaok-ka, nanahu nanuu dale susue-lalaik, ma dalek-kasian-na ta basa fan.

YESAYA 64:7

Ta hapu manahule-haladoi neu O, do noke O tutulu-fafalim fa, nana O mafuni o mata-panam neme ami mai, ma O po'ilotak ami sala-singom tao namate-namopo ami.

YESAYA 8:17

Manetualain nafuni aoinan-na neme Yakob tititi-nonosin, fo anan-nala mai so, tehu au amahele ma amahena neun.

YEREMIA 31:3

Au atu'du Au aoinang-nga neus neme dook-ka mai. Hai hataholi Israel-la lemin, lelek makahulun-na Au sue-lai emi tatas esa, ma soaneu losa makandondoo henin Au atu'du ae, Au sue-lai emi tatas esa.

YEREMIA 33:26

leondiak boe neukose Au ho'u ahele Au hehelung-nga neu Yakob tititi-nonosin ma neu Au atang Dauk. Neukose Au hele-a hataholi esa neme Dauk tititi-nonosin-na soaneu ana paleta Abraham, Isak, ma Yakob tititi-nonosin. Neukose Au sue-lai an seli neu Au anang-ngala, ma Au tao-a so'dan-nala latetu seluk.”

YEREMIA 51:5

Au, Manetualain, Amak Manetualain Fo Manakoasa, Israel Amak Manetualain Malalao-malafu, neukose ta la'o ela Israel ma Yehuda fa leomae sila tao salak neu Au.

YESKIAL 39:29

Neukose, Au akona Au Duladaleng-nga neu leoina Israel-la, ma neukose Au ta la'oelas so'on. Au, Manetualain Fo mademaina, nde manakokolak-ka.”

HABAKUK 3:2

Ou Manetualain, au amanene la'eneu O tatao-nono'im boema, au ame'da nai au daleng dale, henuk no malela ka. Sa'di leo been-na, O tao la'iesa seluk, tatao-nono'i matuaina ndia. Ma O mafa'dan nai ami tepo-lelem ia. Ela leo been-na, O sue-lai ami, leomae O dalem-ma namahana loo-loo.

ZAKHARIA 1:15

Tehu Au amanasa anseli, neu leoina fo lame'da nee-nee lino-linok, ma so'da-molek. Nana, nai lelek Au akatatakak Au nasang-nga, neu Au anang-ngala, leoina sila popo-tama seluk doidosok, neu Au anang-ngala.

ZAKHARIA 1:16

Besak ia, Au fali leo Yerusalem u, fo Au fe do'o do ampon neu kota ndia. Neukose Au Umang-nga nananafofo'a falik, ma neukose kota Yerusalem-ma, nanatao nahiik seluk.”

ZAKHARIA 10:6

“Neukose, Au tao-a laun Yehuda-la balakaik, neukose Au soi-tefa hataholi Israel-la. Fo Au o falik-kasa leo nusan-na neu nanahu Au sue-lais. Neukose Au taos sama leo leoina, fo Au beita alelesi ita fas. Au nde Manetualain fo sila Manetualain-na, Neukose, Au taoafik seluk neu basa sila huhule-haladoin lala'en-na.

2 TESALONIKA 2:16

Ela leo bee na, ita Lamatuan Yesus Kristus ma ita Aman Manetualain, fe emi kokoe-nanasik, ma natetea-nahehele emi dale ma, fo ela emi hapu tao-no'i ma tui-benga hata fo malole. Hu ka nde Manetualain sue-lai ita, ma hu ka nde dale malole na de, Ana tao na ita tatea-tahele, boema ita tamahena ka'da hata fo malole.

1 TIMOTIUS 1:16

Tehu neme enok ndia mai de, Manetualain sue-lai au, fo ela basa hataholi la lita, Kristus Yesus ta haelai namanasa au fo, hataholi masala-masingok ia. Fo dede'ak ia, ana da'di natutu'duk esa, soaneu basa hataholi fo, neu fai makabuin besa ka lamahele neun na, ala hapu so'da matetu ka, ma mana ketu basa ta ka.