YESAYA 51:11 - Susula Malalaok Hehelu Palak Ma Hehelu Beuk

¹¹ Boema hataholi fo, Manetualain soi-po'ik-kala, neukose ala fali, ala masok Yerusalem, no ala eeki kao-kao, mata-panan-nala, lapena, nanahu lamahoko manaketu-basa taak-ka. Ala lamahoko-setelee, nanahu toto'a-tataak ma hoo-nggu'uk-ka, mopok-kana so.

YESAYA 51:11 ပူးပေါင်းရင်းမြစ်များ

MAZMUR 126:2

Ita hika takandoo, ma takamee no namahoko-seteleek, nalosa leoina fe'ek-kala lafa'da lae, “Manetualain tao basa, dede'a matuaina-la, ba'eneus so!”

MAZMUR 126:5

Ela leo bee-na, hataholi manasele-nggali no kikiik-ka, ana ketu-kolu no eeki-natadalek.

YESAYA 11:15

Neukose Manetualain tao nama'da Namo Suez-sa. Ana fe ani mato'bik-ka mai, nalosa Lee Efrat-ta ana da'di oe ba'e kaba'ok hitu, de hataholi manapake ta'bueis-sala, bisa lena tunga dalek.

YESAYA 25:8

Manetualain Fo Manakoasa, neukose tao namate-namopo mamates-sa, losa dodoon-na! Neukose Ana loseheni luuoe-a neme basa mata-panak lala'en-na mai, ma nadook nakamumulu-nakamamaek fo, anan manai daebafak-ka lala'en-na, lu'a-lepak-ka. Manetualain kokolak basa so, de tao leo bee-o, dede'ak ndia ana da'di.

YESAYA 35:10

Hataholi fo, Manetualain soi-po'ik-kala, neukose ala fali; ala masok kota Yerusalem-ma, nenik eeki-natadalek, mata-panan-nala lapena, nanahu namahoko-setelee manaketu-basa taak-ka. Neukose lamahoko-setelee, ma hika-latadale; toto'a-tataak ma hoo-nggu'uk, mopok-kana so.

YESAYA 44:23

Hai lalai, mamahoko-setelee leona, hai dabafak-ka buin-na, mamahoko-setelee leona! Hai letek-kala lemin, mamahoko-setelee leona! Ma basa ai manai dalek-kala! Nana Manetualain natu'du basa matua-mademan nenik Ana soi-tefa-na anan Israel so.

YESAYA 48:20

La'o leona, fo malai meme Babel mai, tui-benga halak ia, leo basa mamanak lala'en-na neu. Tui-benga no namahoko-seteleek mae: “Manetualain soi-tefa basa Israel, fo atan-na so!

YESAYA 49:13

Hai lalai, makamee leona, hao daebafak, mamahoko-setelee leona, hai letek-kala, eki no mamahoko-seteleek leona! Nana Manetualain mai kokoe-nanasi anan-nala, Ana sue-lai anan fo nanatuni-ndenik-ka.

YESAYA 55:12

Neukose emi la'oela Babel no namahokok, ma nana-no falik no so'da-molek. Letek-kala, ma pupukuk-kala, neukose lamahoko-setelee, ma hika-latadale, ai manai tina-la, totoko liman-nala.

YESAYA 61:7

Nanahu, emi hapu basa mamaek, diku la'i dua so, ma na'de manggenggeok-ka, boema nananakadadaek-ka, ana da'di emi baba'em so, hu ndia de, emi hapu pusaka didikuk la'i dua, nai emi nusam-ma ma emi manuu namahoko manaketu basa taak-ka.

YESAYA 65:14

Te'e-te'e, neukose ala eeki-latadale, tehu emi kii noi-noi.

YESAYA 65:19

Neukose Au mesang-nga amahoko-setelee, nanahu Yerusalem, ma Au amahoko, nanahu laun-na. Ta hapu seluk kikiik nai kota ndia so'on, ma ta hapu mananggasik, fo noke tutulu-fafalik fa.

YEREMIA 31:13

Neu faik ndia te anafe'o anak-kala neukose ala lolonge-dadape no dale namahokok. Hataholi lasik-kala ma hataholi mulik-kala neukose laua-lanale beno'u, nana neukose Au tao amahokos. Sila dale he'din-nala Au tao asafalin da'di namahokok, ma pinu i'duk-ka Au tao asafalin da'di maua-manalek.

YEREMIA 33:11

Tehu nai mamanak ndia hapu lamanene halak namahokok-kala ma setelek-kala ma halak feta ka'bing-ngala seluk. Hapu lamanene hataholi-la leni nakamek tutunu-hohotu makasi lo Au umang-nga neu boe. Neukose lafa'da lae, ‘Toke makasi neu Manetualain Fo Manakoasa, nanahu Ndia malole-a, ma susue-lalain manaketu basa tak, ma matetuk.’ Neukose nusak ia Au taon da'di manahapu-manadaik sama leo makasososan-na. Au, Manetualain, nde manakokolak-ka.”

2 TESALONIKA 2:16

Ela leo bee na, ita Lamatuan Yesus Kristus ma ita Aman Manetualain, fe emi kokoe-nanasik, ma natetea-nahehele emi dale ma, fo ela emi hapu tao-no'i ma tui-benga hata fo malole. Hu ka nde Manetualain sue-lai ita, ma hu ka nde dale malole na de, Ana tao na ita tatea-tahele, boema ita tamahena ka'da hata fo malole.

YUDAS 1:24

Manetualain, nanea nabe'i emi, fo daenga emi boso tu'da, ma no nabe'i emi leo ndela-sa'an dalek no namahokok ma malalaok.

NINITAK 21:1

Boema au ita lalai beuk ma daebafa beu ka. Lalai makasososa ka ma daebafa makasososa ka mopos ma tasi mopo kana.

NINITAK 21:4

Neukose Ana lose nama'da luoe neme mata nala mai. Neukose ta hapu mamates so'on. Dale he'dik, kii-makaleleuk, do he'di-laus boeo neukose ta hapu so'on. Dede'a palaa kala mopos so.”

NINITAK 22:3

Nai kota ia dalek, ta hapu hataholi esa boen fo Manetualain supa-soo fan. Manetualain ma Bi'ilopo Ana ndia kandela mane na, nai kota ndia dalek fo ata nala hule-haladoi neun,

NINITAK 7:17

Nana Bi'ilopo Ana fo nangatuuk nai kandela manek ndia tala'da heo na, neukose Ana da'di sila manafoo na. Neukose Ana hela-noles leo oe mata manafe maso'da ka leu. Ma neukose Manetualain hali nama'da hataholi sila luu oe nala leme mata nala mai.”