YESAYA 45:7 - Susula Malalaok Hehelu Palak Ma Hehelu Beuk

⁷ Au nde akakadada'dik mangale'dok ma makahatuk, Au fe baba'e-papalak mai, ma soe-a mai. Au nde Manetualain, fo manatao basa sila-la.

YESAYA 45:7 ပူးပေါင်းရင်းမြစ်များ

2RAJA-RAJA 19:25

Ade, o beita mamanene, lae basa sila la, Au tutu'u basan, neme makahulun eli mai so do? De besak ia, Au akalala'ok-kana. Au nde fe o koasa, fo tao makalulutuk kota-kota-la, ma kota musu-la, fo ala da'di ai batu manatapasasalak.

AYUB 10:13

Tehu besak ia au bubuluk ae sekom-ma basandia, te no denge-dengek, O tutu'u au fai soeng-nga.

AYUB 2:10

Ayub nataa nae, “O kokolak sama leo hataholi nggoak-ka kokolan-na! Masa bole, ita nau sipo ka'da hata, fo malole neme Manetualain mai, te hata fo ta malole-a, ita ta nau sipo fan?” Da'di, leomae Ayub hapu basa susa-soe sila-la lala'en-na, tehu ana ta kokolak dede'a-kokolak fo la'ban Manetualain fa.

AYUB 34:29

Metema Manetualain ho'i nakeketuk fo denge-denge soona, ta hapu esa boen napalani nakamulu-nakadaun. Metema Ana nafuni mata panan soona, ta esa nitan boen.

MAZMUR 105:28

ma ala tunga Manetualain paletan-na. Boema Manetualain tao-na nusak ndia da'di makahatuk.

MAZMUR 29:11

Sa'di leo been-na, Manetualain fe anan-nala be'i-balakaik, ma Ana tao-nalas tetu-temak.

MAZMUR 74:16

O nde makadada'dik lele'dok ma le'odaek-ka, boema O matu'du le'do no bulak-ka, mamanan-na.

MAZMUR 75:7

Nana naketu-nala'dik-ka, ta mai neme dulu do muli mai fa, boeo ta neme kii do kona mai fa.

MAZMUR 8:3

de ni'iana manasu'uk-kala, ma ni'iana bongi beuk-kala lakameen. O paletam-ma, matea-mahelek, ma ta nanggengo fo tao makatema musu-a, ma hataholi mana lape'da dalek-ka, bafan-na.

KELUARAN 14:20

nai solda'du Masir-ra ma solda'du Israel-la tala'da. Ko'as ndia, neni makahatuk, nalosa le'odae katemak esa, solda'du bubua ka duak sila-la, esa ta hapu deka no esa fa.

YESAYA 31:2

Manetualain manatee-tenok, ma Ana bubuluk hata fo, Ana taon. Ana fe soe-a ana mai, ma Ana tao natetu nasanene'da mahelen-na, soaneu Ana huku hataholi mangalauk, ma hataholi manatulu-falis-sala.

YESAYA 42:16

Neukose Au hela-nole Au leoinang pokek-kala tunga enok fo, ala ta bubuluk-kana fa; Neukose Au hela-noles lai enok fo, ta lalelak-kana fa. Au tao-a makahatuk-ka, da'di mangale'dok ba'eneus, ma Au tao atetu eno manapeko-pakik-kala. Ndia nde, neukose Au taon ba'eneus, de tao leo bee-o, neukose Au tao atetun.

YESAYA 44:24

Manetualain fo o manasoi-manatefam, ma Ana taon-na manu lupak, nai lelek o inam nailu o-a, “Au nde Manetualain fo manamakadada'dik basa hata lala'en-na, fo Au mesang-nga nde akapepela lalai-a, ma Au akadada'dik daebafak-ka, ta no tutulu-fafalik neme su'di see mai boen.

YESAYA 47:11

Tehu, neukose soe-a, tuni-ndeni-na o, o malela suangim-ma, ta hapu usiheni fan. Neukose soe-a, ana mai leo o mai, fo o ta sili mabe'i fan. Mamate-momopok-ka, neukose ana mai no kaiboik, fo o ta bubuluk fa.

YEREMIA 10:16

Yakob etualain-na ta sama leo sosongo-tatangok ndia fa; Ndia manamakadada'dik basa hata lala'en-na. Na'den-na nde Manetualain Fo Manakoasa; Ndia nde hele Israel da'di Anan-nala.

YEREMIA 13:16

Emi muse mamatua-mamadema emi Amam Manetualain-na, te ana beita fe makahatuk-ka mai fa, emi eim-ma makatunun nai letelepak-ka, te mangale'dok fo emi mamahehenak-ka beita tao nasafali fan da'dik makiu-makahatuk fa.

YEREMIA 31:35

Manetualain sadia le'do-a soaneu tao nasala matalele'dok-ka; Bula ma nduk-ka nasala soaneu le'odaen-na. Ana ee'do-aadi tasi-a de nalosa lii-la laponu, Manetualain Fo Manakoasa, fo na'den-na na'de ndia.

YEREMIA 51:20

Manetualain nafa'da nae, “Babel sama leo ai fefepak, Au sisilong-nga soaneu nate-natatik. O nanapake fo soaneu sapu-la leoinak-kala ma nusan-nala.

RATAPAN 3:38

Malole ma mangalauk-ka nananakalala'ok tunga ka'da Manetualain paletan-na.

YESKIAL 32:8

Tete'ek-ka, neukose Au taoisa basa hata masalaak manai lalai-a lala'en-na, fo ta lasalaa fa, ma neukose Au tao-a daebafak-ka, ana da'di makahatuk. Au, Manetualain Fo Mademaina, nde manakokolak-ka.

DANIAL 2:22

Ndia nde nafa'da bibila-babaak mademaina. Ndia bubuluk basa hata lala'en fo ana da'di nai makahatuk dale. Mandela-masa'an-na poti-nan.

YOEL 2:2

Faik ndia makiuk ma makahatuk, henuk no makamamasuk ma'u-ma'uk-ka. Lamak bubuaina esa mai osu-osu sama leo ko'as fo natabaa nai letelepak lain. Manada'dik leondiak-ka, beita da'di nita fa, ma neukose ana ta da'di seluk losa dodoon-na.

AMOS 3:6

Metema hataholi manai kota dale-la, lamanene pupuu musu liin-na soona, ala dele ngge'be-ngge'be do ta? Metema Manetualain ta haitua susa-soe leo kota esa neu fa soona, kota ndia hapu susa-soe do ta?

AMOS 4:13

Manetualain Manakoasa nde nakadada'dik letek-kala ma anin-na. Nafa'da dale tutu'un-na neu hataholi daebafak-ka. Ana tao lele'dok ma le'odaek. Ana la'ok nai daebafak-ka poin-na. Manetualain Fo Manakoasa, na'den-na nde ndia.

AMOS 5:6

Fali leo Manetualain Manakoasa mai leona, soona neukose emi maso'da. Metema emi ta fali fa soona, neukose Ana mai sama leo ha'i masalolo'dek-ka, fo ana hotu heni basa hataholi Israel-la. Ta hapu hataholi esa boen nai Betel bisa taonisa ha'i ndia fa.

NAHUM 1:8

Sama leo faa matuaina ana mai, Ana tao nakalulutuk musun-nala. Sila fo lapalani la'ban-nana, Ana hotu fes nenik mamates-sa, nalosa mopo-mates.

HATAHOLI 4:28

Basa-basas teikesa-dalekesa fo ala tao basa hata lala'ena, fo O maketu basa makahulu kana mae, neukose dede'ak ndia ana da'di. Boema O maketu dede'ak ndia tunga O koasa ma, ma O hihii-nanau mesa ma.

2 KORINTUS 4:6

Manetualain fo nafa'da nae, “Ela leo bee na neme makahatuk dale mai, mangale'do ka tii,” Manetualain ndia nde nakatitiik mangale'dok ndia nai ita dalen dale, fo ela ita dudu'a-aafin da'di mangale'dok fo ita talelak matalolole Manetualain mandela-masa'an fo nandela-nasa'a neu Kristus mata-panan.

YAKOBIS 1:17

Basa fe fee malole ma bua palsen matetu-mandaa ka, ana mai neme nusa so'da ka mai. Fo Manetualain mana Makadada'dik basa hata masalaak manai lalai a, nde nakona nana. Ndia nde Manetualain fo, Ana ta da'di nasafafali, ma ta nini makiu-makahatuk faa ana boen.

YUDAS 1:13

Sama leo lii napoponu nai tasi lai fo nafufu'de, leondiak boe, hataholi sila la tatao-nono'in nini mamaek. Sila nde bee na, sama leo bana mana leu-laa ka, fo Manetualain sadia basa mamana nala, nai makahatu ina dale, losa dodoo na.

YUDAS 1:6

Tao leo bee o, emi boeo bubuluk la'eneu ata nusa so'dak fo mana la'o lena sila koasa na too-lanen, nalosa ala la'oela sila mamana leleo na soona, Manetualain lange ata nusa so'dak sila la ninik namosina mana ketu basa taa ka, nai mamana makahatuk dale, nai daebafa ka buin-na. Ata nusa so'dak sila, nanatahan nahelek, losa sila huhuku na nananaketuk, metema fai mate'e ka losa.