YESAYA 51:10 - Susula Malalaok Hehelu Palak Ma Hehelu Beuk

¹⁰ O nde tao mama'da tasi-a, tasi maloaina, oe mademainan-na. O tao enok, tunga tasi ndia, fo ela hataholi nanasoi-po'ik-kala, hapu lena leo selik leu.

YESAYA 51:10 ပူးပေါင်းရင်းမြစ်များ

MAZMUR 106:10

No enok ndia, Ana soi-tefa-nalas, leme musu nook-ka liman mai ma Ana soi-po'is, leme musu koasan-na mai.

MAZMUR 106:9

No paletan-na, de Tasi Gelagah ma'dan, de Ana noo anan-nala tunga tasi dale, sama leo, ala la'ok nai moo solokaek-ka.

MAZMUR 74:13

O fa'a ba'e tasi-a, nenik O be'i-balakaim matuainam-ma, ma O tao maba'e buta tasi langan-nala.

MAZMUR 77:19

Mangguluk-ka nanggunggulu, ndelas-sa pila beelo'a, daebafak-ka nanggengo ma ana dele.

KELUARAN 14:29

Tehu lelek hataholi Israel-la lena tasi-a, ala la'ok nai dae ma'dak lain, ma oe-a nalupa leo papala nanadamak, nai kii ma nai kona.

KELUARAN 15:13

O hela-nole leoina fo O soi-tefa-malak ia-la, nanahu O liineka neu O hala hehelum-ma. O masulu-mahapas, no be'i-balakai manituk, ma O hela-noles leo O dae-oem fo malalao-malalafuk-ka.

YESAYA 11:15

Neukose Manetualain tao nama'da Namo Suez-sa. Ana fe ani mato'bik-ka mai, nalosa Lee Efrat-ta ana da'di oe ba'e kaba'ok hitu, de hataholi manapake ta'bueis-sala, bisa lena tunga dalek.

YESAYA 11:16

Ba'eneu anan fo bei elak-kala, neukose hapu okofoo soaneu ala kalua leme Asyur mai, sama leo nai lelek Israel kalua neme Masir mai.

YESAYA 35:10

Hataholi fo, Manetualain soi-po'ik-kala, neukose ala fali; ala masok kota Yerusalem-ma, nenik eeki-natadalek, mata-panan-nala lapena, nanahu namahoko-setelee manaketu-basa taak-ka. Neukose lamahoko-setelee, ma hika-latadale; toto'a-tataak ma hoo-nggu'uk, mopok-kana so.

YESAYA 35:8

Neukose, hapu okofoo nai naa, na'de, “enok manaleo so'da-molek-ka neu.” Neukose hataholi masala-masingok-ka, ta tunga enok ndia fa, hataholi nggoak-ka, neukose ana ta taon-na hataholi manatunga enok ndia, sala enok ndia fa.

YESAYA 35:9

Neukose ta hapu singa nai mamanak ndia fa, do bana makaa fe'ek fa. Hataholi fo, Manetualain soi-tefak-kala, neukose ana la'ok nai naa.

YESAYA 42:15

Neukose Au tao-a letek ma pupukuk-kala, na'u ta moli fas, Au tao-a basa bubu'u-palusan ala male. Au tao asafali lee-a bafan-nala da'di moo solokaek, Au tao-a basa dano-la, ma'das.

YESAYA 43:16

Manetualain tao basa enok esa, tunga tasi-a so, tunga oe manalua ponu-ponuk-ka.

YESAYA 50:2

Tao le'e de, neme Au anang-ngala mai, hataholi esa boen, ta hapu nataa, nai lelek, Au mai aloos? Ade, ka'da ala bedenge, nanahu laedaenga. Au ta soi-po'i, ma soi-tefa abe'i fas do? Te'e-te'e, no Au paletang-nga, de tasi ma'dan, Au tao lee-la, da'di moo solokaek, nalosa i'ak-kala mates, de laboo mami.

YESAYA 62:12

Neukose, sila nanafoik na'de: ‘Hataholi malalao-malalafuk’; Hataholi fo, ‘Manetualain soi-tefa-nalas’. Neukose, loke Yerusalem lae, ‘Kota fo Manetualain dalen-na, tu'da neun’, ‘Kota fo Manetualain ta la'oelan so'on’.”

YESAYA 63:9

Ndia mesak-kana, nde lu'a-lepa sila toto'a-tataan-na. Manetualain ta haitua hataholi nadedenuk, do lima boboa konan-na fa; Ndia mesak-kana, nde soi-po'is-sala, nanahu susue-lalain, ma dalek-kasian-na. Ana nakabobois tataas esa, neme makahulun eli mai.

MIKHA 7:15

Tao manada'di beuk soaneu ami leon, ou Manetualain, sama leo makahulun-na O taon, nai lelek O moo falik ami neme Masir mai.

ZAKHARIA 10:11

Metema, ala lena tasi to'a-taak-ka soona, Au, Manetualain neukose fepa lii-la; soona ma'da Lee Nil-la buin-na. Leoina Asyur, fo manakoao-ndaeaok ndia, neukose nananakadadaek, ma Masir, fo palani ta'tibatu ndia, neukose namopo koasan-na.