YESAYA 5:23 - Susula Malalaok Hehelu Palak Ma Hehelu Beuk

²³ Tehu ka'da soaneu hapu doi sosolo dalek-ka, de emi po'i hataholi masalak-ka, ma emi kena-ka'i hataholi sala tak-ka, fo ana boso hapu ndoos ma matetuk-ka.

YESAYA 5:23 ပူးပေါင်းရင်းမြစ်များ

1RAJA-RAJA 21:13

Hataholi manatao tatao-nono'i mangalauk dua langatuuk lasasalematak loo Nabot, de ala kalaa kanan-nai lea matan lae ana soo-supa basa Manetualain ma manek-ka so. Hu ndia de, loon leo kota deak neu, boema ala tapan nenik batu losa maten.

2TAWARIKH 19:7

Emi muse bii-mamata'u neu Manetualain, ma tao hata esa no besa-besa, nana ita Manetualain namanasa hataholi manatao peko-pakik-ka, boso mete matak do sipo hataholi fo ana solo o dalem-ma nenik doik.”

MAZMUR 94:21

Ala lalahalak, fo la'ban hataholi manatao tunga ndoon-na, ma ala hukulisa hataholi fo sala tak-ka.

AMSAL 17:15

Manetualain ta hii hataholi fo nasala'e, hataholi malelesik-ka, ma ana fe salak neu hataholi sala taak-ka.

AMSAL 17:23

Manakee-manafula fo ta tao tunga ndoon-na fa, ana sipo doi sosolo dalek no nafufunik ma ta nakalala'ok ndoos ma matetuk-ka fa.

AMSAL 24:24

Metema nafa'da nae, hataholi sala taak-ka, masalak, soona neukose basa hataholi-la soo-supa, ma dodoki-aali manakee-manafula ndia.

YESAYA 1:23

Basa o mauli-malangam-mala manala'ban paleta, ma ala da'di nakodaa-la lima-ein; ala hii ka'da sipo bua palsen, ma tali-doi sosolo dalek. Ala ta nau lasala'e anamaak-kala nai manakee-manafula matan fa; ala ta nau lamanene faluina-la, hala kalaan-nala fa.

YESAYA 10:1

Soe ba'eneu emi fo, manatao hoholo-lalanek fo ta ndoos ma matetuk fa, soaneu tuni-ndeni Au leoinang-nga.

YESAYA 10:2

No enok ndia, emi kena-ka'i hataholi nuu-taa hata-taak-ka soaneu ana hapu sila haak-ka ma ala hapu ndoos ma matetuk-ka, ma emi loso-ma faluina-anamaak-ka hata-heton-nala.

YESAYA 28:7

Boeo nabi-nabi ma imam-imam fo ala mafuk, nanahu linu ala-lalu ba'uk-ka naseli. Ala la'ok laleu-lilok, ma lakatunu bee poko nanahu dudu'a-aafin-nala sese'do-babalik so. Nabi-la, ta lalelak ninitak fo, Manetualain fen neu sila, sosoa-ndandaan so'on. Imam-mala ta hapu laketu-lala'di dede'a-dede'ak fo, nanakalaak neu sila so'on.

YESAYA 29:21

hataholi fo, ana hii tao nanggenggeo hataholi fe'ek na'den-na, hataholi fo, ana sanga enok soaneu napanggengge, fo ela boso huku hataholi mangalauk-ka, ma hataholi fo, ana tui-benga tutui pepekok, fo ela hataholi manatao ndoos-sa, boso hapu ndoos ma matetuk-ka.

YESAYA 32:7

Boema hataholi manatipu-daik esa, ana dudu'a-dodoo hata fo mangalauk. Ana sanga enok, soaneu tao soe hataholi nuu taa-hata taak-ka, nenik dede'a-kokola pepekok, ma ana kena-ka'is soaneu hapu sila haak-ka.

YESAYA 59:15

Ta hapu hataholi dale ndoos so'on, ma see kande, nadook aoinan-na neme tao-nono'i mangalauk-ka mai soona, ndia nde da'di tatao-nono'i mangalauk-ka, paa nana'an-na.” Manetualain nita basan so, de Ana ta namahoko, nae ta hapu ndoos ma matetuk so'on.

AMOS 5:12

Au bubuluk emi mangalaum-ma ba'un-na seli, ma emi sala-singom ba'un-na seli. Emi tuni-ndeni hataholi malole-a; emi mi'a solok ma emi po'ilotak ala tao hataholi nuu-taa hata-taak-ka ta no ndoos ma matetuk nai manakee-manafula matan.

MIKHA 3:11

Manakoasa kota-la paleta soaneu ala hapu doi sosolok, imam-mala lanoli Manetualain hoholo-lalanen soaneu hapu ngga'di, ma nabi-la loke natutu'duk neme Manetualain mai fo hapu doik – boema sila basa-basas lae daenga Manetualain nok sila. Lafa'da lae, “Manetualain nai ita tala'da heon; neukose susa-soe ta tuni-ndeni la'e ita fa.”

MIKHA 7:3

Basa-basas lalelak lanseli nai tatao-nono'i mangalauk-ka dalek. Manapaleta ma manakee-manafula loke doi sosolok, ma lasi nggolok-kala lakaseti laun-na tunga hihii-nanaun-nala, lalahalak sama-sama leondiak.

MATEOS 23:35

Hu ndia de neukose emi nanahukuk, nana kanisak fo, emi tao-no'in soaneu hataholi sala ta kala, mulai neme kanisak soaneu Habel fo hataholi sala tak ndia, losa kanisak soaneu Berekia anan Zakharia, fo emi taomisan nai Manetualain Uma na no mei tutunu-hohotu ka tala'da.

ULANGAN 16:19

Nai sila nakeketun-na dalek, sila ta bole laketu-lala'di, tunga sila dale hihiin-na fa, do laketu-lala'di no, ala mete matak. Sila boeo, ta bole sipo hata esa nalupa sosolo dalek fa, nanahu sosolo dalek ndia, ana tao napoke hataholi manatee-tenok ma hataholi manatao tunga ndoos ma matetuk-ka, matan-na, nalosa naketu-nala'din-nala ta ndoos ma matetuk fa.

YAKOBIS 5:6

Emi huku ma, emi taomisa hataholi sala ta kala, tehu ala ta laban emi fa.