YESAYA 52:5 - Susula Malalaok Hehelu Palak Ma Hehelu Beuk

⁵ Besak ia, Au ito-ato beek nia ia bai? Hataholi Babel-la, foo emi leondiak mesan. Sila fo, manatuni-ndeni emi-a, ala koao-ndaeao, ma lakadadaek Au lakandondoo henin.

YESAYA 52:5 ပူးပေါင်းရင်းမြစ်များ

2 SEMUEL 12:14

Tehu, hu kande Ama Manek nakamumulu-nakamamaek basa Manetualain nenik tatao-nono'ik ndia, de neukose mate Ama Manek anatouanan fo besak-ka bongin ndia.”

MAZMUR 44:12

O po'ilotak ami nanado'do-pauk sama leo bi'ilopo-a, ma O tao tapasasala ami leo leoina-la tala'da meu.

MAZMUR 44:16

Nai fai katemak esa dalen-na, au nananakamuu-nakadauk, au lu'a-lepa mamaek, ma au ta ato'dak au mata-panang fa,

MAZMUR 74:10

Ou Manetualain, losa faihi'da, musu-a hakinonoli O? Ala lakamumulu-lakamamaek O na'dem-ma, losa dodoon-na do?

MAZMUR 74:18

Mafandendelek, tao leo beek de, musu-a nakamumulu-nakamamaek O, ou Manetualain, leoina fo ta lalelak O fa, lakamumulu-lakamamaek O na'dem-ma.

KELUARAN 3:7

Boema, Manetualain, nafa'da nae, “Au ita basa Au anang manai Masir-rala doi-doson, ma Au amanene basa, ala nggasi loke soi-po'is leme hataholi fo manatuni-ndenis-sala. Te'e-te'e, Au bubuluk sila doi-doson lala'en-na.

YESAYA 22:16

“O maedaenga, see o ia? O manuu haak hata, nalosa o kali o bolo mamatem-ma, nai pupuku batu lain?

YESAYA 37:28

Tehu Au bubuluk basa hata lala'en-na, la'eneu o aoinam-ma. Au bubuluk o tao beek, ma o leo bee muu. Au bubuluk, ae o mamanasa Au ba'un-na seli,

YESAYA 37:6

nadenu basa hataholi nadedenuk sila-la, landuku-lalosak hala heheluk ia, nae, “Manetualain nafa'da nae, ama manek boso bii mamanene, mane Asyur ndia atan-nala hala nafafa'dan fo, nae Manetualain ta hapu soi-po'i ita fa.

YESAYA 47:6

Makahulun-na, Au amanasa Au anang-ngala, Au ta sipok-kasa, da'di Au nuung so'on. Boema Au fes leo o neu de o ta sue-lai fas, nakalenak o tunu-ndeni lasik-kala, no ta pake ha'da hataholik fa.

YESAYA 51:20

O hataholim-mala, tu'u lai enok-kala lain, nanahu ala male-tale, sama leo nusa nai hihi'ik dale. Manetualain nasa-melun la'es, ma o Manetualaim-ma hala pilan-na, la'es.

YESAYA 51:23

Au fe doidosok ndia, neu hataholi manatuni-ndeni emi, fo nadenu emi mangape'uk hai meme dae lain so, fo ana heheta-aa'i emi, nono'kabai, emi da'di enok, fo hataholi-la'ok tunga lain.”

YESAYA 52:3

Manetualain nafa'da anan-nala nae, “Emi nananase'ok no palsuma, da'di besak ia, nanasoi-po'ik no palsuma boe.

YEREMIA 50:17

Manetualain nafa'da nae, “Hataholi Israel-la sama leo bi'i lopo nanausik-kala ma nanabibinga-baba'ek neme meoasu-a mai. Makahulun-na manek Asyur de sapu-na sila, boema Nebukadnezar manek Babel-la napangge na sila duin-nala.

RATAPAN 1:21

Ou, Manetualain! Mamanene au hoo-nggu'ung leona, ta hapu hataholi kokoe-nanasi au fa. Au musung-ngala lamahoko, nanahu O taom-ma au soe. Faik fo O heluk ndia, mai leona; tao malas doi-doso sama leo au.

RATAPAN 2:3

Nai nasa-melun fo manapila lo'a-lo'an-na dalek, Ana helu la'di Israel be'i-balakain, Lelek musu nook-ka sapu-na ita, Ana hia fe tutulu-fafalik. Sama leo ha'i pila lo'a-lo'a fo tao nalutu basa hata lala'en-na, leondiak boe, Manetualain manakoasa nasa-melun neu ita basa-basa-tala.

YESKIAL 20:14

Tehu, Au ta da'di amanasa fa, hu kande Au na'de malalao-malalafung-nga, fo ela leoina fo, lita Au o Israel kalua meme Masir mai-a, ala boso lakamumulu-lakamamaek Au na'deng-nga.

YESKIAL 20:9

Tehu, Au ta da'di amanasa fa, fo ela leoina manai sila mamanan-na, boso lakamumulu-lakamamaek Au na'deng-nga. Nana Au po'a-benga basa nai leoina sila matan, ae neukose Au o leoina Israel-la, kalua leme Masir mai.

ZEFANYA 1:10

Manetualain, nafa'da nae, “Leo ndia, nai faik ndia; neukose kii-kiik-ka nananamanenek nai Lelesuina I'ak-ka. Hala makaleleuk-kala, neukose nananamanenek neme nggolo beuk-kala mai, ma manandefa matuaina-la nggun-na, neukose nanggu neme pupukuk-kala mai.

ROMA 2:24

Nai Susula Malalaok dale nanasulak nae leo ia, “Hu ka nde emi hataholi Yahudi, de Manetualain na'de na nanatao nanggenggeok nai leoina fe'e kala dalek.”

HAKIM-HAKIM 18:3

Lelek ala sanga masok lala uma ndia dalek boema, lamanene ta'eanak Lewi ndia kokolak, de lalelak halan-na. Da'di, lakandoo leo matan-na neu, de latanen lae, “Tao le'e de, o nai ia? O paluu beek? See nde noo o leo ia mai?”