YESAYA 51:5 - Susula Malalaok Hehelu Palak Ma Hehelu Beuk

⁵ So'da-molek fo Au fek-ka, ana deka so; nai lelek Au sesenging-nga, hihiinae losa. Neukose Au mesang-nga, nde paleta leoinak-kala Nusa dook-kala, lahani talu-talu lo Au, ma lamahena Au tatao-nono'i matuainang-nga.

YESAYA 51:5 ပူးပေါင်းရင်းမြစ်များ

MAZMUR 110:6

Neukose, Ana huku leoina-la, nalosa popolan-nala tonggela. Neukose, Ana tao namopo-namate basa manakoasa, manai daebafak-ka poin-na lala'ena.

MAZMUR 67:4

Ela leo bee-na, leoina-la koa-kio O, ou Manetualain, ela leo bee-na, basa leoina-la loke makasi neu O.

MAZMUR 85:9

Au nau amanene Amak Manetualain dede'a-kokolan; Ana helu fe ita fo anan-nala, tetu-temak, sa'di ita boso boe, tao seluk sala-singok bai.

MAZMUR 96:13

Nana Manetualain mai paleta nai daebafak-ka, Neukose Ana naketu-nala'di leoina-la no ndoos ma matetuk, ma tunga ndoo-na.

MAZMUR 98:9

Nana, Ana mai, fo naketu-nala'di daebafak-ka; neukose, Ana naketu-nala'di leoina-la no ndoos ma matetuk ma la'en.

YESAYA 11:11

Nai faik ndia, neukose Manetualain pake la'i seluk koasan-na, fo no falik bei ela anan manai Asyur ma Masir-ra, nai nusa Patros, Sudan, ma Elam, nai Babel, Hamat, ma manai nusa dook-kala.

YESAYA 24:15

ma hataholi manai dulu-la, neukose ala koa-kio Manetualain. Laun manai tasi su'uk-ka, neukose namatutua-namadedema Israel Aman Manetualain.

YESAYA 26:4

Mamahele neu Manetualain tataas esa leon, nana Manetualain nasulu-nahapa ita tataas esa.

YESAYA 33:2

Ou Manetualain, sue-lai ami. O nde, ami mamahenak-ka. Masulu-mahapa ami, neme faik leo faik neu, ma soi-tefa-mala ami, nai lelek, ami nai makase'ek-ka dalek.

YESAYA 33:22

Nana Manetualain nde been-na, ita Manakee-manafulan, Manetualain nde been-na, manafe ita hoholo-lalanek-ka; Manetualain nde been-na, ita Manen, Neukose Ana soi-tefa-na ita. Emi talim-mala, lakama'a so, de ta hapu pa'a nahele dii laa, nai mamanan-na fa, boema, ta hapu lofa laa neu fa. Nai lelek ndia, neukose hataholi baba'e bua-lo'a nanaloso-nak makadotok, ma hataholi lu'ueik-kala, neukose ala kalo bua-lo'a kakalok.

YESAYA 40:10

Mitak, Manetualain Ana mai no koasa soaneu Ana tao no makadelek. Hataholi fo, Ana soi-po'i basak-kala tunga loon.

YESAYA 42:4

dalen-na ta naba'e, do ketu namahehenan-na fa, losa ndoos ma matetuk-ka, napadeik natetu nai daebafak-ka. Nusa dook-kala, lahiik nanolin-na.”

YESAYA 46:13

Neukose Au fe fai soi-po'ik-ka, ana deka, so'da-molek fo Au fe-ka, ta nakano'dok fain-na so'on. Neukose Au soi-tefa Yerusalem, ma Au fe ha'da-holomata neu Israel.”

YESAYA 49:1

Mamanene au, hai nusa dook-kala lemin, taoafik neu dede'a-kokolang. Manetualain naloo au, te beita bongi au fa, Ana hele au, neme lelek, au inang nailu au-a.

YESAYA 54:17

Tehu basa tafa-sisilo fo, nanatutuk soaneu la'ban Au-a, neukose buna-boan ta. Ma basa kalaak manai uma manakee-manafula dalek-ka, neukose o fe sala butin-na. Neukose, Au fe sesengik neu Au atang-ngala, da'di leo bua palsen.” Manetualain nafa'da nae leondia.

YESAYA 56:1

Manetualain nafa'da anan-nala nae, “Tao hata fo ndoos, ma matetuk ma nandaa no Au hoholo-lalaneng. Nana, ba'ihanak seluk bai te, Au mai soi-tefa emi ma Au ndo matetung nananafa'dak.

YESAYA 59:16

Ana dodoo doak-kana, nae ta hapu hataholi tutulumatak fa, ma ta hapu manamasala'e fa. Boema, Ana pake koasa mesan-na, soaneu soi-tefa, ma fes sesengik.

YESAYA 60:9

Ndia nde, ofa-ofak fo ala mai see, fo loo falik Manetualain anan-nala, leme nusa dook mai. Leni lilofulak, ma lilopilas, boema koa-kio emi Manetualaim-ma; ba'eneu Israel Manetualain Fo Malalao-malalafuk, fo manataon-na anan-nala, nanafe ha'da-holomata.

YESAYA 62:11

Manetualain fe hala heheluk-ka nde ia, neu basa daebafak-ka bu'u-bu'un lala'en-na nae, “Mafa'da Sion laun-nala mae, ‘Mete Manetualain fo Manasoi-manatefak-ka, Ana mai! Hataholi fo, Ana soi-po'i basak-kala, ala tungan.’

YESAYA 63:5

Au sanga, tehu ta hapu manatulu-fali fa, Au dodoo doak-kana, ae ta hapu manafali fa. Boema, Au be'i-balakaing mesak-kana, nde tulu-fali Au-a, Au nasa-melung tulu-fali Au.

YOEL 3:12

Manetualain nafa'da seluk nae, “Basa leoina-la, muse lahehele aon fo leu leo Bafak Naketu-nala'dik-ka leu. Nai ndia, Au fo Manetualain neukose aketu-ala'di leoina-leoina manai Au anang-ngala titia-tatain-nala.

ZEFANYA 2:11

Neukose, Manetualain tao-nalas ala bii-lamata'u lanseli. Neukose Ana tao nakalulutuk, lamatua daebafak manai daebafak-kala. Boema, basa leoina lala'en-na, neukose ala sene-do'ok neu Manetualain, nai esa-esak nusan-na.

MATEOS 28:18

Boema Yesus neu nangatuuk deka nos de nafa'das nae, “Basa koasa manai nusa so'da ka ma manai daebafa ka nanafe basak neu Au so.

MATEOS 3:2

“Tukatei-saledale meme emi sala-singo mala mai leona, nana ta doo ka so'on te, neukose Manetualain Ana paleta leo Mane ka so!”

MARKUS 16:15

Boema Yesus nafa'das nae, “Meu leo basa daebafa ka lala'ena meu, fo tui mamaloloa Manetualain Hala Malolen ndia neu basa hataholi daebafa ka lala'ena.

LUKAS 24:47

Susulak ia la boeo lafa'da lae, no Mane Mana Fe So'dak ndia na'de na, muse nanatui-bengak neu basa leoina lala'ena mae, hataholi daebafa ka muse tukatei-saledale, ma mafa'da mae Manetualain fe do'o do ampon neu sala-singo ka. Halak ndia muse nanatui-bengak mulai neme Yerusalem mai.

HATAHOLI 17:31

Nana naketu basa faik esa soaneu naketu-nala'di basa daebafak ia lala'ena tunga matetu na. Manetualain hele basa hataholi esa soaneu nakalala'ok bela ba'uk ndia. Boema fo ela basa hataholi lala'ena lamahele dede'ak ndia de Manetualain tao naso'da falik hataholi ndia neme mamate sa mai so!”

ROMA 2:16

Mahani te neu faik fo Manetualain naketu basa ka te, neukose ana da'di tao leondiak, nai faik ndia, tunga Hala Malole fo au tui-benga ka, neukose Manetualain naketu-nala'di basa hata nananafunik nai hataholi a dalen dale ma dudu'a-aafi na dalek, tunga Yesus Kristus.

2 KORINTUS 5:10

Nana tao leo bee o, ita basa-basa tala nanakalaak leo Kristus kandela kekee-fufulan mata na teu, fo neukose ita esa-esak hapu babala na, nandaa no tatao-nono'in nai daebafak ia, nau tatao-nono'i malalole do tatao-nono'i mangalauk boe.

ULANGAN 30:14

Boso matane mae leondia, nanahu paleta sila-la, ala deka lanseli loo emi. Emi bubuluk basan so, ma emi kokolak-kana no ta paluu pake lees susulak so'on, da'di ka'da tao tungan leona.

SEMUEL SUSULAK-KA ESAN-NA 2:10

Manetualain musun-nala lutu-lutu, ala bii-lamata'u, nanahu Manetualain namanasa de halan-na nadodolo neme lalai-a mai; Neukose Manetualain, naketu-nala'di basa daebafak ia lala'en-na, ma Ana fe koasa mandela-masa'ak-ka neu manek fo Ana helek-ka.”