YESAYA 53:7 - Susula Malalaok Hehelu Palak Ma Hehelu Beuk

⁷ Nanafepa-li'uk, no ta pake ha'da hataholik fa, tehu, ana lu'a-lepan no, hahae manalu. Ana ta buka bafan-na, sama leo leni bi'ilopoana leo mamana dodo'dok-ka neu, do nggute bi'ilopoina bulun-na.

YESAYA 53:7 ပူးပေါင်းရင်းမြစ်များ

MAZMUR 38:14

Tehu au sama leo hataholi pakek fo, ta namanene fa, sama leo hataholi hala tak, fo ta kokolak fa.

MAZMUR 38:15

Tete'ek-ka, au sama leo hataholi fo, ta namanene fa, hu ndia de, ta nase'i fa.

MAZMUR 44:22

tao leo bee-o, neukose Ana bubuluk-kana, nana Ana bubuluk dede'a nananafunik manai ami dalem dale-a.

YESAYA 50:6

Au fe au muliha'ing-nga, neu hataholi manafepa au-a; ma au nasebu'ung-nga neu, hataholi manafe'a au nggolomeing-nga. Au ta afuni au mata-panang nai lelek au nananakadadaek, ma nanamu'di ape.

YESAYA 53:6

Ita basa-basa-tala, tatofa-tatalak, sama leo bi'ilopo-a, fo esa-esak sangak enon. Manetualain nadodou basa ita sala-singon neun so.

YEREMIA 11:19

Au sama leo bi'i lopo-a fo ta pake dudu'a-dodok so'on, te nenin leo mamana dodo'dok-ka neu. Au ta bubuluk fa te, au nde da'di sila dudu'a-aafi mangalaun-na isin-na. Sila lafa'da lae, “Mai fo ata lo'o heni ai ia, beidai ana bei nabuna-naboa ia; Ita tao tamate-tamopon fo ela hataholi lasanggango heni na'den-na.”

MATEOS 26:63

Tehu Yesus ka'da denge-denge. Boema imam matua ina natane la'iesa selu kana nae, “No Manetualain fo maso'dak ndia na'de na mafa'da fe ami, ade O nde Mane Mana Fe So'dak fo Manetualain Anan do?”

MARKUS 14:61

Tehu Yesus ka'da denge-denge. Ta nataa makandondook fa. Boema imam matuaina natane la'iesa selu kana nae, “Ade O nde Mane Mana Fe So'dak, fo Manetualain Malalao-Malalafu ka, Ana na do?”

MARKUS 15:5

Tehu Yesus ta nataa makandondook so'on, de nalosa Pilatus dodoo doa kana.

LUKAS 23:9

Hu ndia de Herodes fen natatanek ba'u ka, tehu Yesus ta nataa makandondook fa.

YOHANIS 1:29

Balahaa boema, Yohanis nita Yesus mai boema nae, “Mete mitak, Manetualain Bi'ilopo Anan, fo mana kokaheni daebafa ka sala singo na, ana mai nde ndia.

YOHANIS 19:9

Tutika ana fali ne'un leo uma manek dale neu de lo Yesus leo dalek neu, boema natanen nae, “O da'di meme bee mai?” Tehu Yesus ta nataa fa.

1 PETRUS 2:23

Lelek fo nanadodoki-aalik tehu Ana ta balas ninik dodoki-aalik fa. Lelek fo Ana doidoso, tehu Ana ta tao mangalauk neu hataholi mana tao mangalauk neu na fa. Ka'da Ana fe dede'a na neu Manetualain, fo mana maketu-mala'di tunga matetu na.

NINITAK 5:6

Basa boema au ita Bi'ilopo Ana esa napadeik nai kandela manek ndia tala'daheon, ma mahahae kaha kala ma lasi-lasik sila la okofefeo lan. Bi'ilopo Ana ndia meten soona sama leo nanado'do basa ka so. Susulan hitu ma matan hitu: fo nde Manetualain Dula Dale kahitun fo nadenus leu leo basa daebafa ka ala'ena.