YESAYA 47:6 - Susula Malalaok Hehelu Palak Ma Hehelu Beuk

⁶ Makahulun-na, Au amanasa Au anang-ngala, Au ta sipok-kasa, da'di Au nuung so'on. Boema Au fes leo o neu de o ta sue-lai fas, nakalenak o tunu-ndeni lasik-kala, no ta pake ha'da hataholik fa.

YESAYA 47:6 ပူးပေါင်းရင်းမြစ်များ

2 SEMUEL 24:14

Boema, Dauk nataa nae, “Awii! Au soe so! Tehu neme hataholi daebafak huku au, malole lenak Manetualain huku ita basa-basa-tala, nana susue-lalain ba'un-na seli.”

2TAWARIKH 10:11

Au amang fe emi lelepa mabela, tehu neukose au fe lelepa mabela lena seluk bai. Ana fepa emi nenik ue, tehu neukose au fepa emi nenik ue madila-nggau besi!’ ”

2TAWARIKH 28:9

Manetualain nabin esa na'de Oded, ana leo nai kota Samaria. Nai lelek solda'du Israel-la fali no leni hataholi nanafook neme Yehuda mai boema, Oded neu natongon-nos nai lelek ala sanga masok lala kota dale. Nafa'da nae, “Emi sengi hataholi Yehuda-la so, nanahu emi bei-ba'i kaim-mala Manetualain namanasas. Tehu Manetualain namanene tao leo beek emi taomisa solda'du Yehuda sila-la no dale susue-lalai taak.

2TAWARIKH 36:17

Manetualain nakababale manek Babel-la dalen-na fo ela ana sapu-nalas. Manek ndia taonisa hataholi Yehuda fo muli-solu-kala, ma sila fo manai Manetualain Uman dale boe. Ana ta sue-lai neu hataholi esa boen, nau lasik do mulik, touk do inak, kamahe'dik do so'da-la'dak boe. Manetualain fe basa-basas leo manek Babel-la neu.

2TAWARIKH 36:20

Laun fo manaladeak-kala, ana foo nenis leo Babel neu. Nai naa, ala da'di ndia atan ma tititi-nonosin atan losa tepo-lelek nusak Persia ana koasa.

EZRA 5:12

Tehu, hu kande ami bei-ba'i kaim-mala, ala tao lakananasak Manetualain fo mana koasa nai nusa so'dak-ka, boema Ana fe henis leo Nebukadnezar, fo mane Babel-la, ana da'di neme Kasdim tititi-nonosin mai. Ana tao nakalulutuk Uma ndia, ma ana foo neni ami leoinam-ma, leo Babel neu.

MAZMUR 69:26

Nemen-na fo, sila lalaa teman-na, da'di nee-nee lino-linok ma hataholi ta leo nai sila lalaa teman dale fa.

YESAYA 10:6

Au haitua Asyur ne'i fo ana sapu-na Au leoinang fo manafali deak-kala, ma manatao-na Au amanasa. Au adenu Asyur ne'i fo, ana bonga uma boema namanako, ma ana heheta-aa'i Au leoinang-nga sama leo afu manai enok lain-na.”

YESAYA 13:16

Neukose lita matan, ni'iana bongi beun-nala nanalulumu-eesek, nakodaa-la bonga uman-nala, ma ala sungu loo saoinan-nala.”

YESAYA 14:17

Ndia nde tao nakalulutuk kota-kota-la, ma ana tao nasafali daebafak-ka da'di moo solokaek-ka do? Ndia ia nde, ana ta po'i nita hataholi nanafoon-nala, do ana po'is ala fali le'us fa do?’

YESAYA 14:6

fo ala tuni-ndeni leoina-la no nasa-meluk, ma ala fepa-li'us lakandondoo henin

YESAYA 43:28

o imam-mala, ala tao langgenggeo Au Umang-nga. Hu ndia de, Au fe heni Israel, fo nananakadadaek, Au po'ilotak Yakob tititi-nonosin, nanatao namate-namopok.”

YEREMIA 50:42

Ala leni kokouk ma tee; sila mangalaun-nanseli ta lalelak do'o do ampon fa sama leo tasi fo'a, ndala-la lakadi, fo sila nde fes leu tao musu no Babel.

RATAPAN 1:14

Ana ho'i-na basa au sala-singong, boema Ana pa'an da'di esa, de Ana bokoliin neu au botolii nga, nalosa belan-na tao-na au ndole-ndaku. Manetualain fe au leo musu nook-ka neu; au be'i-balakaing ta soaneu la'ban-nasa fa.

RATAPAN 1:21

Ou, Manetualain! Mamanene au hoo-nggu'ung leona, ta hapu hataholi kokoe-nanasi au fa. Au musung-ngala lamahoko, nanahu O taom-ma au soe. Faik fo O heluk ndia, mai leona; tao malas doi-doso sama leo au.

RATAPAN 2:2

Ana tao nakalulutuk basa mook manai nusak Yehuda, ta no dale susuek fa. Nai nasa-melun-na dalek, Ana honan losa ndefa heni basa kota musu manamasulu-mahapa nusak ndia. Nusak ndia no basa mauli-malangan-nala, Ana tao natu'das, nalosa ala da'di nakadadaek.

RATAPAN 4:16

Manetualain ta taoafik neu anan-nala so'on; Ndia nde tao tapasasalas-sala, ma Ana tao-na hataholi ta fe ha'da-holomata neu imam-mala so'on; basa mauli-malangan-nala, dale susue-lalai tak-kala.

RATAPAN 5:12

Ala ho'u-la ami mauli-malangam-mala de ala lonas, ala ta koa-kio ami toulasim-mala so'on.

YESKIAL 24:21

anduku-alosak hala heheluk-ka nde ia neu emi: Emi dalem-ma namatua neu Manetualain Uman-na be'i-balakain. Emi hii meten fo emi meu donge-daman, tehu neukose Manetualain tao nanggenggeo Uman-na. Ma o teidalem fo bei muli-solum fo manaleo manai Yerusalem-ma, neukose nanataonisak nai natee-natatik dale.

YESKIAL 28:16

O langam-ma dila no ka'da nase'o-banasak-ka, de ndia nde neni o leo naseti-nalakak-ka ma sala-singok-ka neu. Boema, Au usiheni o meme Au lete malalao-malalafung-nga mai, de ata nusa so'dak manamanea o-a, ana usiheni o meme batu poemata mangadilak sila-la, tala'da mai.

OBAJA 1:10

“O tao balakaik neu o tolanoom-mala, fo Yakob tititi-nonosin-nala so. Hu ndia de neukose mopo-mate o, ma hataholi nakamu-nakadau o losa dodoon-na.

OBAJA 1:16

Au anang-ngala linu nininuk fo nalupa sila huhukun-na so, nai Au lete malalao-malalafung lain. Tehu nininnuk ba'eneu leoina manai daebafak ia, makahe'duk lena seluk bai. Ala ta hapu latapo'i leme huhukuk ndia mai fa. Sila muse linun losa basan, fo basa soona, neukose mopok-kasa fo ta hapu sesee-bobolon lai bee fa.”

ZAKHARIA 1:12

Boema, ata nusa so'dak ndia nae, “Manetualain Fo Manakoasa, O mamanasa Yerusalem ma kota-kota manai Yehuda-la, teuk hituhulu dalen-na. Neukose O mamanasa maheles, ma ta fe do'o do ampon neu fas losa faihi'da?”

ZAKHARIA 1:15

Tehu Au amanasa anseli, neu leoina fo lame'da nee-nee lino-linok, ma so'da-molek. Nana, nai lelek Au akatatakak Au nasang-nga, neu Au anang-ngala, leoina sila popo-tama seluk doidosok, neu Au anang-ngala.

MATEOS 7:2

Nanahu emi maketu-mala'di hataholi tao leo beek soona, neukose Manetualain naketu-nala'di emi tao leondiak boe. Boema emi uku-dou hataholi minik ai uku bee soona, neukose Manetualain pake seluk ai uukuk ndia fo ana uku-dou emi boe.

ULANGAN 28:50

Hataholi sila-la, mangalaun-na seli, ma ala ta lanuu dale susuek soaneu toulasik-inalasik ma ni'iana-la boe.

YAKOBIS 2:13

Nana neukose Manetualain ta natu'du susue-lalain neu hataholi fo, ta nalelak susue-lalai ka fa. Tehu susue-lalai ka, neulau na ba'u lena hoholo-lalane ka.