YESAYA 51:4 - Susula Malalaok Hehelu Palak Ma Hehelu Beuk

⁴ Hai Au leoinang-ngala lemin, taoafik neu Au halang-nga, hai Au anang-ngala lemin, mamanene Au hala-kokolang, Au fe Au nanoling-nga neu leoinak-kala, neukose Au hoholo-lalaneng nasala nalas

YESAYA 51:4 ပူးပေါင်းရင်းမြစ်များ

MAZMUR 106:5

Ela leo bee-na, au ita O hataholi hehelem-mala tetu-teman, ma amahoko sama-sama o, O anam-mala. Ela leo bee-na, au daleng-nga namatua, ma amahoko-setelee, sama-sama o, hataholi fo ala da'di O nuum so.

MAZMUR 147:20

Ana ta tao leondiak neu leoina fe'ek-kala fa, de ala ta lalelak hoholo-lalanen fa. Koa-kio Manetualain leona!

MAZMUR 33:12

Maua-manalek ba'eneu leoina fo, ana manaku Manetualain da'di leo ndia Manetualain-na, maua-manalek ba'eneu hataholi fo Ana helen da'di Ndia nuun!

MAZMUR 50:7

“Mamanene leon anang-ngala lemin, te Au nau kokolak, Israel, Au nau tui-benga soaneu emi; Au ia Manetualain, fo emi Manetualaim-ma.

MAZMUR 78:1

Asaf nakamee nanolin-na. Hai au leoina-la lemin, mamanene au nanoling-nga, ma taoafik neu au dede'a-kokolang.

KELUARAN 19:6

hehelik soaneu Au mesang-nga, ma neukose emi malalau-maoono Au da'di leo imam-imam.”

KELUARAN 33:13

Metema leondiak soona, ela leo been-na mafa'da O dale tutu'um-ma beek, Manetualain, fo ela au hapu alalau-aoono O, ma au andaa o O dalem-ma tataasesa. Boeo mafandendelek mae O hele basa leoina ia da'di O nuum so.”

AMSAL 6:23

Emi ina-amam-mala paletan-nala nono'kabai banuk fo mangale'dok-ka; sila kekena-kaka'in-nala latu'du fe emi so'dak-ka heheo-hihilun fo malole.

YESAYA 1:27

Manetualain ndoos ma matetuk, boema Ana soi-tefa-na Yerusalem, ma hataholin fo manasale dalek-kala.

YESAYA 2:3

basa-basas lafa'da lae, “Mai fo, ata kae leo Manetualain Pupukun lain teu, leo Israel Manetualain Uman-na teu. Neukose nanoli ita hata fo ita muse taon. Neukose ita tunga enon-na, nana Manetualain nanolin-na, ana mai neme Yerusalem mai, Ana kokolak neme Sion mai.”

YESAYA 26:2

Soiheni lelesuina-la leona, fo ela leoina manalilinekak-kala masok, leoina fo, tao tunga ndia Manetualain-na hihii-nanaun.

YESAYA 26:8

Ami tunga O nakeketum-ma, ou Manetualain, ma ami mahani mahele O; O nde kokoa-kikiok, ma ami hii matongo mo o, tataas esa.

YESAYA 33:22

Nana Manetualain nde been-na, ita Manakee-manafulan, Manetualain nde been-na, manafe ita hoholo-lalanek-ka; Manetualain nde been-na, ita Manen, Neukose Ana soi-tefa-na ita. Emi talim-mala, lakama'a so, de ta hapu pa'a nahele dii laa, nai mamanan-na fa, boema, ta hapu lofa laa neu fa. Nai lelek ndia, neukose hataholi baba'e bua-lo'a nanaloso-nak makadotok, ma hataholi lu'ueik-kala, neukose ala kalo bua-lo'a kakalok.

YESAYA 42:21

Manetualain nau soi-tefa; Ana hii fe ha'da-holomata, ma mamatutua-mamadedema hoholo-lalanen.

YESAYA 42:6

“Au, Manetualain, fo naloo ma fe o bela-ba'uk soaneu makalala'ok ndoos ma matetuk-ka. Au hela-nole, ma Au akaboboi o, fo o da'di hehelu-balataak, ba'eneu hataholi daebafak-ka, ma mangale'dok ba'eneu basa leoinak-kala.

YESAYA 49:6

Manetualain nafa'da au nae, “Hai Au atang-ngo nei, bela-ba'u mabelaina, nahani o; neukose, ta ka'da o moo falik Yakob tititi-nonosin fo, bei elak-kala fa, ma ta mabebeu leo-leo Israel-la, matua-mademan, tehu Au tao o da'di mangale'dok, ba'eneu leoinak-kala, fo ela, basa daebafak-ka lala'en-na, nanasoi-tefak.”

YESAYA 55:3

Mamanene leon, hai leoinak-kala lemin, mai leo Au mai, te neukose Au fe emi so'da matetuk-ka. No susue-lalaik ma lilinekak, fo Au helun neu Dauk-ka, Au pa'a hehelu-balataak, fo manaketu basa taak-ka no emi.

YESAYA 63:8

Manetualain nafa'da nae, “Te'e-te'e, sila nde been-na, Au anang, anak fo, ala ta tao-la Au daleng-nga ba'ihana fa.” Boema, Ana da'di sila Manasoi-manatefan,

MIKHA 4:2

Neukose basa-basas lafa'da lae, “Mai fo ata kae leo Manetualain pupukun lain teu leo Israel Manetualain Uman-na teu! Neukose nanoli ita hata fo ita muse taon. Neukose ita tunga eno-dalan nana Manetualain nanolin-na neme Yerusalem mai; ana kokolak no anan-nala neme Sion mai.”

LUKAS 2:32

sama leo mangale'dok fo nangale'do na eno ka ba'eneu leoina fe'e kala, soaneu ala mai leu O; fo nde mangale'dok manini ha'da-holomata ba'eneu O hataholi kamahehele mala fo Israel.”

1 KORINTUS 9:21

La'eneu hataholi ta Yahudi a, au tao sama leo hataholi ta Yahudi, fo au aso'da nai Musa hoholo-lalane na deak. Au tao ndia fo ela au bisa helas da'di Kristus ana manatungan. Tehu ndia ta nanuu sosoak nae au ta tunga Manetualain paleta na fa; lena-lenak Kristus paleta nala nde koasa na au.

ULANGAN 18:18

Neukose, Au fes nabi esa sama leo o, neme sila leoinan mai. Neukose, Au afa'dan hata fo, muse ana nafa'dan, boema neukose, ana nanduku-nalosak-kana neu leoina ndia, basa hata lala'en fo, Au paleta neun-na.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.