YESAYA 47:5 - Susula Malalaok Hehelu Palak Ma Hehelu Beuk

⁵ Manetualain nafa'da Babel nae, “Denge-denge, fo muu leo makiu-makahatuk dale muu leona. Neukose ta loke seluk o lae, ‘Nusak-kala inamanen fa.’

YESAYA 47:5 ပူးပေါင်းရင်းမြစ်များ

MAZMUR 31:17

Ela leo been-na O atam-ma, nandaa no O dalem-ma; soi-tefa-mala au, nanahu O susue-lalaim.

MAZMUR 46:10

Ana tao nate'e natee-natatik-ka nai daebafak-ka lala'ena, Ana tao nakalulutuk kokouk-kala ma tee-dongi, Ana hotu heni babaa fana bobongok-kala.

YESAYA 13:10

Neukose basa nduuk ma nduu bubuak-kala ta lasalaa fa; neukose le'do ta nasalaa nai lelek ana tii, ma neukose bulak-ka ta nasalaa so'on.

YESAYA 14:23

Neukose Au tao Babel da'di puuk, fo ko'donaok-kala mamana leleon-na. Neukose Au sasapu balisi Babel. Au, fo Manetualain nde manakokolak-ka.”

YESAYA 14:4

Metema Manetualain tao dede'ak ndia soona, neukose ala hakinonoli manek Babel-la lae leo ia, “Manek fo ha'da hataholi tak-ka, ana tu'da so! Ana ta hapu tuni-ndeni so'on.

YESAYA 21:9

Mitak, ala mai so! Solda'du manasa'e ndala-la, ala mai dua-dua. Basa boema, manamanea ndia, ana fe halak-ka mai nae, “Babel tu'da so! Ala sene-do'ok dodoki-dudulak-kala, lakalulutuk de besenggela-besenggali lai dae lain.”

YESAYA 23:2

Mahoo leon, hai Sion laun, fo manai tasi su'uk-kala, ma manadangan-nala lemin! Nana emi biasa madenu hataholi-la, leu leo tasi selik leu, soaneu ala lase'o-banasa gandum Masir, ma soaneu ala dangan lo basa leoinak-kala.

YESAYA 47:1

Manetualain nafa'da nae, “Hai Babel, kona meme o kandela manem lain mai leona, fo mangatuuk muu afu dale. O ta la'ok malelengoao, ma ta mata makeek, sama leo makahulun-na fa.

YESAYA 47:7

O maedaenga, neukose o da'di ina manek, losa dodoon-na, te o ta mame'da, do dudu'a-dodoo fai makabuin-na fa.

YEREMIA 25:10

Sila halan-nala namahoko-setele ma lame feta ka'bing-nga neukose Au taos ate'es. Neukose ala ta lanuu mina soaneu banu-nala fa, ma neukose sila gamdum-mala basas.

YEREMIA 8:14

Manetualain anan-nala bekola lae, “Tao le'e de, ita ta tao hata-hata fa? Mai fo, basa-basa tala, talai leo nusa fe'ek, fo kotan-nala makota musuk, nemen-na ata mate nai naa. Ita Amam Manetualain naketu basa, nae muse mopo-mate ita. Ana fe basa ita laso, fo ita tinu, nana ita tasala-tasingo neun.

RATAPAN 1:1

Besak ia, Yerusalem nee-nee lino-linok nanseli, kota fo makahulun-na henuk no makaseek nanseli. Makahulun-na nai leoina-la uluk, tehu besak ia, ana da'di sama leo inafalu so. Makahulun-na kota fo nanakoa-nanakiok nanseli, besak ia, ana da'di ata so.

RATAPAN 2:10

Lasi nggolok manai kota, langatuuk denge-denge nai dae lain; ala nggali afu leo langan-nala lain neu, ma ala pake lafa kalong fo da'di ta'du-tana susa. Anafe'oanak-kala boeo, lakatele langan-nala losa dae lain.

HABAKUK 2:20

Manetualain nai Uma malalao-malalafun dale. Ela leo been-na basa hataholi manai daebafak-ka, ta hala nai matan-na.

ZAKHARIA 2:13

Emi basa-basam-mala, boso mahahala nai Manetualain matan! Nanahu, Ana mai neme mamana leleon manai nusa so'dak-ka mai so.

YUDAS 1:13

Sama leo lii napoponu nai tasi lai fo nafufu'de, leondiak boe, hataholi sila la tatao-nono'in nini mamaek. Sila nde bee na, sama leo bana mana leu-laa ka, fo Manetualain sadia basa mamana nala, nai makahatu ina dale, losa dodoo na.

NINITAK 17:18

Inak fo o mitak ndia nde kota matuaina, fo ana paleta mane-manek manai daebafa ka.”

NINITAK 18:7

Fen doidosok ma dale he'dik dede'u na sama no matua-madema ma so'da manadailenak fo nanafek neu aoina na. Nana ana ka'da nafa'da tataas esa neu aoina na nae, ‘Au ia, ina manek fo mana paleta! Au ta inafalu fa; neukose au ta la'ola'di dale he'dik fa!’

SEMUEL SUSULAK-KA ESAN-NA 2:9

Hataholi manalilinekak-ka nee-nee lino-lino tataas esa nai Manetualain nasulu-nahapan dale. Tehu manatao mangalauk-ka mate mopon nai makiu-makahatuk dale. Ta bisa tasalai dea-tala neu be'i-balakai mesa-tala fa, hataholi daebafak-ka be'i-balakain ta neni sesengik fa.