YESAYA 48:9 - Susula Malalaok Hehelu Palak Ma Hehelu Beuk

⁹ Au akatatakak Au nasa-melung, fo ela Au na'deng-nga nanakoa-kiok. Au akatatakak-kana, ba'eneu o, fo ela, o ta nanatao namate-namopok fa.

YESAYA 48:9 ပူးပေါင်းရင်းမြစ်များ

MAZMUR 106:8

Tehu Manetualain soi-tefa-nalas, hu kande na'den-na, fo ela napalanin-na, da'di nananitak.

MAZMUR 143:11

Ou Manetualain, soi-tefa-mala au nandaa no O hehelum-ma, hu kande O malolem-ma, de soi-po'i au neme makase'ek-ka mai.

MAZMUR 25:11

Manetualain, fe do'o do ampon neu au, nandaa no O hala hehelu-balatam-ma, nana au salang-nga ba'un-na seli.

MAZMUR 78:38

Tehu Manetualain sue-lai, ma fe do'o do ampon neu anan-nala, de Ana ta tao namopo-namate fas. La'i ba'uk-ka, nakatatakak nasa-melun, ma ta nafofo'a nasa-melun fa.

MAZMUR 79:9

Tulu-fali ami, ou Manetualain, fo ami manasoi-manatefam-ma, fe do'o do ampon neu ami sala-singom, ma soi-po'i ami hu kande O na'dem fo, nanafe ha'da-holomatak ndia.

AMSAL 19:11

Hataholi manatee-tenok-ka, bisa nakatatakak-na, nasa-melun, ma nanakoa-nanakiok, nanahu ana fe ampon neu hataholi manatao salak soaneun.

YESAYA 30:18

Leomae leondiak boe, Manetualain nahani talu-talu no fain-na, soaneu natu'du susue-lalain neu emi. Ana naheheleaon, soaneu sue-lai emi. Nana, Manetualain nde been-na, Manetualain fo manatao hata fo, nandaa. Maua-manalek ba'eneu hataholi fo, namahena neun.

YESAYA 37:35

Neukose Au asala'e, ma asulu-ahapa kota Yerusalem-ma, hu kande Au na'deng-nga mesak-kana, ma hu kande Au hehelu-balataang o Au atang Dauk.’ ”

YESAYA 43:25

Tehu Au, Manetualain, fo manalose heni o sala-singom, manafe do'o do ampon neu o, nanahu Au ha'da-paliing leondiak; Au ta afandele o sala-singom fa.

YESAYA 48:11

Au tao ndia, hu kande Au aoinang-nga mesak-kana, nana Au ta po'ilotak, Au na'deng-nga, nanatao nanggenggeok fa; Au ta aba'e Au ndela-sa'ang, no su'di see boen.”

YESAYA 65:8

Manetualain nafa'da nae, “Angol boak fo, bei maoek-ka, ta nanatapa henik fa, tehu nanataok da'di angol oek. Leondiak boe Au leoinang-nga, neukose Au tao amopo-amate la'iesak-kasa, nana nai sila dalek, ta hapu manamakatele neu Au fa.

YEREMIA 14:7

Au anang-ngala lalo bebou lae, ‘Manetualain, leomae ami sala-singom-mala tuni-ndeni ami tehu tulu-fali ami sama leo O hala-hehelum-ma. Ami la'o ela O do'e-do'e; Tete'ek-ka, ami masala-masingo neu O.

YESKIAL 20:14

Tehu, Au ta da'di amanasa fa, hu kande Au na'de malalao-malalafung-nga, fo ela leoina fo, lita Au o Israel kalua meme Masir mai-a, ala boso lakamumulu-lakamamaek Au na'deng-nga.

YESKIAL 20:22

Tehu, Au ta da'di amanasa fa, fo ela leoina fo, lita Au o Israel kalua neme Masir mai-a, ala boso lakamumulu-lakamamaek Au na'deng-nga.

YESKIAL 20:44

Metema, hu kande Au na'de malalao-malalafung-nga, de Au tao emi leondiak, ma ta nandaa no emi ha'da-tataom ta malolem-ma, boema emi tatao-nono'i mangalaum-ma soona, besak-ka emi hataholi Israel-la bubuluk, mae Au nde Manetualain-na. Au, Manetualain Fo Mademaina, nde manakokolak-ka.”

YESKIAL 20:9

Tehu, Au ta da'di amanasa fa, fo ela leoina manai sila mamanan-na, boso lakamumulu-lakamamaek Au na'deng-nga. Nana Au po'a-benga basa nai leoina sila matan, ae neukose Au o leoina Israel-la, kalua leme Masir mai.

YESKIAL 36:21

Au ame'da Au daleng-nga he'dis-sa, nanahu Au na'de malalao-malalafung-nga, hataholi Israel fo, mada'baoek sila-la, ala tao langgenggeon so.

YOSUA 7:9

Hataholi Kanaan-nala, ma basa hataholi manai nusak ia, neukose lamanene dede'ak ndia. Neukose lakahapi-la ami, fo taolisa ami! Boema, neukose O tao beek, fo O ho'u mahele O na'dem-ma?”

SEMUEL SUSULAK-KA ESAN-NA 12:22

Manetualain soo-supa basa, nae neukose Ana ta la'oela emi fa, nanahu naketu basa soaneu Ana tao emi da'di Ndia anan so