YESAYA 5:20 - Susula Malalaok Hehelu Palak Ma Hehelu Beuk

²⁰ Soe ba'eneu emi fo, po'de masafali hata fo malole ma hata fo mangalauk, hata fo makahatuk ma hata fo mangale'dok, hata fo makahe'duk ma hata fo makeek!

YESAYA 5:20 ပူးပေါင်းရင်းမြစ်များ

AYUB 17:12

Tehu, au tia-laing-ngala lafa'da lae, ‘Leodaek ndia lele'dok, de mangale'dok-ka, hihii nae losa so.’ Tehu, au bubuluk nai au daleng dale, ae au so'dang-nga, makahatuk nahele.

KELUARAN 23:7

Madook aoinam-ma neme kalaak pepekok-ka mai, ma boso hu kande o tatao-nono'im de hataholi sala taak-ka nanahukunisak, nanahu Au fe salak neu hataholi manatao tatao-nono'i mangalauk matak leondiak-ka.

AMSAL 17:15

Manetualain ta hii hataholi fo nasala'e, hataholi malelesik-ka, ma ana fe salak neu hataholi sala taak-ka.

AMSAL 4:17

Tatao-nono'i mangalauk-ka, ma naseti-nalakak-ka nde been-na, sama leo sila nana'a-nininun.

YESAYA 24:9

Ta hapu hataholi ninu angol, boema nakamee so'on, ala-lalu da'di nininu makahe'duk ba'eneu hataholi maninuk-ka.

YESAYA 29:21

hataholi fo, ana hii tao nanggenggeo hataholi fe'ek na'den-na, hataholi fo, ana sanga enok soaneu napanggengge, fo ela boso huku hataholi mangalauk-ka, ma hataholi fo, ana tui-benga tutui pepekok, fo ela hataholi manatao ndoos-sa, boso hapu ndoos ma matetuk-ka.

YESAYA 30:10

Ala lafa'da basa nabi-la lae, “Boso mahahala! Boso mafa'da ami, hata fo ndoos-sa, te mafa'da ami, hata fo ami hii mamanenen. Nemen-na fo, ami dodoo dede'a me'i-afek mahele.

YESAYA 32:5

Hataholi nggoak-ka, ta nananafa'dak, nanafe ha'da-holomata so'on, ma manatipu-daik-ka, ta nananafa'dak, manatao tunga ndoon-na fa.

YESKIAL 13:19

Emi makamumulu-makamamaek basa Au, nai Au anang-ngala matan so, ka'da soaneu emi hapu jelei nafanggetek de'ubee, ma loti biak de'ubee. Emi taomisa hataholi sala tak-kala, tehu hataholi fo nandaa hukunisan, emi po'ilotak-kana naso'da. Boema, emi masapepeko-masandandali Au anang-ngala, de lamahele emi.’ ”

AMOS 5:7

Soe ba'eneu emi fo manaputa-balek ndoos ma matetuk-ka, ma manatipu-dai hataholi baba'en-na!

MIKHA 3:2

tehu nakalenak emi ta mahiik hata fo malole fa, te emi mahiik hata fo mangalauk. Au leoinang-nga bei maso'dak, tehu emi ali heni loun-na, ma emi sii-sii isin-na neme duin-na mai.

HABAKUK 1:4

Ala heheta-aa'i hoholo-lalanek, ndoos ma matetuk-ka ta nanaho'un-nahelek la'iesa boen. Hataholi mangalauk-ka sengi hataholi manatao tunga ndoon-na, de ala puta-pai ndoos ma matetuk-ka.

MALEAKHI 2:17

Emi taom-ma Manetualain malua emi kokolam-ma. Tehu emi matane mae, “Da'di tao leo beek, de ami taom-ma Manetualain malua?” No emi mafa'da mae, “Basa hataholi manatao mangalauk-kala, Manetualain, nafa'da nae malole, ma nahiik-kasa.” Do no natatanek, “Manetualain manatao tunga ndoos ma matetun-na ndia, nai bee?”

MALEAKHI 3:15

Ita tita matan, hataholi manakoao-ndaeaok-kala laua-lanale. Hataholi mangalauk-ka, so'dan-na ta ka'da boetai malole ka fa, tehu metema ala so'ba Manetualain dale susue-na, nenik ala tao tatao-nono'i mangalauk, te ala ta hapu susa-soe boen.’ ”

LUKAS 16:15

Tehu Yesus nafa'das nae, “Emi nde hataholi fo nai hataholi fe'ek matan soona, nananitak ndos, tehu Manetualain bubuluk emi dale ma oe isin lala'ena. Nana hata fo hataholi daebafa ka nafa'da nae madema, Manetualain meten soona, kaba'oanak.

ULANGAN 25:1

Metema, tou Israel dua, leu leo uman naketu-nala'dik-ka leu, fo ala kalaak dede'ak esa, boema manakee-manafula laketun, esa ta nasala fa, ma esa nasala.

2 PETRUS 2:1

Makahulu na, hapu nabi masapepeko kala, ala mai leo Manetualain hataholi kamahehele nala dalek mai. Leondiak boe, neukose mese pepeko kala, ala mai leo emi tala'da mai boe. Mesen sila la, lanoli nanoli masalak, fo nini ka'da momopo-mamates fe hataholi a. Ma neukose lalelesi Mana Koasa fo mana soi-po'i sila. No enok ndia, sila nde lini momopo-mamates fe sila ao ina na, fo ta doo anak so'on te, ana tuni nalas so.