YESAYA 52:6 - Susula Malalaok Hehelu Palak Ma Hehelu Beuk

⁶ Hu ndia de, neukose emi manaku, mae Au Manetualain, ma nai lelek ndia, neukose emi bubuluk, mae Au nde manakokolak o emi-a.”

YESAYA 52:6 ပူးပေါင်းရင်းမြစ်များ

MAZMUR 48:10

Ou Manetualain, nai O Umam dale, ami dodoo-tatai O susue-lalaim.

KELUARAN 3:13

Musa nataa nae, “Tehu metema, au atongo o hataholi Israel-la, fo au afa'das ae, ‘Emi bei-ba'i kaim Manetualain-na, nadenu au mai leo emi mai,’ soona neukose tao leo bee o, latane lae, ‘Na'de see?’ Soona au muse ataas ae le'e?”

KELUARAN 33:19

Manetualain nataa nae, “Neukose Au la'ok tunga emi matam nenik basa Au matua-mademang lala'en-na, boema Au seseik Au na'de malalao-malalafung-nga. Au nde Manetualain, de Au atu'du Au dale maloleng-nga, ma Au dale susue-lalaing neu hataholi fo Au helek-kala.

KELUARAN 6:3

Au boeo tao hehelu-balataak os boe. Au helu ae neukose Au fes nusa Kanaan-na, nusak fo makahulun-na, ala leo da'di leo hataholi manamai.

YESAYA 40:9

Kae leo lete madema lain meu, fo po'a-benga hala malole-a neu Yerusalem! Maloo bou-bou mapane'e, fo po'a-benga hala malole-a neu Sion! Mafa'da kota-kota manai Yehuda-la, mae sila Manetualain-na, neukose Ana mai!

YESAYA 42:9

Besak ia, Au afa'da elak-ka, ana da'di so; Au nau afa'da dede'a beuk-kala; basa sila-la beita da'di fa te, Au afa'dan neu o so.”

YESAYA 49:23

Neukose mane-manek-kala, ala da'di sama leo o amam, ma ina manek-kala, da'di leo o inam. Neukose, ala senek, fo fe ha'da-holomata neu o, ma lakaloe-lakadae aon-nala neu o. Soona neukose, o bubuluk, mae Au Manetualain; hataholi fo, namahena neu Au-a, dalen-na ta ba'ihana fa.”

YESAYA 60:16

Neukose leoinak-kala, ma mane-manek-kala, lakaboboi o, sama leo inak esa, nakaboboi anan-na. Soona besak-ka o bubuluk, mae Au Manetualain, fo o manasoi-manatefam-ma, ma o bubuluk mae Israel Manetualain, fo o Manasoi-po'im-ma, mabe'i-balakaik.

YEREMIA 31:34

Ta hapu sila esa nanoli esa soaneu lalelak Manetualain fa. Nana sila basas, ana do matua, neukose lalelak Au. Sila salan-na lala'en-na neukose Au asanggango henis, sila sala-singon-nala lala'en-na neukose Au fe do'o do ampong neus. Au, Manetualain, nde manakokolak-ka.”

YESKIAL 20:44

Metema, hu kande Au na'de malalao-malalafung-nga, de Au tao emi leondiak, ma ta nandaa no emi ha'da-tataom ta malolem-ma, boema emi tatao-nono'i mangalaum-ma soona, besak-ka emi hataholi Israel-la bubuluk, mae Au nde Manetualain-na. Au, Manetualain Fo Mademaina, nde manakokolak-ka.”

BILANGAN 23:19

Manetualain ta sama leo hataholi daebafak-ka fa, fo mu'dak la'iesak-kana, nasasale dale, ma Ana hii nasapepeko-nasandandali. Metema, Manetualain helu soona, tao leo bee-o, Ana tao natetun! Metema Ana kokolak soona, tao leo bee-o, neukose ana da'di!