YESAYA 53:3 - Susula Malalaok Hehelu Palak Ma Hehelu Beuk

³ Ita takadadaek-kana, ma ta deka to fan, hataholi fo henuk no doidosok-ka, ma biasa ana lu'a-lepa he'di-laus. Hataholi esa boen, ta nau mete fan, ma ita boeo, ta nau taoafik neu fan.

YESAYA 53:3 ပူးပေါင်းရင်းမြစ်များ

MAZMUR 69:29

Nemen-na fo, sila na'den-na nanakoka henik neme susulak maso'dak-ka, dale mai; ma ta nanasulak nai hataholi manatao tunga ndoon-na, susulan dale fa.

MAZMUR 88:4

Susa makadotok tuni-nala au; mamates-sa nai lelesu bafan-na so.

YESAYA 49:7

Israel Manetualain malalao-malalafun, Manasoi-manatefan, nafa'da neu hataholi fo, nananakadadaek nanseli, ma leoinak-kala, ta lahiik-kana fa, boema ana da'di ata, neu manakoasa-la, nae, “Neukose mane-manek-kala, lita Au tatao-nono'ing; neukose, ala fo'a, fo ala fe ha'da-holomata neu Au. Neukose basa manakoasa-la lita boe, boema, ala sene-do'ok.” Dede'ak ndia ana da'di, nanahu Manetualain hele basa atan-na so; Israel Manetualain malalao-malalafun-na, lilineka neu hehelu balataan.

YESAYA 50:6

Au fe au muliha'ing-nga, neu hataholi manafepa au-a; ma au nasebu'ung-nga neu, hataholi manafe'a au nggolomeing-nga. Au ta afuni au mata-panang nai lelek au nananakadadaek, ma nanamu'di ape.

YESAYA 52:14

Makahulun-na, hataholi makadotok litan de ala nggenge, boema ala tao lalutu mata-panan, nalosa ta nalupa hataholi daebafak so'on.

YESAYA 53:10

Manetualain nde nahiik, nae ana doi-doso-a, ma ana fe aoinan-na neu, fo da'di leo tutunu-hohotuk fo, sala singok hapu do'o do ampon. Boema, neukose teun-na namanalu, fo nita tititi-nonosin, Neukose Manetualain hihii-nanaun nanatao natetuk, tunga ndia.

YESAYA 53:4

Tunga ndoon-na, ana lu'a-lepak ndia, nde ita he'di-laun-na, ma doi-doson ndia, nde ita doi-doson-na, te se'kona, ita taedaeng-nga, doi-doson ndia, Manetualain hukun nde ndia.

MIKHA 5:1

Manetualain nafa'da nae, “Hai Betlehem Efrata, o kota esa, anak nanseli nai Yehuda! Tehu neme o dalek mai, neukose Au afofo'a manakoasa esa soaneu Israel, fo momoli-dada'din neme makahulun eli mai.”

ZAKHARIA 11:8

Manafoo 3, de 3-s ta hii au fa, ala tao-la au hihii amanasa. Au usi henis, nai bulak esa dalen-na.

MATEOS 26:67

Boema lasapula ape neu Yesus mata panan ma ala tutu-fepan. Boema nggelok fapan,

MATEOS 27:63

de lafa'dan lae, “Tuan, ami bei mafandelek, lelek fo hataholi mana ke'dindiuk ndia bei naso'da, nafa'da hai nae, ‘Basa faik telu soona, neukose Au aso'da falik.’

MARKUS 10:33

Yesus nae, “Mamanene leona, te besak ia ita teu leo Yerusalem teu ia so. Nai naa, Ana Hataholi ka neukose nanafek leo malanga ima mala, ma mese agama la. Neukose ala hukulisan, fo basa soona ala fen leo hataholi ta Yahudi la neu.

MARKUS 10:34

Neukose lakamumulu-lakamamae kana, ala mu'di lakadoen ape, ala fepa-li'un, ma ala lona-nggangen. Tehu neu fai katelu na soona, neukose naso'da falik.”

MARKUS 14:34

Yesus nafa'das nae, “Au dale nga he'di nanseli. Au ame'dan sama leo Au sanga mate. Ela emi mahani meme ia fo manea!”

MARKUS 15:19

Basa ndia boema, ala fepa Yesus langa na ninik aitete'ek, boema ala mu'di lakadoen ape, ma ala sene-do'ok leu mata na.

MARKUS 9:12

Yesus nae, “Memak Elia mai nakahuluk fo ana tao matalolole basa hata lala'ena. Tehu dede'a na tao leo beek no Ana Hataholi ka? Hu beek de, nai Susula Malalaok dale nanasulak nae, neukose Ana Hataholi ka doidoso nanseli, ma hataholi la lakadadae kana?

LUKAS 16:14

Hataholi Farisi la lamanene basa hata fo Yesus nafa'da kala. Boema ala hikan, nana ala hii ka'da doi ka.

LUKAS 19:41

Lelek Yesus boetai deka no Yerusalem, de Ana mete nita kota ndia boema Ana kii.

LUKAS 8:53

Ala hika Yesus, nana ala bubuluk ni'iana inanak ndia maten so.

LUKAS 9:22

Yesus boeo nafa'da nae, “Memak Ana Hataholi ka muse doidoso ba'u ka, ma lasi-lasi nala boema malanga ima mala ma mese agama la ala la'ba nana. Neukose ala taolisan, tehu neu fai katelu na soona, naso'da falik.”

YOHANIS 11:35

Tutika Yesus ki.

YOHANIS 8:48

Boema hataholi Yahudi la lataa Yesus lae, “Ade tete'e ka ami ta mafa'da mae, O hataholi Samaria nitu sa'ek fa do?”

ULANGAN 32:15

Manetualain anan-nala da'di kamasu'i-makabetek, tehu ala hii lena-la'ban paleta laao bebonu, ma lakabete nana'ak. Boema ala la'oela Manetualain fo Manamakadada'dik sila ma ala ta sipok Manasoi-manatefa palani tatibatu-na fa.

IBRANI 4:15

Ita Imam Matua inan ndia, ta nde imam fo ta hapu name'da nita ita tapandoe nala fa. Nasafali na, nanaso'ba-su'di basak, nai basa dede'ak lala'ena dalek, sama leo ita boe, ka'da Ana ta tao sala-singok fa!

IBRANI 5:7

Nai lelek fo Yesus naso'da neme daebafak ia, Ana hule-haladoi, ma dokodoe no ngganggasik ma kikiik neu Manetualain fo nabe'i soi-tefa nalan neme mamate sa mai. Ma hu ka nde nakatele neu Manetualain no ha'da-holomata henuk neu Manetualain, de Manetualain namanenen.