YESAYA 45:5 - Susula Malalaok Hehelu Palak Ma Hehelu Beuk

⁵ Au nde Manetualain, ta hapu fe'ek fa, Au Manetualain Fo Ka'da Kisak esa. Au fe basa o tafa-sisilo so, leomae, o ta malelak Au fa.

YESAYA 45:5 ပူးပေါင်းရင်းမြစ်များ

YESAYA 46:9

Mafandendelek, manada'dik manai tepo lelek makahulun eli; manaku leon, mae Au Manetualain, de ta hapu fe'ek fa, Au Manetualain, de ta hapu hata esa boen, sama leo Au fa.

YESAYA 44:8

Au leoinang-ngo nei, boso bii, do nggenge; ade neme makahulun-na, losa besak ia Au ta afa'da ela, hata fo ana da'di fa do? Au sakasiing-ngala nde emi. Ta hapu manamasulu-mahapa fe'ek fo Au ta alelak-kasa fa.”

YESAYA 44:6

Manetualain Fo Manakoasa, Manek, ma Israel manamasalu-mahapan-na, halan-na nde ia nae, “Au Manetualain, Fo Ka'da Kisak esa, fo makasososak ma mate'ek.

YOEL 2:27

Boema emi bubuluk leon hai Israel, te Au nai emi tala'da heom, ma bubuluk mae, tete'ek-ka Au nde been-na, Manetualain, fo emi Manetualaim. Ta hapu fe'ek so'on, te ka'da Au mesang-nga. Neukose, ta lakamamaek Au anang-ngala so'on!”

1RAJA-RAJA 8:60

No leondiak, basa leoina manai daebafak-ka lala'en-na, neukose bubuluk lae ka'da Amak-ka mesak-kana nde Manetualain ta hapu fe'ek fa.

ULANGAN 32:39

Mete leona, te Au Manetualain Fo Kisak esa mesak-kana, ta hapu lamatuak daebafak fe'ek fa, te ka'da Au mesang-nga. Au nde taoisa, ma Au nde tao aso'da falik-kana, Au nde tao ahinan, ma Au nde tao alea-ahain-na. Metema, Au tao-no'i hata esa, soona ta hapu manalena-la'ban fa

ULANGAN 4:35

Manetualain natu'du basa sila-la neu emi, fo ana da'di ta'du esa, nae ka'da Manetualain ndia mesak-kana, nde Manetualain-na, de ta hapu lamatua daebafa fe'ek fa.

AYUB 12:21

Nakamamaek hataholi nananita-nalelak-kala; Ana ho'i-na, sila fo manakoasa-la, koasan-na.

MAZMUR 18:39

Au bala abuus, losa ala ta hapu fo'a so'on, ala bala leu dae, de male henis lai au ei tata'bu daenga.

ULANGAN 4:39

Hu ndia de faik ia, mame'dak leona, fo boso mafandele henin: te ka'da Manetualain mesak-kana nde Manetualain fo nai lalai ma daebafak-ka; ta hapu lamatua daebafa fe'ek fa.

MAZMUR 18:32

Nana ka'da Amak-ka nde Manetualain-na; ita manamasala'en-na, ka'da nde Manetualain.

YOHANIS 1:1

Nai makasososa na, fo daebafa ka beita da'di fa te, dede'a kokola ka nai ndia so. Dede'a kokola ka nakabubua no Manetualain. Ma dede'a kokola ka sama no Manetualain.

EZRA 1:2

“Kores, fo mane Persia, paletan-na nde ia. Amak, Manetualain fo manakoasa nai nusa so'dak-ka, nakadada'dik basa au da'di manek neu basa daebafak-ka lala'en-na, ma Ana paleta au, fo afofo'a fen uma nai Yerusalem, fo nai nusa Yehuda.

YESAYA 22:21

Neukose Au ho'i-a, o bua papake matua-mademam, ma o kalikeem-ma, fo Au paken neu Au atang Elyakim. Neukose Au fe o koasam lala'en-na, leo ndia neu. Neukose ana da'di amak neu laun Yerusalem ma Yehuda-la.

AYUB 12:18

Ana nakonaheni manek-kala neme paletan-nala mai, fo Ana taos da'di hataholi nanafook;

KELUARAN 9:14

Oek ia soona, neukose Au fe soe-a ta la'e ka'da manapaleta-la, ma laun-nala mesak-kana fa, tehu neu o boe, fo ela o bubuluk, mae ta hapu hataholi nakasusu'dik no Au, nai daebafak-ka lala'en-na fa.

MAZMUR 18:31

Manetualain tatao-nono'in, matetu-mandaak Manetualain hehelun-na, hapu nananamahelek. Ana sama leo babaa fanak ba'eneu basa hataholi fo lasulu-lahapa neun-na.

YESAYA 43:10

Hai Au anang-ngala lemi, Au sakasiing-ngala nde emi, Au hele emi, da'di Au atang-ngala, fo ela malelak Au, ma mamahele neu Au, ma bubuluk, mae Au nde Manetualain. Au Manetualain, fo ka'da kisak, ta hapu fe'ek, nai lelek Au beita, ma nai lelek Au nai ia.

YESAYA 45:1

Manetualain hele basa Kores da'di manek so; Kores nananatu'duk, soaneu ana sengi leoinak-kala ma soaneu, helu la'di manek-kala koasan-na. Neukose Manetualain soiheni kota lelesuinan-nala ba'eneun, ta ela esa boen, fo nanakenak fa. Manetualain nafa'dan nae,

YESAYA 45:6

Au tao basa sila-la fo ela neme dulu losa muli, basa hataholi-la bubuluk, Au nde Manetualain, ta hapu lamatua daebafak fe'ek, ka'da Au mesang-nga.

YESAYA 47:8

Hu ndia de, mamanene Au leona, hai o fo, hii ka'da usi lole-napu daebafak-ka! O maedaenga, o so'dam-ma nee-nee lino-linok, ma ta hapu hata fo, sama leo o fa. O dodoo mae, neukose o ta da'di inafalu fa, ma o tititi-nonosim, neukose ta mate-mopo fa.

YESKIAL 30:24

Boema, neukose Au tao atea-ahele manek Babel-la alun-na, fo Au pe'da Au tafainang-nga neu liman dale. Tehu, neukose Au helula'di mane Masir-ra alun-na, nalosa ana nakadii-nakaau, de maten nai musu noon fo manek Babel-la, matan.

MAZMUR 18:33

Ndia nde Manetualain, fo manafe au be'i-balakaik, ma manatao-na au enong-nga, nee-nee lino-linok.

MAZMUR 86:10

Nana O makadelek, ma O tao manada'di beuk-kala, ka'da O nde Manetualain-na.

YESAYA 37:20

Ou, ami Manetualain po'i ami neme hataholi Asyur sila-la mai, fo ela basa leoina manai daebafak-ka lala'en-na, ala bubuluk lae ka'da O mesa-mesam-ma nde Manetualain-na.”