YESAYA 48:4 - Susula Malalaok Hehelu Palak Ma Hehelu Beuk

⁴ Au bubuluk, ae o dalem-ma natea, ta tunga paleta, ma langa batuk.

YESAYA 48:4 ပူးပေါင်းရင်းမြစ်များ

2RAJA-RAJA 17:14

Tehu, Israel ma Yehuda, ta nau lamanene fa. Lalanga batu, sama leo sila bei-ba'ikain-nala, fo ta lemahele neu sila Manetualain fa.

2TAWARIKH 30:8

Boso malanga batu sama leo sila, tehu tunga neu Manetualain. Mai leo Yerusalem mai, leo Manetualain Uman fo emi Manetualain hele heheli basan ba'eneu Ndia mesak-kana losa dodoon-na. Mai fo sene-do'ok neun fo ela nasan-na tenak soaneu emi.

2TAWARIKH 36:13

Manek Nebukadnezar-ra nakaseti Zedekia fo ana soo-supa nenik Manetualain na'den-na nae neukose ana lilineka neu Nebukadnezar. Tehu makabuin-na Zedekia tao nakabubua mangalauk la'ban Nebukadnezar. Zedekia nalanga bat neu Amak fo Israel Manetualain-na. Ana ta nau tuka tei-sale dale neme sala-singon mai, ma ana ta nau fali leo Manetualain mai fa.

NEHEMIA 9:28

Tehu lelek nusan-na nee-nee lino-lino seluk, boema no lai-laik lasala-lasingo seluk. Boema O boeo fes leo musu manatuni-ndenik-ka neu. Tehu, lelek fo lame'da boema lasasale dale lanseli, laloo bebou neu O, fo loke soi-tefak. Boema O mamanene neme nusa so'dak-ka mai, de O tulu-falis do'e-do'e, nana O dale ma tu'da soaneus, ma O susue-lalaim ba'un-na seli.

MAZMUR 75:5

Soaneu hataholi fo, ana hii kokolak bafa louk-ka, Au afa'dan fo daenga boso boe kokolak bafa louk bai.

MAZMUR 78:8

fo ela sila boso sama leo sila bei-ba'i kain-nala fo ala hii lalena langa-lasa'ba soo, ma manamalelesik; bobongik fo namahehelen-na, ta matea-mahelek, ma ta lilineka leu Manetualain fa.

KELUARAN 32:9

Au bubuluk ae leoina ndia, nalanga batu nanseli

KELUARAN 33:3

Emi la'ok masale leo dae kamasu'i-makabetek ma maisi-mamina meu. Tehu Au ta tunga emi fa, fo ela Au boso tao amopo-amate emi nai eno tala'dak, nana emi nde been-na leoina langa batuk.”

KELUARAN 9:7

Manek-ka natane hata fo ana da'di so, boema ala tuin lae ta mate hataholi Israel-la bana-manun esa boen. Tehu, manek-ka nalanga batu, de ana ta nau po'i leoina ndia la'o fa.

AMSAL 29:1

Metema nanoli-nafa'da see, fo ana la'ban nakandoo soona, neu faik esa te, neukose nakalulutuk, fo ta bisa tao matalololen fa.

YESAYA 30:9

Nana, sila nde been-na, leoina esa, fo ala hii ka'da la'ban Au, ala hii ka'da lasapepeko-lasandandali, ma ala ta nau lamanene Manetualain nanolin-na fa.

YESAYA 46:12

Hai hataholi manakoao-ndaeaok-kala lemin, emi fo manadodoo mae sesengik-ka, bei nai dook-ka.

YEREMIA 19:15

ae, Manetualain Fo Manakoasa, Fo Israel Manetualain-na nafa'da nae leo ia, “Hu ka nde emi malanga batu ma ta au mamanene fa, de neukose Au uni fe kota ia ma basa nggolo ta'duk manai boboa kaisun-nala, ma susa-soe lala'en-na fo Au dudu'a basas.”

YEREMIA 3:3

Hu ndia de, oe ta mai neme lalai mai, ma nai fai sele-nggalik-ka, u'dan-na ta mai fa. O hihii mae, sama leo ina mana sosoa-piaok-ka, ma bibii-mamae tak.

YEREMIA 5:3

Te'e-te'e, Manetualain nokek-ka nde, lilinekak-ka. Manetualain fepa emi, tehu emi ta mafaduli fa. Ana tao nakalulutuk emi, tehu emi ta nau nanoli emi fa. Emi langa batu, ma ta nau tuka tei-sale dale meme emi sala-singom mai fa.

YEREMIA 7:26

Tehu ta hapu hataholi namanene, do taoafik neu fas. Nakalenak, emi boetai malanga batu, ma mangalauk lena heni emi bei-ba'i kaim-mala.”

YESKIAL 2:4

Ala lalangabatu, ma ala ta fe ha'da-holomata neu Au fa. Au adenu o muu leo hataholi sila-la, fo manduku-malosak hata fo Au, Manetualain Fo Mademaina, afa'da neus,

DANIAL 5:20

Tehu nai lelek ana koao-ndaeao, langa batu ma ana tao hataholi no dale susue-lalai tak boema, nanaloli henik neme kandela manen lain mai, nalosa mopo ndela-sa'an.

HATAHOLI 7:51

Tolanoo kala langa batu manseli, ma tea na seli soaneu emi tunga Manetualain! Emi di'idoo mala pake nanseli neu Manetualain dede'a-kokolan! Emi mo emi bei ba'ikai mala matak esa! Emi la'ban Manetualain Dula Dale na tataas esa!

ROMA 2:5

Tehu emi langa batu ma emi ta nau oebeu dale mala fa. Hu ndia de, emi nde tao mambela seluk emi huhuku ma nai Fai Mate'e ka, metema Manetualain natu'du nasa-melun fo naketu-nala'di tunga matetu na.

ULANGAN 10:16

Da'di, mulai neme hatematak ia mai, emi muse tunga neu Manetualain ma boso boe malangabatu seluk bai.

ULANGAN 31:27

Au bubuluk, ala langa batu lanseli, ma ala nau lena-la'ban paleta. Au bei aso'da ia boeo, ala lena-la'ban Manetualain; mu'da hata no, mahani te, au mate bai!

IBRANI 3:13

Da'di fo ela sala-singo ka boso ke'dindiu na hataholi esa boen nai emi dalek, nalosa ana la'ban Manetualain, ela leo bee na emi esa nanoli-nafa'da esa tunga faik, beidai ita bei taso'da nai lelek, fo nananafa'dak nae, “Faik Ia”, nai Susula Malalaok dale.