YESAYA 5:10 - Susula Malalaok Hehelu Palak Ma Hehelu Beuk

¹⁰ Neukose dae-a, ta fe buna-boak fa, osi angol fo loloan-na hektar 10 soona, buna-boan ka'da angol oek litel sanahulu. Bini-ngges litel natun esa soona, buna-boan ka'da gandum litel sanahulu.”

YESAYA 5:10 ပူးပေါင်းရင်းမြစ်များ

KELUARAN 37:22

Basa banu eik ndia lala'en-na no pakon ma napan-nala, nanataok neme lilopilas isik nanatutuk biak esa.

YESAYA 32:13

nana makatemak ma makatema dila-nggauk-ka, ala moli lai Au leoinang-nga daen dale. Hei, kii-makaleleu emi umam fo, hataholi-la mamana namahoko-seteleen-na, ma kota fo, henuk no makalupu-makaseek-ka!

YESAYA 7:23

Nai tepo-lelek ndia, osi angol fo esan-na sele angol huuk lifun esa neu, ma belin-na doi fulak lifun esa, neukose makatema dila-nggauk-ka, moli lai dalek.

YEREMIA 48:33

Susue lalaik mopo basa neme nusa Moab so. Neukose Au tao oe angol-la ta faa neme mamanak kaka'bin-na mai fa; ta hapu hataholi esa boen tao oe angol so, ma hala hihikak-hahakak ta.

YOEL 1:17

Mate bini-ngges nai dae tokotik-ka. Ta hapu pe'da gandum fa, boema soka-la louk, de ala da'di sosonga madoudouk.

IMAMAT 26:26

Neukose, emi nana'am-ma basan, nalosa inak sanahulu, ala paluu ka'da mamana tutunu loti esa, soaneu tunu sila lotin-na. Neukose, emi mi'a basa nana'ak ndia so, tehu emi bei mame'da mamala'a boe.

IMAMAT 27:16

Metema hataholi esa, ana tunu-hotu daen-na seli soaneu Manetualain soona, muse naketu belin-na, tunga dae ndia bini-nggen baba'un-na, soaneu sele-nggali neu dae ndia. Soaneu gandum kilo duahulu soona, belin-na doi fulak sanahulu.

HAGAI 1:6

Emi sele-nggali basa bini ngges makadotok so, tehu emi ketu-kolu faanak. Emi manana'ak de emi mi'a, tehu emi ta makabete fa. Emi manuu angol de emi minu, tehu emi dalem-ma, ta namahoko fa. Emi manuu bua papakek, tehu ta dai, soaneu tao nato'bi emi aoinam-ma fa. Ma kuli-la sipo ngga'di-a, ta dai soaneu tao natetu so'dan-nala fa.

HAGAI 2:16

Emi meu mete basa gandum manadodouk-ka so, de emi maedaenga, neukose emi hapu gandum kilo natun dua, te se'ko na hapu ka'da kilo natun esa. Emi meu, fo emi ndui angol litel natun esa neme tong angol dale mai, tehu hapu ka'da litel 40 nai tong ndia dalek.

ULANGAN 28:38

Emi sele-nggali bini-ngges makadotok, tehu emi buna-boak ka'da faa anak, nanahu lamak-ka, na'aheni emi bubu'u-palusam.

ULANGAN 28:39

Neukose emi sele emi osi angol-ma fo emi mete-makanaen, tehu emi ta ketu-seu angol-la boan-na, ma emi minu angol-la oen-na fa, nanahu ulek-kala, la'aheni ai angol sila-la.