YESAYA 5:12 - Susula Malalaok Hehelu Palak Ma Hehelu Beuk

¹² Nai emi feta-dotem-mala dalek, hapu kecapi liik, gambus liik, rebana liik, ma kinu liik, ma nininuk angol. Tehu emi ta taoafik neu Manetualain ue-le'din, ma hata fo Ana taon fa.

YESAYA 5:12 ပူးပေါင်းရင်းမြစ်များ

KEJADIAN 31:27

Taole'e de, o ke'di-ma au, de o la'o no denge-dengek, ta no nate'ak fa? Leouni'ka, o mate'a soona, tao leo bee o, au po'i o la'o no namahokok, fo tambur ma kecapi-la lakamee tunga o!

2 SEMUEL 19:35

Atam-ma teun faluhulu so, de ta hapu hata esa boen, bisa neni fe atam-ma namahokok so'on. Atam-ma, na'a-ninu nana'a-nininuk-kala, ta hapu la'dan-na so'on, ma atam-ma ta hapu namanene hataholi-la lakamee so'on. Neukose, atam-ma ka'da neni lelepa mabela fe Ama Manek.

AYUB 34:27

Nanahu, sila ta tao tunga hihii-nanaun fa ma ta taoafik neu basa paletan-na fa.

MAZMUR 28:5

Ala ta taoafik neu Manetualain tatao-nono'in fa, do hata fo Ana tao-no'ik-ka. Hu ndia de, neukose Ana hukus, ma Ana tao namopo-namates losa dodoon-na.

YESAYA 22:13

Tehu nasafalin-na, emi mamahoko-setelee ma feta-dote. Emi do'do sapi ma bi'ilopo fo emi mi'a paa ma minu angol, boema emi maloo bou-bou mae, “Mai fo ata ta'a ma tinu, nana balahaa te ita mate so!”

YESAYA 24:8

Kecapi liik fo maneni namahokok, ma rebana liik-ka, ta namanenen so'on. Hataholi manamamahoko-seteleek-kala, makalupu-makaseen nate'e so.

YESAYA 29:1

Soe ba'eneu Yerusalem, fo loken lae Manetualain mei tunu-hotun! Soe ba'eneu Dauk mamana ofun-na! Nemen-na, fo teuk-kala langganggatiaok no fai malolen-nala.

YESAYA 5:19

Emi mafa'da mae, “Nemen-na Manetualain fo Israel Manetualain malalao-malalafun-na, Ana ho'i nakeketuk no lai-laik! Nemen-na fo, nakalala'ok dale tutu'un-na, fo ela ita tita ma bubuluk.”

YESAYA 56:12

Manamafuk sila-la, lafa'da lae, ‘Mai fo, ata tinu angol, ma tinu losa takabete! Neukose, balahaa te, malole lena neme faik ia mai!’ ”

YESKIAL 26:13

Neukose Au tao ate'e o nakameem lala'en-na, ma o sasanu kecapim-ma.

DANIAL 5:23

Ama Manek namatutua-namadedema aoinan-na soaneu Manetualain nai nusa so'dak-ka, ma Ama Manek napalani nadenu hataholi neni mango fo Ama Manek aman loso nenis neme Manetualain Uman dale mai, leo feta dale mai. Boema Ama Manek noo basa hataholi matua-madema-la saoinan-nala, ma sao ka dua ka telun-nala minu pake mango sila-la. Ama Manek koa-kio lamatua daebafak fo nanataok neme lilopilas, lilofulak, liti, besi, ai ma batu, lamatua daebafak fo ta hapu lita do lamanene do lalelak hata-hata ndia fa. Ama Manek ta fe ha'da-holomata neu Manetualain fo manamaketu-mala'di Ama Manek maso'dan-na ma mamaten-na.

LUKAS 16:19

“Hapu hataholi kamasu'ik esa. Bua-lo'a papakena kabelik mesa-mesan, ma nana'a-nininun malole-mala'da tunga faik.

1 KORINTUS 14:7

Perkakas musik fo samanen ta tehu nalii, fo leo kinuk ma kecapi, metema ta lakaminak matalolole lii nala fa soona, tao leo beek fo hataholi a bubuluk lakaminak lii beek ndia.

YUDAS 1:12

Metema hataholi sila la, la'a lakabubua lo emi, nai emi feta perjamuan susue ma dalek soona, la'a no ta pake bibii-mamaek fa nana, hataholi sila la, maa maolok. Ta lafandele hataholi fe'ek so'on. Hataholi sila la, sama leo ko'a u'da ka, fo ani na fuu ninin mai, tehu u'da na ta mai fa. Hataholi sila la boeo, sama leo ai maboa ka, fo oka na nanafe'a henik, boema maten, de losa fai naboa na te, ta naboa fa.

SEMUEL SUSULAK-KA ESAN-NA 12:24

Fe ha'da-holomata neu Manetualain ma mamahele neun no lilinekak, ma no emi dale katematuam-ma. Mafandendelek tatao-nono'i matuaina fo Ana tao basan ba'eneu emi so.