YESAYA 5:26 - Susula Malalaok Hehelu Palak Ma Hehelu Beuk

²⁶ Neukose Manetualain naloo leoina manai dook-kala, fo neukose ala mai no lai-laik!

YESAYA 5:26 ပူးပေါင်းရင်းမြစ်များ

MAZMUR 60:4

O taom-ma daebafak-ka nanggengo, nalosa natandala; tao mahii matandalak-kala, nana daebafak-ka nanggengo.

MAZMUR 72:8

Neukose nusan-na, namaloa neme tasi leo tasi neu, natabaa neme dulu losa muli.

YESAYA 10:3

Neukose emi tao beek nai faik fo, Manetualain huku emi? Ade emi sanga enok tao leo beek, nai lelek fo Ana fe soe-a mai neme nusa dook mai? Neukose emi moke tutulu-fafalik neu see? Neukose emi mafuni emi su'i-betem sila-la nai bee?

YESAYA 11:12

Neukose Manetualain nasa'e dedeo esa, soaneu leoina-la. Ta'du-tanan nde ndia, foo nae Ana tao nakabubua falik leoina Israel ma Yehuda, fo manatapasasalak lai daebafak-ka bu'un lala'en-na, fo no falik-kasa.

YESAYA 13:2

Masa'e dedeo natee-natatik-kala neu pupuku na'u tak-kala poin-na! Maloo bou-bou neu basa solda'du-la, ma so'uk emi limam-mala, fo ela ala sapu-la kota manakoao-ndaeaok ndia lelesuinan-nala.

YESAYA 13:3

Manetualain naloo basa Ana hele palani ta'ti batu la so. Hataholi sila aon-nala makadelek, palani, ma Ana bisa namaheles. Manetualain fes bela-ba'uk fo ala huku hataholi fo nasa-melun la'es.

YESAYA 13:4

Mamanene halak-kala lakalupu lai letelepak-ka, sama leo hataholi makadotok nanseli, halan-nala. Mamanene nusak-kala ma leoina fo bei lakabubua, hala nakalupun-nala. Manetualain Fo Manakoasa, palisak solda'du matee-mata'tik-kala.

YESAYA 13:5

Ala mai leme nusa dook fo manai daebafak-ka bu'u-bu'un-nala mai. Manetualain pakes nai nasa-melun-na dalek, fo ala tao lamopo-lamate daebafak-ka lala'en-na.

YESAYA 18:3

Hai, emi fo manaleo daebafak-ka lemin! Taoafik leona, metema dedeo-la nananasa'ek lai letek-kala poin-na! Mamanene leona, metema pupuk-kala nanapuuk!

YESAYA 30:16

Nakalenak emi sanga enok fo malai meme musu-a, nenik emi sa'e ndala, fo malai no lai-laik. Malole so! Memak, mahani te, emi muse malai! Emi maedaenga, emi ndalam ndia, nalain-na seli, te se'kona, manausik-kala, nalain-nala lai-laik lena nanseli.

YESAYA 31:9

Sila manen-na, neukose nalai no bibii-namata'uk, ma basa malanga solda'du matuainan-nala, ala nggenge lanseli, nalosa ala la'oela dedeo musu-la.” Manetualain kokolak basa so, Manetualain fo nanasene-do'ok, ma nanafe ha'da-holomata nenik tutunu-hohotu nanatunuk nai Yerusalem.

YESAYA 39:3

Basa boema, Nabi Yesaya, neu leo Hizkia neu, de natane nae, “Hataholi sila-la leme bee mai? Lafa'da lae le'e?” Boema Hizkia nataa nae, “Hataholi sila leme Babel, fo nusa dook mai.”

YESAYA 7:18

Nai tepo-lelek ndia, neukose Manetualain naloo hataholi Masir ma hataholi Asyur-ra, boema leoina ka duak sila-la ala mai, sama leo pena ma fani bubuak-ka, fo lakamomotu-la bafak mademaina-la, ma batupiak-kala lelan-nala. Neukose ala poti-la basa makatema dila-nggauk, ma basa mamana mana'uk-kala.

YEREMIA 4:13

Mitak musu-a, ana to'da mai, sama leo ko'as-sa. Kaleta musun-nala, sama leo ani-sangu matuaina, ndalan-nala nggafan-na lena heni manupui kaka'ka. Wah, ita soe! Ita mopo-mate!

YEREMIA 5:15

Ai hataholi Israel-la lemin, Manetualain nadenu leoina esa, ana mai neme nusa dook mai, fo ana sapu-na emi. Leoina ndia, nai ia, neme makahulun eli mai so, emi ta malelak dede'an-na fa. Hataholi sila, balakain-na seli,

YEREMIA 51:27

“Hei Manek Kii! Tao ta'du tana sapu-nak. Fuu ma lii trompet fo basa leoinak-kala lamanene! Madenu leoinak-kala fo leu sapu-la Babel! Mafa'da nusa Ararat, Mini ma Askenas sapu-las. So'u ma malangan soloda'du esa fo nalanga nate-natatik-ka. Fe ndala-la de'u lamak-kala lakabubua.

RATAPAN 4:19

Manausi ami-la, lalaik lai-lai nanseli lai lena heni manupui kaka'ka. Ala usi ami nai letek-ka ma lapadei-la ami nai moo solokaek-ka.

YESKIAL 38:17

Ade makahulun-na, Au kokolak tunga Au atang-ngala, ma nabi Israel-la, ta la'eneu o nde ndia fa do? Ala lafa'da, lae nai tepo lelek manamaik-ka, neukose Au adenu hataholi esa, neu sapu-na Israel. Au Manetualain Fo Mademaina, nde manakokolak-ka.”

YOEL 2:7

Sama leo palani ta'ti batu, ala tutulumatak, ma ala kae papala nanadamak-ka, sama leo solda'du. Ala la'ok lakadadalak ndoos leo uluk leu, ala ta lepos, do lasafali enon-nala fa.

HABAKUK 1:8

Ndalan-na nggafan-na lena heni meoasu ma makaa-makisun lena heni busafui kamala'ak-ka. Solda'du manasa'e ndalan-nala, ala mai leme nusa dook-kala mai; mamain-nala sama leo manupui balupua la'u manuana.

ZAKHARIA 10:8

Neukose Au aloo Au anang-ngala, Au tao akabubuas da'di esa. Au soi-po'is, ma Au fes lamade'u leo makahulun-na.

MALEAKHI 1:11

Basa leoina manai daebafak-ka lala'en-na, ala fe ha'da-holomata neu Au. Ala tunu boomenik, su'di nai bee-bee boe, fo ala fe ha'da-holomata neu Au na'deng-nga, ma ala tunu-hotu tutunu-hohotuk-ka nandaa, nana basa leoina-la, ala fe ha'da-holomata neu Au!

ULANGAN 28:49

Neukose, Manetualain nadenu leoina esa, ana mai neme daebafak-ka pe'dan-na mai, fo ana la'ban emi, tehu emi ta malelak dede'an-na fa. Neukose, ala la'u leni emi, sama leo manupui kaka'ka, ana la'u neni manuana.