YESAYA 51:9 - Susula Malalaok Hehelu Palak Ma Hehelu Beuk

⁹ Fo'a leon, ou Manetualain, fo tulu-fali ami, soi-tefa-mala ami, nenik O koasam-ma. Fo'a leon, sama leo nai tepo lelek makahulun-na nai lelek O tao makalulutuk Rahab: ma pau misa buta tasi ndia, losa maten.

YESAYA 51:9 ပူးပေါင်းရင်းမြစ်များ

AYUB 26:12

Ana tao nakamate tasi ina nenik koasan-na, ma fepa li'u Rahab nenik Ndia malelan-na.

AYUB 9:13

Manetualain ta nakatatakak nasa-melun, ma dale namahanan-na fa; basa Rahab eila'o-limalopen-nala boeo, lakatele neun.

MAZMUR 21:13

Neukose ana kou kokou isin-na, nalosa ala lepos lasafali, fo lalai.

MAZMUR 44:1

Teidalek Korah kokoa-kikion-na. Nakamee nanolik-ka. Soaneu mauli-malanga manakameek-kala.

MAZMUR 44:2

Ou Manetualain, ami mamanene matam, tutuik fo ami bei-ba'i kaim-mala tuin la'eneu tatao-nono'i matuaina fo O taon nai tepo lelek makahulun-na so.

MAZMUR 44:23

Hu kande O de, mamates-sa tunga nahele ami, de ana tao ami da'di bi'ilopo nanado'do-pauk.

MAZMUR 44:24

Fo'a leon, ou Manetualain! Tao le'e de, O sungu? Fo'a leona! Boso tipa ami losa dodoon-na.

MAZMUR 59:4

Mitak, lasasalematak lo au fo ala sanga taolisa au, hataholi dale susue-lalai taak-kala lakabubua fo la'ban au; te se'kona, ta hu kande au tao basa sala-singok so, do au tao tatao la'olenak so, ou Manetualain.

MAZMUR 7:6

nemen-na fo musu usi au, fo ana ho'un-na au, boema ana taonisa au, fo ana la'oela au popolang-nga nai dae lain.

MAZMUR 77:5

Manetualain taon-na au, ta bisa sungu nai fai le'odaen-na, au hela-hae, nalosa au ta hapu kokolak fa.

MAZMUR 78:65

Boema Manetualain fo'a, sama leo hataholi fo ana fo'a neme susungun-na mai, sama leo hataholi balakaik-ka, besak-ka ninu basa angol.

MAZMUR 87:4

“Neukose Au sulak Masir ma Babel leo leoina fo, manatunga Au-a, susulan dale neu. Nakalenak, Filistea, Tirus ma Sudan, nanalekek leo laun Yerusalem-ma dalek leu.”

MAZMUR 89:10

O koasa tasi fo, lii manaponu-ponuk-ka, ma O tao-ma, lii matuainan-na, naloe.

MAZMUR 89:11

Rahab, fo buta tasi-a, O fefepa-popokon, ma O tao misan, O sengi O musum-mala nenik O lima mabe'i-balakaim.

MAZMUR 93:1

Manetualain nde bee-na, Manek; Ana pake papake-ngganggao matua-madema ma mabe'i-balakaik. Daebafak-ka napadeik natetu, de ta nanggengo fa.

KELUARAN 6:6

Neukose Au tao emi da'di Au anang, ma Au da'di emi Manetualaim-ma. Soona neukose emi bubuluk, mae Au ia Manetualain, fo emi Manetualaim manasoi-po'i emi neme ata nai Masir.

YESAYA 27:1

Nai lelek ndia, neukose Manetualain pake tafaina matea ma matanen-na, fo Ana huku Lewiatan, menge fo manaule-po'de ma ana leleke ndia, ma soaneu taonisa buta tasi-a.

YESAYA 30:7

Masir tutulu-fafalin, palsuma la'iesak-kana. Hu ndia de Au foi Masir na'de, ‘Buta fo ta neni soe fa’.”

YESAYA 51:17

Fo'a leon, hai Yerusalem, fo'a leona! Huhukuk fo Manetualain naketun, nanahu nasa-melun-na, au akalala'ok-kana, losa basan so.

YESAYA 51:5

So'da-molek fo Au fek-ka, ana deka so; nai lelek Au sesenging-nga, hihiinae losa. Neukose Au mesang-nga, nde paleta leoinak-kala Nusa dook-kala, lahani talu-talu lo Au, ma lamahena Au tatao-nono'i matuainang-nga.

YESAYA 52:1

Fo'a leon, hai Yerusalem, fo'a leona! Matetea-mahehele o dalem-ma! Pake o papake matua-mademan! Hai Yerusalem, kota fo malalao-malalafuk, hataholi manggenggeok-ka, ana ta masok tunga o lelesuinam-ma so'on.

YESAYA 52:10

Manetualain natu'du koasan-na, nai basa leoina lala'en-na, matan-na. Boema basa daebafak-ka lala'en-na, sakasii so'da-molek-ka, neme ita Manetualain-na mai.

YESAYA 53:1

Leoina ndia nataa nae, “Neukose see, namahele hata fo, ami mamanene basan so? Nafa'da basa Manetualain koasan-na, neu see so?

YESAYA 62:8

Manetualain helu basa pake soo-supak so, de neukose, Ana tao natetun nenik koasan-na: “Neukose, Au ta fe seluk o gandum-ma, leo musu-a neu so'on; hataholi nusa dea-la, neukose ta linu seluk o angol fo, emi ketu-seun no sosota-mamanguk fa.

YESKIAL 29:3

Manetualain Fo Mademaina, nafa'da au nae, mafa'da mane Masir-ra, hala heheluk-ka nde ia nae, “O musum-ma nde Au ia, hai beis matuaina, fo o makandondoo nai lee-a tala'da. O malame'i mae Lee Nil-la nde been-na, o nuum ndia, ma o mae, o nde taolee ndia.

MIKHA 7:15

Tao manada'di beuk soaneu ami leon, ou Manetualain, sama leo makahulun-na O taon, nai lelek O moo falik ami neme Masir mai.

HABAKUK 3:13

O nggani leo uluk muu fo soi-po'i O anam-mala ma soaneu soi-tefa-ma, O hele manek-ka. O fepa mabuu hataholi manatao sala-singok-ka mauli-malangan, O ho'i falik la'iesak basa ana manatungan-nala hahaen-na.

ZAKHARIA 10:11

Metema, ala lena tasi to'a-taak-ka soona, Au, Manetualain neukose fepa lii-la; soona ma'da Lee Nil-la buin-na. Leoina Asyur, fo manakoao-ndaeaok ndia, neukose nananakadadaek, ma Masir, fo palani ta'tibatu ndia, neukose namopo koasan-na.

ZAKHARIA 2:13

Emi basa-basam-mala, boso mahahala nai Manetualain matan! Nanahu, Ana mai neme mamana leleon manai nusa so'dak-ka mai so.

LUKAS 1:51

No lima balakai na, Ana tao tapasasala hataholi mana koao-ndaeao ka, ma Ana tao tasibu dale tutu'u nala.

YOHANIS 12:38

Hu ndia de, hata fo Nabi Yesaya nafa'da ka, ana da'di, “Lamatuak, see ka nde namahele ami tutui-bebengam? Manetualain natu'du koasa na neu see ka?”

HATAHOLI 7:7

Tehu hataholi mana taos da'di ata sila la, neukose Au hukus, fo ala kalua leme nusak ndia mai, fo ala sene-do'ok neu Au nai mamanak ia.’

ULANGAN 4:34

Hapu hai lamatua daebafak, napalani ho'in-na leoina esa neme leoina-la tala'da mai, boema ana taos da'di ndia ana hehelin, sama leo emi Manetualaim-ma, Ana taon soaneu emi neme Masir so do beik? Emi mita matam, tao leo beek de, Manetualain no be'i-balakai matuainan-na, Ana fe soe-a, ma natee-natatik-ka mai, Ana tao manada'di beuk-kala, ma Ana tao dede'a matuaina-la.

NINITAK 11:17

Lafa'da lae, “Manetualain Fo Mana Koasa, fo nai, ma nai ia so! Ami moke makasi neu O, nana O pake basa O koasa matuaina ma, de O mulai paleta so!

NINITAK 12:9

Ala tapa naga matuaina ndia leo deak neu! Naga ndia nde menge lasik fo nana'de Nitu do Dula Dale Mangalauk fo manake'dindiu basa daebafa ka lala'ena. Ala tapan no ana manatunga nala leo daebafa ka.

HAKIM-HAKIM 6:13

Boema Gideon nataa nae, “Ampon tuan! Metema tete'ek-ka, Manetualain no ami soona, tao le'e de, basa dede'ak ia-la tuni la'e ami? Basa manada'di beuk fo makahulun-na Manetualain tao hai-ka, nai bee, ma hata fo ami bei-ba'i kaim-mala tuin la'eneu, tao leo beek, de Manetualain kalua heni sila leme Masir mai? Besak ia, Manetualain la'oela ami so, de Ana po'ilotak hataholi Midian-nala, koasa ami.”