YESAYA 48:2 - Susula Malalaok Hehelu Palak Ma Hehelu Beuk

² Leomae leondiak boe, o manaku no dalen-namatuak, mae kota malalao-malalafuk-ka, laun o; ma o masala'da neu Israel Manetualain fo loken lae Manetualain Fo Manakoasa

YESAYA 48:2 ပူးပေါင်းရင်းမြစ်များ

NEHEMIA 11:1

Basa mauli-malangan manaleo lahele lai Yerusalem, ma laun-na tu'ubatu soaneu uma loo sanahulu, soaneu ala hele teidale-bobongik esa neme teidale-bobongik sanahulu mai, fo muse leo nai kota malalao-malalafuk Yerusalem. Bee ta nanahelek fa soona, ana bole leo nai kota fe'ek-kala.

MAZMUR 48:1

Teidalek Korah kokoa-kikion-na.

MAZMUR 87:3

Mamanene leon, hai Manetualain kotan-na, nafa'da dede'a matuaina-la, la'eneu o nae:

YESAYA 10:20

Neukose fain-na losa, fo bei ela leoina Israel-la hataholin maso'dak-kala, ala ta lamahena seluk neu leoina manakoasa, fo isabain-na ana tao namopo-namate sila, tehu lamahena neu Manetualain fo Israel Manetualain malalao-malalafun-na.

YESAYA 47:4

Israel Manetualain malalao-malalafun-na, soi-po'i ita, na'den-na, Manetualain Fo Manakoasa.

YESAYA 51:13

Masa bole, o mafandele heni Manetualain, fo manamakadada'dik o, fo mananakapepela lalai ma manape'da daebafak-ka buin-na? Tao le'e de, o dele faik-katemak esa dalen-na, neu hataholi manatuni-ndenik-ka, nasa manalua ponu-ponun-na, fo naheheleaon soaneu tao namate-namopo-ka? Te'e-te'e, sila nasa manalua ponu-ponun-na, neukose ta la'e o fa.

YESAYA 51:15

Nana Au nde o Manetualaim-ma, fo manataon-na lii-a, napoponu, nalosa lii-a nggu-nggu. Au na'deng-nga nde been-na, Fo Manakoasa.

YESAYA 52:1

Fo'a leon, hai Yerusalem, fo'a leona! Matetea-mahehele o dalem-ma! Pake o papake matua-mademan! Hai Yerusalem, kota fo malalao-malalafuk, hataholi manggenggeok-ka, ana ta masok tunga o lelesuinam-ma so'on.

YEREMIA 10:16

Yakob etualain-na ta sama leo sosongo-tatangok ndia fa; Ndia manamakadada'dik basa hata lala'en-na. Na'den-na nde Manetualain Fo Manakoasa; Ndia nde hele Israel da'di Anan-nala.

YEREMIA 21:2

“Moke natutu'duk neme Manetualain soaneu ita, nana Nebukadnezar fo Babel manen mo soloda'dun-nala sanga sapu ita kotan. Fafa'kama neukose Manetualain tao manada'di beuk soaneu ita, fo ana laka-nakaseti. Nebukadnezar le'a heok ndia soloda'dun-na.”

YEREMIA 44:26

Tehu besak ia mamanene hata fo Au afa'dan neu emi, hai hataholi Israel manai Masir lemin; Au, Manetualain, soo-supa unik Au na'deng-nga fo matua-madema de Au ta po'i emi pake Au na'deng-nga soaneu tao naheluk esa so'on. Emita bole mafa'da mae, ‘Au soo-supa unik Manetualain fo maso'dak-ka!’

DANIAL 9:24

Teuk hituhulu la'i hitu ndia nde faik fo Manetualain naketun soaneu Ana soi-po'i o leoinam-ma, ma o kotam fo malalao-malalafuk ndia neme sala-singok ma tatao-nono'i mangalauk-ka mai. Basa sala-singok lala'en-na, neukose hapu do'o do ampon ma napadedeik natetu ndoos ma matetuk fo manaketu basa taak-ka, nalosa ninitak ma hala nafa'da elak ndia, neukose ala da'di, ma Manetualain Uman fo malalao-malalafuk ndia, neukose pake falik-kana soaneu Manetualain.

MIKHA 3:11

Manakoasa kota-la paleta soaneu ala hapu doi sosolok, imam-mala lanoli Manetualain hoholo-lalanen soaneu hapu ngga'di, ma nabi-la loke natutu'duk neme Manetualain mai fo hapu doik – boema sila basa-basas lae daenga Manetualain nok sila. Lafa'da lae, “Manetualain nai ita tala'da heon; neukose susa-soe ta tuni-ndeni la'e ita fa.”

MATEOS 27:53

Boema ala kalua leme lates ala dalek mai, nai lelek Yesus naso'da falik neme mamate sa mai, de ala masok leo Yerusalem leu. Nai naa, hataholi makadotok litas.

MATEOS 4:5

Basa ndia boema nitu no Yesus leo Yerusalem, fo kota malalao ka de nangatutuu kana neu Manetualain Uma na punin lain.

ROMA 2:17

Tehu besak ia, tao leo beek no tolanoo kala bai? Tolanoo kala manaku aom mae, tolanoo kala hataholi Yahudi, de tolanoo kala mamahena ka'da agama Yahudi a hoholo-lalanen, boema tolanoo kala tututi-nanaton no Manetualai na tao na tolanoo kala koao-ndaeao.

NINITAK 11:2

Tehu boso uku uma so'dak manai Manetualain Uman ndia dea ka, nana mamanak ndia fe basan neu hataholi ta manamalelak Lamatua ka fa. Neukose ala heheta-aa'i kota malalaok ndia, dodoo na bulak hahulu dua dale na.

NINITAK 21:2

Boema au ita kota malalaok ndia, fo nde Yerusalem beu ka ana kona neme nusa so'da ka, fo neme Manetualain mai. Kota ndia nanasadia basak sama leo penganten inak esa nanapainotek soaneu natongo no penganten tou ka.

NINITAK 22:19

Ma metema hataholi tao kulang hata esa neme dede'a nafa'da elak ia la soona, Manetualain boeo neukose tao kulang baba'en fo nanasulak nai susulak ia dale ka, fo nde baba'ek neme ai maso'da ka ma neme kota malalaok ndia.

HAKIM-HAKIM 17:13

Boema Mikha nae, “Nah, besak ia, au amahele, neukose Manetualain tao malole neu au, nana hapu hataholi Lewi esa, ana da'di imam ba'eneu au so.”