YESAYA 49:2 - Susula Malalaok Hehelu Palak Ma Hehelu Beuk

² Ana taon-na, au dede'a-kokolang tanen-na, sama leo tafaina tanen-na nenik liman-na mesak-kana Ana nasulu-nahapa au. Ana taon-na au da'di, sama leo kokouisi matane, de Ana pe'dan nai mamana pepe'da kokouisik dale.

YESAYA 49:2 ပူးပေါင်းရင်းမြစ်များ

MAZMUR 91:1

Hataholi fo, nasulu-nahapa neu Manetualain Fo Mademaina, ma ana leo nai Manakoasa li'da susuen-na dalek soona,

KELUARAN 33:22

Nai lelek Au ndela-sa'an tunga ndia, Au tao o leo pupuku batu ndia lelan esa dalek neu, fo Au tatana ketun nenik Au limang-nga, losa Au la'ok seli.

YESAYA 11:4

Naketu-nala'di hataholi nuu-taa hata-taak-ka, tunga ndoos ma matetuk, nasala'e hataholi tapandoes-sa no dale ndoos; hataholi masalak-ka, nanahukuk tunga paletan-na, Ana tao namopo-namate hataholi mangalauk-ka.

YESAYA 42:1

Manetualain nafa'da nae, “Au atang fo, Au tia-to'ban-na, nde ia, Au hataholi heheleng fo nandaa no Au daleng-nga. Au fe basa Au koasang-nga neun so, soaneu neni ndoos ma matetuk-ka, ba'eneu leoinak-kala esa-esak.

YESAYA 50:10

Hai emi fo, manafe ha'da-holomata neu Manetualain, manamamanene atan-na, hala-kokolan-na, enok fo emi tungak-ka, fafa'kama makahatuk, de ta hapu mangale'dok, nasalaa ba'eneu emi fa; tehu, mamahele neu Manetualain leona; masala'da o deam-ma, neu o Manetualaim.

YESAYA 50:4

Manetualain Fo Mademaina, nanoli au kokolak, fo ela au hala-kokolang natetea-nahehele hataholi manasota-manguk-ka. Tunga-tunga fafain-na, Ana fafae nafo'a au dale hihiing-nga soaneu au amanene, nanolin ba'eneu au-a.

YESAYA 51:16

Au nde akapepela lalai-a ma manape'da daebafak-ka buin-na. Au afa'da neu Sion ae, Au anang-nga nde o; Au fe Au nanoling-nga, neu o, ma Au asulu-ahapa o, nenik Au koasang-nga.”

YEREMIA 1:18

Mamanene te, neukose nusak ia, laun-nala la'ban o, fo nde Yehuda manen-nala, basa manaho'u paleta-la, basa imam-mala, ma laun-nala. Tehu faik ia, Au fe o be'i-balakaik, soaneu la'ban-nasa. Neukose o da'di sama leo kota fo, nanuu kota musu, sama leo dii besi, ma papala nanadama liti. Neukose ala ta hapu sengi o fa, nana neukose Au o o, ma Au asulu-ahapa o. Au, fo Manetualain nde manakokolak-ka.”

HOSEA 6:5

Hu ndia de, Au adenu Au nabing-ngala, fo landuku-lalosak Au nakeketung-nga neu emi, nae emi muse nanahukuk, ma nanatao namopo-namatek. Fo Au ahiik neme emi mai-a, mangale'dok so:

HABAKUK 3:11

O kokou isim-mala lapu no lai-laik sama leo ndelas-sa, O tee isim-ma nangale'do boema le'do nate'e, ma bulak-ka nemek mamanan-na.

LUKAS 23:46

Boema Yesus nggasi napane'e nae, “Ama! Au fe Au ao paa samaneng leo O limam dale neu!” Ana kokolak basa nae leondia boema maten.

EFESUS 6:17

Ho'i ma so'da mole ka, fo taon da'di topi musu, boema pake Manetualain dede'a-kokolan da'dileo tafa, neme Manetualain Dula Dale na.

IBRANI 4:12

Manetualain hala-kokolan nde bee na, hala-kokolak fo maso'dak, ma mabe'i-balakaik; tane na lenaheni tafaina tane kadua ka. Hala kokolak ndia, ana tola losa leo samane ka ma dula dale ka dae too na; ana tola losa leo bu'u-bu'u kala, ma dodole dui ka dae too na, nalosa ana bubuluk besa-besa no hataholi daebafa ka dale-aafin, ma dale tutu'u na.

NINITAK 1:16

Lima kona ho'u nduuk hitu, ma tafaina matane kaduak esa kalua neme bafa na mai. Mata panan nahaa sama leo le'do nai le'dohana nees.

NINITAK 19:15

Tafaina matane esa kalua neme bafa na mai, ma ninik tafaina ndia de neukose Ana sengi leoina la ma neukose Ana paletas ninik ai tete'e besi. Ana ka'bi ango la nai Manetualain Fo Mana Koasa kaka'bi angol nasa-melu na dalek.

NINITAK 2:12

“Neu ata nusa so'da salanik manai Pergamu sala, sulakman leoiak: Ia nde hala heheluk neme Ndia fo manaho'u tafaina matane kadua ka mai.

NINITAK 2:16

Hu ndia de, tukatei-saledale meme emi sala-singo mala mai leona! Metema ta soona, ba'ihanak seluk fa bai te neukose Au mai neu emi, soaneu Au atati o hataholi sila la ninik tafaina manai Au bafa nga.