YESAYA 5:17 - Susula Malalaok Hehelu Palak Ma Hehelu Beuk

¹⁷ Neukose bi'ihiiana ma bi'ilopoana, la'a na'u nai kota manandefan-na, fo ala ta to'a-taa nana'ak fa.

YESAYA 5:17 ပူးပေါင်းရင်းမြစ်များ

NEHEMIA 9:37

Basa dae ia oe-isin lala'en-na muse fen leo mane-mane nusak-ka neu. O so'u basa manakoasa sila-la soaneu O anam-mala, da'dileo huhukuk soaneu ami sala-singom neu O-a. Ala paleta tunga dale hihii-nanau mesan-na neu ami ma ami bana-manum. Hu ndia de, besak ia ami doi-doso, henuk no toto'a-tataak ma dale he'di!”

MAZMUR 119:70

Hataholi sila-la, ta lalelak fa, tehu ba'eneu au soona, O hoholo-lalanem, nandaa no au daleng-nga.

MAZMUR 17:10

ala ta lanuu dale kasian fa de ala kokolak no koao-ndaeaok.

MAZMUR 17:14

Soi-po'i au neme hataholi-hataholi, fo manamakaduduluk hata-heto nai daebafak-ka. Hukus nenik susa-soe fo O sadia basan soaneus so. Nemen-na fo, huku sila upu-anan-nala boe.

MAZMUR 73:7

Tatao-nono'i mangalauk-ka po'a-ngganga neme dalen-nala dalek mai; ala lakalupu ka'da tutu'u eno mangalauk.

YESAYA 1:7

Emi nusam-ma, nanatao namopo-namatek so; emi kotam-mala, nanahotu henik. Hataholi nusa dea-la, ho'i-la emi daem-ma, de ala tao lakalulutuk la'iesak-kasa nai emi matam.

YESAYA 10:16

Hu kande hataholi Asyur-ra, lamatutua-lamadedema aoinan-nala so, de neukose Manetualain Fo Manakoasa, neukose Ana fe he'di-laus-sa mai, soaneu huku malanga solda'du ao makadelek sila-la. Neukose ala hapu he'di sumaik manalope-lopek-ka, sama leo ha'ipilak-ka, nakandondoo henin.

YESAYA 17:2

Kota-kota manai Siria-la, neukose nanala'o elak losa dodoon-na, fo ana da'di bana-manu mamana nakabubuan; Ta hapu hataholi esa boen, fo ana bisa usiheni fas.

YESAYA 32:14

Nakalenak uma manek-ka, neukose nanala'o elak, ma nusak-ka polon fo, makalupu-makaseek ndia, ana da'di nee-nee lino-linok. Pupukuk ma uma puni madema naneak-kala, lakatetepak lo dae bafan-na, losa dodoon-na.

YESAYA 40:11

Sama leo manafoo esa, Ana nakaboboi bana-manun; Ndia mesak-kana, nde tao nakabubuas-sala. Ana ko'o bi'ilopo ana-la, Ana nakalala'ok inan-nala, no dale mangana'uk.

YESAYA 65:10

Neukose Au anang-ngala sene-do'ok neu Au; neukose sila bi'ilopon ma sapin-nala, la'a na'u nai Bafak Saron-na, ma nai Bafak Akhor-ra.

YESAYA 7:25

Ma dae letelepan fo, biasan-na nanafoi-falak ma nanasele-tanik-ka, henuk no makatema dila-nggauk-ka, nalosa hataholi ta napalani neu leo naa neu fa. Dae ndia sosoa-ndandaan ka'da da'di leo sapi ma bi'ilopo-la mamana na'an.”

YEREMIA 5:28

boema laao, ma so'dan-nala tetu-temak. Sila tatao-nono'i mangalaun-na, too-lanen ta. Ala ta tao ndoos ma matetuk, nai ni'iana kisa-anamaak-kala dede'an dale fa, ma ta lasala'e hataholi nanatuni-ndenik-kala, haak-ka fa.

RATAPAN 5:2

Ami pusakam-mala tu'da leo hataholi fe'ek liman dale neu, hataholi nusa dea-la leo-la ami umam-mala.

HOSEA 4:16

Hai hataholi Israel-la lemin, emi langa batu manseli! Tao leo bee fo Au bisa foo emi, sama leo bi'ilopo-a nai moo mana'uk-ka?”

HOSEA 8:7

Au anang-ngala sele-nggali anin, de neukose ala ketu-seu ani-sangu! Sila tina gandum-ma ta namalatu fa, de neukose ana ta fe buna-boak, fo ala tao ha'desopuk soaneu sila nana'an-na fa. Tehu, metema tina ndia namalatu boeo, neukose leoina fe'ek-kala, la'a heni gandum-mala.

MIKHA 2:12

Manetualain nafa'da seluk nae, “Hai hataholi Israel fo bei elak-kala lemin! Neukose tao leo bee-o, Au tao akabubua emi, fo Au tao-a emi da'di esa, sama leo bi'ilopo-a fali leo lalaen-na neu. Sama leo mook fo henuk no bi'ilopo-a, leondiak boe emi nusam-ma, neukose henu seluk-kana no hataholi makadotok.

ZEFANYA 2:14

Bana bubuak-kala, ma bana mata-matak-kala lai ndia, de neukose ala lu'u ma ala hahaeaon-nala. Neukose ko'donaok-kala, landunu nai ai batu madodouk sila lain, ma ala nggasi leme batu-la lelan-nala mai. Neukose manupui kaa-la, ala nggasi lai lelesu-la bafan-na. Neukose ala bonga heni, kota ndia uman fo nanataok neme ai kaiou-a mai.

ZEFANYA 2:6

O nusam manadeka no tasi-a, ana da'di mook; manafoo-la lalaan-nala, ma bi'i lalaen-nala neukose lapadeik lai ndia.

LUKAS 21:24

Hapu nggelok neukose nanataonisak ninik tafaina, hapu nggelok neukose lon da'dileo hataholi nanahukuk leo hataholi nusa-namon. Hataholi fo ta nalelak Manetualai na, neukose ala heheta-aa'i Yerusalem losa basa faik fo Manetualain naketu basan soaneu sila.”

ULANGAN 28:33

Leoina fe'ek esa, neukose ana ho'in-na basa emi dae-oem-ma buna-boan, fo emi hapun neme emi sosota-mamangum mai, fo emi ta hapu hata esa boen, te emi hapuk-ka nde, tuni-ndenik ma heheta-aa'ik nakandondoo henin.

ULANGAN 32:15

Manetualain anan-nala da'di kamasu'i-makabetek, tehu ala hii lena-la'ban paleta laao bebonu, ma lakabete nana'ak. Boema ala la'oela Manetualain fo Manamakadada'dik sila ma ala ta sipok Manasoi-manatefa palani tatibatu-na fa.