YESAYA 50:8 - Susula Malalaok Hehelu Palak Ma Hehelu Beuk

⁸ Nana Manetualain deka, Ana nafa'da nae, au salang ta. See nau nale'a no au? Mai fo, ata tutulumatak sama-sama. See kande la'ban au? Madenun fo, ana mai deka no au.

YESAYA 50:8 ပူးပေါင်းရင်းမြစ်များ

AYUB 13:19

Manetualain, metema O mai fo kalak au soona, neukose au denge-denge ma au ahani ka'da au fai mamateng-nga.

MAZMUR 119:151

Tehu O deka, ou Manetualain, O paletam lala'ena, la'en.

KELUARAN 22:9

Nai nale'a-napilik la'eneu pusaka dalek, nau la'eneu sapi, keledei, bi'ilopo, bua papakek do su'di beek fo mopon, boema hapu falik-kana soona, hataholi fo ana manaku, nae ndia nuun-na, muse noon leo mamanak makaluku-makatele neu. Hataholi fo Manetualain nafa'dan da'di leo hataholi masalak-ka, muse ana bae didikuk la'i dua leo manonuuk-ka neu.

YESAYA 1:18

Manetualain nafa'da nae, “Mai fo ata taketu-tala'di dede'ak ia. Leomae emi sala-singom pilas sama leo kaisuma, te neukose Au safe-a emi da'di fulak sama leo abas-sa. Leomae emi sala-singom makadotok ma belak-ka, te neukose Au fe do'o do ampon neu emi.

YESAYA 41:1

Manetualain nae, “Bedenge leon fo mamanene Au, hai laun manai nusa dook-kala lemin. Maheheleaom, fo meu leo manakee-manafula meu tutulumatak fo, kalaak emi dede'am-ma. Mai fo, ata takabubua tala halak esa, soaneu taketu-tala'di, see ndoos ma see sala.

YESAYA 41:21

Manetualain, fo Israel manen-na, nafa'da lamatua daebafak-kala nae, “Kalaak emi dede'am-ma, ma mafa'da emi buti-butim-mala!

YESAYA 43:26

Fe Au nasanene'dak, fo mai fo ata teu leo manakee-manafula teu, fo kalaak o dede'am-ma, fo ela nananitak, nae o ndoos.

YESAYA 45:25

Tehu, Yakob tititi-nonosin, neukose nanasoi-tefak, ma neukose ala koa-kio Au, fo Manetualain.

YESAYA 54:17

Tehu basa tafa-sisilo fo, nanatutuk soaneu la'ban Au-a, neukose buna-boan ta. Ma basa kalaak manai uma manakee-manafula dalek-ka, neukose o fe sala butin-na. Neukose, Au fe sesengik neu Au atang-ngala, da'di leo bua palsen.” Manetualain nafa'da nae leondia.

MATEOS 5:25

Leo uni ka, hapu hataholi kalaak emi leo mana kee-fula manai lai na neu, soona mole-dame mon beidai ana beita losa mana kee-fula manai lai na fa. Metema ta soona, neukose hataholi ndia, ana kalaak emi leo mana kee-mana fula neu, fo basa soona no emi leo polisi la neu. Fo daenga polisi la tao emi leo bui dale neu.

ULANGAN 19:17

duas muse leu leo mamana nakaluku-nakatelek fo Manetualain naketuk-ka leu, fo ela basa imam-mala ma manakee-manafula manai sila-la, naketu dede'ak ndia.

1 TIMOTIUS 3:16

Ta hapu hataholi esa boen, hapu nalelesi nae, basa nanolik fo Manetualain natu'du kala nde bee na, tete'e ka: Natu'du ao ina na, sama leo hataholi daebafa ka. Manetualain Dula Dale na nafa'da nae, ndoos, boema basa ata nusa so'da kala litan. Tutui na, nanatui-bengak nai basa nggileo-bobongi kala tala'da, boema basa daebafa ka lamahelen, ma nanaso'uk leo nusa so'da ka neu.

NINITAK 12:10

Boema au amanene hala ka nahala napane'e nai nusa so'da ka nae, “Besak ia fai na losa, Manetualain soi-tefa hataholi kamahehele nala! Besak ia Manetualain natu'du koasa na da'dileo Manek! Besak ia Mane Mana Fe so'dak fo nanaheluk ndia boeo natu'du koasa na! Nana manakalaak ita tolanoo nala lele'do le'odaen nai Manetualain mata na, nanakalua-henik neme nusa so'da ka mai so.