YESAYA 52:7 - Susula Malalaok Hehelu Palak Ma Hehelu Beuk

⁷ Namahokok nanseli, mete hataholi nadedenuk-ka, mamain-na; ana la'ok la'di letelepak-ka de neni hala malole, hala so'da-molek, hala so'da-molek ba'eneu Sion; nae, “O Manetualaim-ma Manek!”

YESAYA 52:7 ပူးပေါင်းရင်းမြစ်များ

MAZMUR 59:13

Nana sila lasala-lasingo lenik hala-kokolan-nala; Nemen-na fo hihi'ik-ka nalas nai koao-ndaeaon-nala dalek, nanahu ala nau soo-supa ma lasapepeko-lasandandali.

MAZMUR 68:11

Boema O anam-mala leo lai ndia; fo nai O dale malolem-ma dalek, ou Manetualain, O makaboboi hataholi nuu ta-hata tak-ka.

MAZMUR 93:1

Manetualain nde bee-na, Manek; Ana pake papake-ngganggao matua-madema ma mabe'i-balakaik. Daebafak-ka napadeik natetu, de ta nanggengo fa.

MAZMUR 96:10

Tui-benga neu leoina-la mae, “Manetualain ndia Manek! Daebafak-ka, matea-mahelek, de ta naggengo fa; Neukose Ana naketu-nala'di leoina-la no ndoos ma matetuk.”

MAZMUR 97:1

Manetualain nde bee-na, Manek! Ela leo bee-na, daebafak-ka eeki-latadale, ma pulu-pulu-la lamahoko-setelee.

MAZMUR 98:2

Manetualain tui-benga sesengin-na! Nafa'da ndoos ma matetun-na neu leoina-la.

MAZMUR 98:3

Ana nafandele neu susue-lalain, ma lilinekan neu Israel fo, anan-nala. Basa leoina manai daebafak-ka lala'ena, lita basa ita Manetualain-na, sesengin-na so.

MAZMUR 99:1

Manetualain nde bee-na, Manek; leoina-la dele-bengge'be. Ana nangatuuk nai kandela manek lain, fo nai mahahae mali'dak nusa so'dak-ka lain (kerub), daebafak-ka nanggengo.

KIDUNG AGUNG 2:8

Mamanene te! Au touana susueng-nga mai! Ndia sama leo nusa ana do nusa susula mukuk-ka. Nakaboboku nai letek-kala, Boku-boku nai pupukuk-kala lain. Mitak, napadeik nai papala nanadamak-ka selik, ana sanga nenik matan-na; ana titino neme jendela lelan-nala mai.

YESAYA 24:23

Neukose bulak-ka makahatuk, ma le'do-a, ta nasalaa so'on, nana Manetualain Fo Manakoasa, neukose Ana paleta da'di leo manek. Neukose Ana paleta nai Yerusalem, nai Pupuku Sion-na lain, ma natu'du matua-mademan neu basa anan-nala mauli-malangan-nala.

YESAYA 33:22

Nana Manetualain nde been-na, ita Manakee-manafulan, Manetualain nde been-na, manafe ita hoholo-lalanek-ka; Manetualain nde been-na, ita Manen, Neukose Ana soi-tefa-na ita. Emi talim-mala, lakama'a so, de ta hapu pa'a nahele dii laa, nai mamanan-na fa, boema, ta hapu lofa laa neu fa. Nai lelek ndia, neukose hataholi baba'e bua-lo'a nanaloso-nak makadotok, ma hataholi lu'ueik-kala, neukose ala kalo bua-lo'a kakalok.

YESAYA 40:9

Kae leo lete madema lain meu, fo po'a-benga hala malole-a neu Yerusalem! Maloo bou-bou mapane'e, fo po'a-benga hala malole-a neu Sion! Mafa'da kota-kota manai Yehuda-la, mae sila Manetualain-na, neukose Ana mai!

YESAYA 41:27

Au, fo Manetualain nde manatui-benga makasososa neu Sion-na; Au haitua hataholi maneni hala malole, leo Yerusalem neu.

YESAYA 42:11

Ela leo been-na, moo solokaek-ka, ma kotan-nala koa-kio Manetualain, malole lenak, Kedar laun-nala koa-kion leona! Ela leo been-na, kota Sela, laun-nala eeki-latadale ma laloo bou-bou leme letek-ka poin-na mai!

MIKHA 4:7

Ala tao lalas da'di lu'uk so, ma dook-ka leme nggolo-ta'dun mai. Tehu, neme bei ela hataholi sila-la mai, de neukose Au mulai tititi-nonosi beuk esa. Neukose ala da'di leoina matua ma mabe'i-balakaik. Neukose Au paletas nai Pupuku Sion-na losa dodoon-na.”

NAHUM 1:15

Mitak, hataholi nadedenuk esa, ana mai tunga letek-kala, neni hala malole, hala sesengik. Hai leoina Yehuda-la lemin, tao emi fai malolem-ma, ma tao matetu emi hala hehelum neu Manetualain-na. Neukose hataholi managalauk-ka, ta paleta emi nusam-ma so'on. Nana tao nakalulutuk-kasa so.

NAHUM 2:1

Hai Niniwe, mamanene leona! Hataholi fo ana nau tao nalutu o-a, ana mai so! Manea o kota musu mala! Manea enok-kala! Maheheleaom fo matee-mata'ti. (

ZAKHARIA 9:9

Hai laun Sion-nala lemin, mamahoko-setelee leon! Hai laun Yerusalem-mala lemin, eeki-matadale leon! Mete leon! Emi Manem-ma, ana mai no matua-mademan! Ndia manek fo manatao tunga ndoo-matetun-na, fo maneni so'da-molek-ka. Tehu henuk no dale taidaek, ana losa ana sa'e keledei, keledei ana esa.

MATEOS 25:34

Basa ndia soona, Manek ndia nafa'da basa hataholi manai boboa kona na nae, ‘Mai leon emi fo Au Amang ba'e-pala kala lemin! Masok leo nusak fo nanasadiak soaneu emi, ndek daebafa ka da'di makasososa na.

MATEOS 28:18

Boema Yesus neu nangatuuk deka nos de nafa'das nae, “Basa koasa manai nusa so'da ka ma manai daebafa ka nanafe basak neu Au so.

MARKUS 13:10

Nana Manetualain Hala Malole na muse tui-benga nakahulu kana neu basa leoina lala'ena.

MARKUS 16:15

Boema Yesus nafa'das nae, “Meu leo basa daebafa ka lala'ena meu, fo tui mamaloloa Manetualain Hala Malolen ndia neu basa hataholi daebafa ka lala'ena.

LUKAS 2:10

Tehu ata nusa so'dak ndia nafa'da nae, “Boso bii! nana au mai uni hala malole soaneu emi. Halak fo tao namahoko basa hataholi lala'ena.

LUKAS 24:47

Susulak ia la boeo lafa'da lae, no Mane Mana Fe So'dak ndia na'de na, muse nanatui-bengak neu basa leoina lala'ena mae, hataholi daebafa ka muse tukatei-saledale, ma mafa'da mae Manetualain fe do'o do ampon neu sala-singo ka. Halak ndia muse nanatui-bengak mulai neme Yerusalem mai.

EFESUS 6:15

Ela leo bee na, dale hihiik soaneu tui-benga Hala Malole fo manini so'da-mole ka, ana da'di emi ta'bu ei ma.

NINITAK 11:15

Boema ata nusa so'da kahitu puu pupuu na, boema nai nusa so'da ka hala kala nananamanenek bela na seli nafa'da nae, “Koasa soaneu paleta daebafa ka besak ia nai ita Manetualain ma Mane Mana Fe So'dak fo nanahelu ka, liman dale. Neukose Ana paleta losa dodoo na!”

NINITAK 14:6

Boema au ita ata nusa so'da fe'ek esa ana laa dema na seli nai lalai. Ata nusa so'dak ndia nini halak la'eneu Hala Malole fo matea-mahelek soaneu nanananduku-nalosa kana neu hataholi manai daebafa ka, fo nde neu basa leoina, leoanak, dede'ak, ma nusaina la.