YESAYA 51:13 - Susula Malalaok Hehelu Palak Ma Hehelu Beuk

¹³ Masa bole, o mafandele heni Manetualain, fo manamakadada'dik o, fo mananakapepela lalai ma manape'da daebafak-ka buin-na? Tao le'e de, o dele faik-katemak esa dalen-na, neu hataholi manatuni-ndenik-ka, nasa manalua ponu-ponun-na, fo naheheleaon soaneu tao namate-namopo-ka? Te'e-te'e, sila nasa manalua ponu-ponun-na, neukose ta la'e o fa.

YESAYA 51:13 ပူးပေါင်းရင်းမြစ်များ

ESTER 5:14

Lamanene dede'ak ndia boema, saoinan-na ma nonoon-nala lafa'dan lae leo ia, “Ka'da madenu ala tao-la dii lolonak esa, deman-na metel duahulu dua. Boema balahaa fafaik soona, moke manek-ka, fo ana po'i o lona Mordekhai neu dii ndia. No enok ndia, o hapu muu leo feta ndia, no o dalem-ma tesa-tama.” Tunga Haman hahapun-na soona, nonokek ndia malole nanseli, hu ndia de, no lai-laik nadenu hataholi-la, fo ala tao dii lolonak ndia.

ESTER 7:10

Haman nanalonak neu dii fo napadedeik basan soaneu Mordekhai-a, leondiak. Basa ndia boema, besak-ka manek-ka nasa-melun tenak.

AYUB 37:18

O bisa sama leo Manetualain, fo makapepela lalai maloa, de Ana tao natean sama leo liti nanapolik-ka do titinok-ka?

AYUB 9:8

Ana nakapepela lalai, ta no tutulu-fafalik neme su'di see mai boen; Ana heheta-aa'i buta tasi-a muliha'in-na.

MAZMUR 104:2

ma O malu'e mangale'dok-ka. O bela lalai-a, sama leo lalaa temak-ka,

MAZMUR 106:13

Tehu no lai-laik, ala lafandele heni Manetualain tatao-nono'in, de ala tao no, ta loke nanoli-nafa'dan fa.

MAZMUR 76:10

Lelek O fo'a mapadeik fo O sanga maketu-mala'di, fo soi-tefa-mala hataholi nanatuni-ndenik manai daebafak-ka.

YESAYA 10:24

Manetualain Fo Manakoasa, nafa'da anan manaleo nai Sion-na nae, “Boso bii-mamata'u neu hataholi Asyur-ra, leomae ala tuni-ndeni ma fepa-li'u emi, sama leo makahulun-na hataholi Masir-ra tataon-na.

YESAYA 14:4

Metema Manetualain tao dede'ak ndia soona, neukose ala hakinonoli manek Babel-la lae leo ia, “Manek fo ha'da hataholi tak-ka, ana tu'da so! Ana ta hapu tuni-ndeni so'on.

YESAYA 16:4

Fe ami loak leo lalai nai o nusam-ma. Masulu-mahapa ami, neme hataholi fo, ana nau tao namate-namopo ami.” (Tuni-ndenik-ka, ma mamate-momopok-ka, neukose nate'e, ma hataholi-hataholi fo manatao lakalulutuk ma manatuni-ndeni nusa Israel-la, neukose mopok-kasa.

YESAYA 17:10

Israel, o mafandele heni Manetualain fo manasoi-tefa, ma manamasulu-mahapa o, sama leo lete batu matea-mahelek-ka so. Nasafalin-na, o sele o osi angol-mala soaneu lamatua daebafak-kala.

YESAYA 40:21

Masa bole, o ta bubuluk, ma ta mamanene, ma o ta hapu halak neme makahulun-na mai fa? Masa bole, o ta bubuluk neme makasososan mai, daebafak-ka dada'din makasososan-na leo beek fa?

YESAYA 40:22

Fo mana makadada'dik-kana, nangatuuk nai daebafa bobongok lain, mete laun-na soona, anak-ka sama leo lamak-ka Ana nakapepela lalai-a, sama leo temak-ka, ma Ana taon, sama leo lalaa temak-ka, fo hataholi hapu leo nai dalek.

YESAYA 42:5

Amak Manetualain nakadada'dik, ma nakapepela lalai-a; Ana nakadada'dik daebafak-ka, ma basa manamolik manai lain lala'en-na. Ana fe hataholi daebafak-ka, ani hahae maso'dak ma samanek. Ana nanduku-nalosak hala heheluk ia, neu atan-na.

YESAYA 43:1

Israel, Manetualain nafa'da nae leo ia, “Au nde akadada'dik, ma Au tao-ala o manuu lupak, boso bii, te tao leo bee-o, Au soi-tefa ala o! Au aloo basa o, nenik o na'dem-ma so, o nde been-na, Au nuung.

YESAYA 44:24

Manetualain fo o manasoi-manatefam, ma Ana taon-na manu lupak, nai lelek o inam nailu o-a, “Au nde Manetualain fo manamakadada'dik basa hata lala'en-na, fo Au mesang-nga nde akapepela lalai-a, ma Au akadada'dik daebafak-ka, ta no tutulu-fafalik neme su'di see mai boen.

YESAYA 45:12

Au nde Manetualain fo manamakadada'dik daebafak-ka, ma manamakadada'dik hataholi daebafak-ka, fo ana leo nai dalek. Au akapepela lalai-a, nenik Au koasang-nga, ma fe paleta neu le'do, bulak, ma nduuk-kala.

YESAYA 45:18

Manetualain nde nakadada'dik lalai-a, Ndia nde Manetualain-na! Ndia nde manamakadada'dik ma manafe daebafak-ka lupak, Ana taon-nan, natea-nahele, ma napadeik nahele. Ana ta taon-nan da'di mamana nee-nee lino-linok fa, tehu soaneu mamana leleok. Ndia nde nafa'da nae, “Au nde Manetualain, de ta hapu fe'ek fa.

YESAYA 48:13

Au limang-nga nde pe'da daebafak-ka buin-na ma nakapepela lalai-a. Metema, Au aloo na'den-na soona, ala mai no lai-laik.

YESAYA 49:26

Neukose, Au tao-a o musum-ma, mafuk daak, nalosa esa dodo-na esa. Soona basa hataholi daebafak lala'en-na, bubuluk lae Au, Manetualain, o Manasoi-manatefam; Fo Mabe'i-balakai lea, Yakob Manetualain-na, o Manasoi-manatefam.”

YESAYA 54:14

O nananafofo'ak nenik netes ndoos ma matetuk, o dook-ka neme bibii-namata'u matuaina, ma tuni-ndenik-ka mai.

YESAYA 57:11

Manetualain nafa'da nae, “See lamatua daebafak sila-la, de ala tao-la emi bii-mamata'u, nalosa emi masapepeko-masandandali, ma ta mafandele Au fa? Ade, emi ta sene-do'ok neu Au so'on, nanahu Au denge-denge dook-ka nanseli do?

YESAYA 7:4

Mafa'da manek-ka, mae ana muse naheheleaon, tehu dalem-ma boso ba'ihana. Ana ta bole bii-namata'u do napangamak fa. Manek Pekah ma Manek Rezin-na loo solda'dun-nala, fo hataholi Siria sila-la, nasa-melun-nala ta lenak neme ha'ilute makamamasuk dua mai fa.

YESAYA 9:4

Solda'du-la ta'buein-nala ndu'u-ndu'u ma badun fo ladiu daak-ka, neukose ha'i na'a henis.

YEREMIA 2:32

Ade hapu anafe'oanak-ka nafandele heni lilo-henun, do manaka'bing inak-ka nafandele heni ba'du ka'bin-na do? Tehu emi mafandele heni Au, doon-na seli so – neme lelek fo, ta hapu leke-nala fan.

YEREMIA 38:19

Boema manek-ka nataa nae, “Au bii neu hataholi-la fo ita leoina fo manamalaik de look hataholi Babel-lala. Boso nalosak neukose ala fe au lo sila neu fo lakatoto'a-lakatataak au.”

YEREMIA 51:15

Manetualain nakadada'dik daebafak-ka tunga hihi-nanaun-na, neme basa daebafak-ka bu'un-nala mai, ma ana betubala lalai-a tunga ndia dudu'a-aafin-na.

YEREMIA 51:19

Yakob Aman Manetualain ta sama leo dodoki-dudulak sila-la; Ndia makadada'dik basa hata-hata nai daebafak. Na'den-na nde been-na Manetualain Fo Manakoasa; Ana hele Israel da'di anan-na.

DANIAL 3:15

Na, besak ia, metema musik-kala lalii soona, emi nau sene-do'ok neu dodoki-dudulak ndia do ta? Metema emi ta nau fa soona, neukose tapa emi leo ha'i manafolokakaak dale meu tu'tik. Fo lamatua daebafak bee kande, neukose napalani soi-tefa-nala emi neme au koasang-nga mai?”

DANIAL 3:18

Tehu leomae Ana ta tao fan boe, ela leo been-na Ama Manek bubuluk te neukose ami ta sene-do'ok neu Ama Manek lamatua daebafan-na, ma sene-do'ok neu Ama Manek dodoki-dudula lilopilan ndia fa.”

DANIAL 3:19

Boema, Mane Nebukadnezar-ra nasan-na lua ponu-ponu soaneu Sadrakh, Mesakh ma Abednego, nalosa mata-panan pila lo'a-lo'a. Ana paleta fo ala tao-la ha'i manafolokakaak ndia mahaan-na, nahaa la'i hitu lena neme mahaa biasan-na mai.

HATAHOLI 12:23

No hatematak ndia boe, Lamatua ka ata nusa so'da na fapa Herodes, nana ana ta fe ha'da-holomata neu Manetualain fa. Boema kalati kala la'a Herodes de maten.

1 KORINTUS 1:20

Naa, sosoak hata hataholi malelak manatee tenok sila la? Sosoak hata hataholi malelaina la? Sosoak hata, hataholi dodole maneu manai daebafak ia la? Manetualain natu'du basa nae, manatee teno daebafak ia, nde bee na manakokola bafa lou kala!

1 KORINTUS 15:55

“Hai mamates, o sesengi ma nai bee? Hai mamates, o made'de ma nai bee?”

ULANGAN 32:18

Ala lafandeleheni sila Manasoi-tefan fo, palani tatibatu, lafandeleheni sila Manetualain fo, manafe maso'dak-ka.

ULANGAN 6:12

manea matalolole, fo daenga emi boso mafandele heni Manetualain fo, manasoi-po'i basa emi neme Masir mai, fo mamanak manatao emi da'di ata.

ULANGAN 8:11

“Manea matalolole, fo boso nalosak emi mafandele heni, emi Manetualaim-ma; ho'u la'iesak hoholo-lalanen fo au fen neu emi, nai faik ia dalen-na.

IBRANI 11:15

Ala dudu'a-dodoo ka, ta nde nusak fo ala la'oelak ndia fa. Nana metema leondiak soona, ala hapu fai loak ba'u ka soaneu ala fali leo nusak ndia leu.

NINITAK 19:20

Boema ala ho'u la bana ndia no nabi pepekok fo manatao mada'di beuk manai bana ndia mata na. (No manda'di beuk sila la, de bana ndia ke'dindiu na hataholi manamanuu bana ndia ta'du tana na, ma hataholi fo manasene-do'ok neu bana ndia lupa ao nana doki-dula na.) Boema ala tapa bana ndia ma nabi pepekok sila la no maso'dak leo tasi ha'ik fo manapila lo'a-lo'a ka dalek neu.

NINITAK 20:9

Boema ala tapasasala leo basa daebafa ka lala'ena leu de ala leu sapu la Manetualain hataholi nala mamana leleo nala ma kota fo Manetualain sue-lai ka. Tehu ha'i kona neme lalai mai de ana hotunisas.