YESAYA 48:18 - Susula Malalaok Hehelu Palak Ma Hehelu Beuk

¹⁸ Leouni'ka, o taoafik neu Au paletang-ngala, soona o ua-nalem sama leo lee manama'da tak-ka, ma o ua-nale malolem-ma, sama leo lii nai tasi lai, fo ana ta hahae nita fa.

YESAYA 48:18 ပူးပေါင်းရင်းမြစ်များ

MAZMUR 119:165

Hataholi manasue-lai O hoholo-lalanem-ma, nee-nee lino-linok ma tetu-temak, ma ta hapu hata napanggengge fas.

MAZMUR 36:8

Ou Manetualain, O susue-lalaim ba'un-na seli, hataholi daebafak-ka nasulu-nahapa nai O li'da susuem-ma dalek.

YESAYA 33:21

Neukose, Manetualain natu'du matua-mademan neu ita. Neukose, ita taso'da nai lee maloa su'un-na fo, ofa musu-a ta tunga ndia fa.

YESAYA 42:24

See kande nadenu, fo kalo Israel? Ade, ta nde Manetualain fa hetu? Ita tasala-tasingo neu Ndia, ita ta taso'da tunga paletan-na fa, ma ta tunga nanolin-na fa.

YESAYA 45:8

Au akona sesengik-ka, neme lalai mai, sama leo u'dan-na, daebafak-ka nakapepela liman-na, soaneu ana sipok-kana, boema, Au akamomolik so'da-molek ma ao loak-ka; Au Manetualain fo manamakadada'dik basa sila-la.”

YESAYA 54:13

Basa o laum-mala, ala da'di Au ana sakolang, neukose ala hapu tetu-temak ma so'da-molek.

YESAYA 61:10

Yerusalem nafa'da nae, “Au amahoko-setelee nanahu Manetualain, au daleng-nga namahoko, nanahu Manetualain. Sama leo manaka'bing touk-ka no inak-ka, ala pake lilo-henu mana'ahiik mesa-mesan, leondiak boe Manetualain fe au pake ba'du so'da-molek, ma ba'du sesengik-ka.

YESAYA 61:11

Sama leo bini-ngges fo, nanasele-nggalik-ka, neukose ana moli, fo ana da'di bubu'u-palusa, leondiak boe Manetualain nakamomolik so'da-molek-ka, de basa leoinak-kala, neukose koa-kion.”

YESAYA 62:1

Hu kande Yerusalem, de neukose au kokolak, hu kande Sion, de neukose au ka'da denge-denge, losa nanasoi-tefak ma sesengin-na, nangale'do sama leo obol, nai fai le'odaen-na.

YESAYA 66:12

Nana Manetualain nafa'da nae, “Neukose Au fe emi tetu-temak sama leo lee manafaak-ka; neukose leoinak-kala, leni su'i-beten leo o mai sama leo manalua ponu-ponuk-ka. Emi sama leo ni'iana fo, inan nasu'un ma ana ko'on boema ana kokosen nai ifan lain.

HOSEA 10:12

Au afa'da ae, ‘Hai, Israel! Ta'ti tina beuk soaneu o, fo sele-nggali bini-ngge ndoos ma matetuk, fo ketu-kolu baba'e-papalak, fo buna-boak neme o susue-lalaim te'e-te'e neu Au-a. Nana fain-na losa, o sanga Au, fo o Manetualaim-ma. Neukose Au mai, fo Au akona fe o, Au u'da baba'e-papalang.’

AMOS 5:24

Malole lenak sanga enok, fo daenga eno ndoos ma matetuk-ka, ana faa sama leo oe-a, ma tatao-nono'ik fo tunga ndoon-na, ana faa sama leo lee manama'da taak-ka.

MATEOS 23:37

“Yerusalem, Yerusalem! O taomisa nabi la. Boema o pia Manetualain hataholi nadedenu nala ninik batu losa mates. La'i de'ubee, Au hii holu o hataholi mala sama na leo manu ina nasaluluku ana nala nai li'dan dale, tehu emi ta nau fa!

ROMA 14:17

Nana metema Manetualain paleta hataholi esa so'da na soona, hata fo na'a do nininun ndia, ta paluu so'on. Fo paluu ka nde hataholi ndia tunga Manetualain hihii-nanaun, dale na tesa-tama, ma ana sipo namahokok fo Manetualain Dula Dale na ba'e fe nana.

ULANGAN 32:29

Ela leo been-na, ala da'di manatee-tenok, fo neukose, ala lalelak, fo ala dudu'a-dodoo sila soda mate'en-na.

ULANGAN 5:29

So'ba metema sila lanuu dudu'a leondiak nahele! So'ba metema ala fe ha'da holomata tataas esa neu Au, ma ala tunga la'iesak Au paletang-ngala soona, sila ma sila tititi-nonosin laso'da no tetu-temak losa dodoon-na!