YESAYA 5:24 - Susula Malalaok Hehelu Palak Ma Hehelu Beuk

²⁴ Emi ta sipok Manetualain Fo Manakoasa nanolin-na fa, ma emi makadadaek Israel Manetualain malalao-malalafun-na paletan-na so. Hu ndia de, sama leo ha'deaik-ka ma na'u tuuk-ka putun nai ha'i dale, leondiak boe, emi okam-mala, neukose laboo emi bungam-mala lamatuu, fo anin-na fuu nenis.

YESAYA 5:24 ပူးပေါင်းရင်းမြစ်များ

2RAJA-RAJA 19:22

Ade, o bubuluk, see kande o dodoki-aalin, ma o makamumulu-makamamaek-kana ndia, do ta? Au, Israel Manetualain, Manetualain fo malalao-malalafuk! O heheo-hihilum koao-ndaeaok nanseli soaneu Au.

NEHEMIA 9:26

Tehu O anam-mala lalenalanga-lasa'basoo, ma ala ta tunga O fa, ala ta taoafik neu O hoholo-lalanem ma O nakanenetem-ma fa, ala taolisa nabi-nabi fo manafes nasanene'dak-ka, ma manamadenu fo ala fali ma'is leo O mai, fo sila Manetualain-na. Ou Manetualain, nai lelek lakamumulu-lakamamaek O,

AYUB 18:16

Okan-nala kukulu, ma ndanan-nala lamatuu.

AYUB 8:17

Okan-na fefeo-na batu manai dae dale-la; ana fefeo nahele, de ta nanggengo fa.

MAZMUR 50:17

Nana o ta nau sipok Au hala kekena-kaka'ing-nga fa, ma o tipa Au paletang-ngala.

KELUARAN 15:7

No O matua-mademam fo matuainam-ma O tao mamopo-mamate basa hataholi fo manala'ban O-a. O nasa-melum lua ponu-ponu sama leo ha'i-a, de ana hotu henis sama leo ha'deaik-ka.

KELUARAN 5:12

Boema hataholi Israel-la, ala la'ok okofefeo dae Masir-ra lala'en-na, fo ala sanga ha'deaik.

YESAYA 1:31

Sama leo ha'ikaa anak esa, ana hotuheni ha'deaik-ka, leondiak boe, hataholi mana koasa-la, neukose sila tatao-nono'i mangalaun-nala, nde tao lamopo-lamates-sala, de ta hapu hata esa boen, bisa tao nate'e nakalulutuk ndia fa.

YESAYA 1:4

Soe ba'eneu emi, leoina fo masala-masingok-kala, hataholi fo dale aafi tak-kala, ma manatao tatao-nono'i mangalauk-kala lemin! Emi kosik de emi tu'da, hu kande emi sala-singom-mala. Emi tipa heni Manetualain so, ma emi masadea Manetualain fo Malalao-malalafuk nanseli, fo emi muse sene-do'ok-ka.

YESAYA 24:6

Hu ndia de, Manetualain supa-soo basa daebafak-ka so, ma Ana huku laun-na, nanahu sila tatao-nono'in. Sila nanatao naputuk, de ka'da sila lumanak laso'da.

YESAYA 26:11

Manetualain, O maheheleaom, fo huku O musum-ma, tehu ala ta bubuluk fa. Nemen-na fo, ala hapu mamaek nai lelek lita O susue-lalaim ba'eneu O anam-mala. Nemen-na fo mate-mopo la'iesak-kasa, hu kande hoholo-lalanek fo O sadian ba'eneus.

YESAYA 30:12

Hu ndia de, Israel Manetualain malalao-malafun-na, nafa'da nae leo ia, “Emi ta sipok Au dede'a-kokolang fa, de emi masalai emi deam-ma neu tuni-ndenik-ka, ma tipu-daik-ka.

YESAYA 30:9

Nana, sila nde been-na, leoina esa, fo ala hii ka'da la'ban Au, ala hii ka'da lasapepeko-lasandandali, ma ala ta nau lamanene Manetualain nanolin-na fa.

YESAYA 47:14

Mitak, sila sama leo ha'deaik fo, ha'i na'an; ala ta hapu soi-tefa-la sila aoinan-nala mesak-kana fa! Ha'i ndia, pilan-na, nahaa nanseli ba'eneu sila ta nde ha'i mato'bik fo dala fa.

YESAYA 7:9

Israel balakain-na, ta lena neme Samaria, fo Efraim nusan-na polon-na, ma Samaria balakain-na, ta lena neme Manek Pekah mai fa. Metema emi ta mamahele te'e-te'e neu Au fa soona, tao leo bee-o, emi ta bisa makatatakak fa.”

YESAYA 8:6

nae, “Leoina ia, ta nau sipok Leeanak Syiloah oen fo mananee-nee lino-lino ndia fa, ma dalen-na nahiik no Mane Rezin ma Mane Pekah.

YESAYA 9:18

Manetualain Fo Manakoasa, namanasa nanseli, ma huhukun-na sama leo ha'i manapila lo'a-lo'ak, de leoina ndia da'di neu mina dae de ha'i nana'a henin. Ta hapu hataholi esa boen sue-lai tolanoon-na fa

YESAYA 9:19

Nai nusak ndia lala'en-na, hataholi-la laseti-lalaka nana'a-nininuk, ma la'a su'di beek fo bisa la'an, tehu ta lakabete fa. Nakalenak, la'a seluk nonoon-nala!

YEREMIA 6:19

Taoafik leon, hai daebafak-konei! Au anang-ngala, ta nau sipok Au nanoling-nga, ma ala ta nau tunga Au fa. Au fe soe-a la'es, fo da'di leo sila dale tutu'un-na, buna-boan.

YEREMIA 8:9

Basa hataholi manatee-tenok, fo manai emi tala'da heom-mala, neukose nananakamamaek. Neukose mopo manatee-tenon-nala, fo lala hihi'ik dale. Ala ta nau sipo Au nanoli-nafa'dang fa; besak ia, sila bei lanuu manatee-tenok beek-ka bai?

YESKIAL 15:6

Hu ndia de, Manetualain Fo Mademaina, nafa'da nae, “Sama leo ho'i angol-la ain-na neme nula dale mai, fo hotuhenin, neukose Au tao laun Yerusalem-mala, leondiak boe!

HOSEA 11:9

Neukose, Au ta huku o nai Au nasa-melung dale fa, Au ta tao akalulutuk o so'on. Nana Au Manetualain, te ta hataholi daebafak fa. Au, Fo Malalao-malalafuk-ka, sama-sama o o, ma Au ta nau amanasa o so'on.”

HOSEA 5:12

Hu ndia de, neukose Au tao akalulutuk leoina Israel-la, ma Au tao amopo-amate hataholi Yehuda-la.

HOSEA 9:16

Neukose Au huku hataholi Israel-la. Neukse ala da'di sama leo bubu'u-palusa boa taak-ka, ma okan-nala lamatuu so. Neukose ta lanuu anak fa; tehu leomae lanuu anak boe, neukose Au taoisa sila ana susue-lalain sila-la.”

YOEL 2:5

Lakaboboku nai letelepak-ka poin-na, ei ndu'un-na, sama leo kaleta musu lulu-tata ma sama leo ha'i na'a na'u-aiana tuuk-ka, de poto-poto. Ala la'ok lakadadalak, sama leo solda'du ao makadelek, fo naheheleaon leo musu dale neu.

AMOS 2:4

Manetualain nafa'da nae, “Hataholi Yehuda-la lasala-lasingo tataas esa so, hu ndia de, tao leo bee-o, neukose Au hukus. Ala la'olena Au paletang-nga la, ma ala ta taoafik neu Au nanoling-ngala fa. Ala la'ok sala nanahu bei-ba'i kai-nala sene-do'ok neu lamatua daebafa fe'ek-kala tatao-nono'in.

AMOS 2:9

Leomae leondiak boe, hai Au anang-ngala lemin, hu ka nde emi, de Au tao amopo-amate hataholi Amori fo mademaina sama leo ai kaiou, ma balakaik sama leo ai terpentin.

NAHUM 1:10

Neukose o nanahotuk sama leo ha'deai tuuk-ka sama leo dila-nggauk fo lafefeoao.

MALEAKHI 4:1

Manetualain Fo Manakoasa, nafa'da nae, “Neukose fain-na losa, basa hataholi manakoao-ndaeaok ma hataholi mangalauk-ka, nanahotuk sama leo ha'deaik-ka. Nai faik ndia, neukose sila nanahotu basak, de ta ela sila esa boen.

MATEOS 3:12

Ana ho'u ooko a nai liman dale, fo ana da'i-eeko gandu ma losa balisi. Nadai gandum neu kala leo sokan dale neu, tehu gandum nala kala soona, ana hotuhenis nai ha'ipila manamate ta ka dalek.”

LUKAS 10:16

Boema Yesus nafa'da ana manatunga nala nae, “Metema see namanene emi soona, namanene Au. See tipa emi soona, ana tipa Au. Boema hataholi manatipa Au a, ana tipa Ndia, fo manamadenu Au a boe.”

LUKAS 3:17

Ana ho'u ooko nai liman dale, soaneu ana da'i-lelee gandu ma losa balisi. Gandu ma neukose nanatao nakabubuak nai soka dale, tehu neukose Ana hotuheni u nala nai ha'i manamate ta ka dalek!”

LUKAS 7:30

Tehu hataholi Farisi la ma mese agama la ta nau sipok Manetualain dale tutu'un soaneu sila aoina nala fa, nalosa ala ta nau Yohanis salani fas.

YOHANIS 12:48

Hataholi manatipa Au, ma ta nau lamanene Au dede'a-kokolang fa, hapu mana maketu-mala'di na so. Dede'a-kokolak fo Au afa'da kala, neukose neu fai mate'e ka te, dede'a-kokolak sila la nde laketu-lala'di sala.

HATAHOLI 13:41

‘Manea matalolole, hei emi fo hataholi mana hii ka'da makamumulu-makamamae kala lemin! Neukose emi dodoo doa kana, fo mateheni mala! Nana nai le'dofai besak ia, Au bei tao hata esa, fo neukose emi ta mamahele fan, leomae hapu hataholi nafa'da mangalele'don neu emi boe.’ ”

ULANGAN 28:24

Neukose, Manetualain ta fe u'da oe fa, te Ana fe u'da afu ma solokaek, losa mate-mopo la'iesak emi.

1 TESALONIKA 4:8

Hataholi see ka nde, ana ta sipok nanolik ia la fa soona, ana ta tipa hataholi daebafak ndia fa te, ana tipa Manetualain fo mana fe emi Dula Dale malalao na, nde ndia.

SEMUEL SUSULAK-KA ESAN-NA 15:23

Nana la'ban Manetualain soona, mangalaun-na sama leo hataholi manasuangik-ka, ma dale manakoao-ndaeaok-ka, mangalaun-na, sama leo sene-do'ok neu lamatua daebafak-ka. Hu ka nde Ama Manek la'ban basa Manetualain paletan-na so, de Manetualain boeo, ta manaku Ama Manek da'di leo manek so'on.”

SEMUEL SUSULAK-KA ESAN-NA 15:26

Tehu Semuel nataa nae, “Au ta nau fali sama-sama o Ama Manek fa. Ama Manek la'ban basa Manetualain paletan-na so, de besak ia, Ana ta nau manaku Ama Manek da'di leo Israel manen-na so'on.”