YESAYA 45:3 - Susula Malalaok Hehelu Palak Ma Hehelu Beuk

³ Boema neukose Au fe o su'i-betes fo, nananafunik-ka, fo ela o bubuluk, Au nde Amak, fo Israel Manetualain, fo naloo basa o, nenik o na'dem-ma,

YESAYA 45:3 ပူးပေါင်းရင်းမြစ်များ

EZRA 1:2

“Kores, fo mane Persia, paletan-na nde ia. Amak, Manetualain fo manakoasa nai nusa so'dak-ka, nakadada'dik basa au da'di manek neu basa daebafak-ka lala'en-na, ma Ana paleta au, fo afofo'a fen uma nai Yerusalem, fo nai nusa Yehuda.

KELUARAN 33:12

Faik esa boema, Musa nafa'da Manetualain nae, “Manetualain, O paleta au hela-nole leoina ia leo nusak fo O heluk-ka. Tehu O ta mafa'da, neukose O madenu see kande mai fo ana tulu-fali au fa. Manetualain, O mafa'da mae O malelak au, ma au andaa o o dalem-ma.

KELUARAN 33:17

Manetualain nafa'da Musa nae, “Neukose Au tao atetu o nonokem-ma, nana Au alelak o, ma Au daleng-nga nandaa no o.”

YESAYA 41:23

Mafa'da hata fo, neukose ana da'di, fo ela ami bubuluk, te'e-te'e emi lamatua daebafak. Tao hata fo, masosoa-ndandaak, do neni tutu'dak, fo ela ami meten soona, ami dodoo doak-kana.

YESAYA 43:1

Israel, Manetualain nafa'da nae leo ia, “Au nde akadada'dik, ma Au tao-ala o manuu lupak, boso bii, te tao leo bee-o, Au soi-tefa ala o! Au aloo basa o, nenik o na'dem-ma so, o nde been-na, Au nuung.

YESAYA 48:15

Au nde mana mafa'dan-nana, ma Au nde manamaloo ndia, fo manahela-nole ndia, nalosa ana hapu buna-boan.

YESAYA 49:1

Mamanene au, hai nusa dook-kala lemin, taoafik neu dede'a-kokolang. Manetualain naloo au, te beita bongi au fa, Ana hele au, neme lelek, au inang nailu au-a.

YEREMIA 50:26

Sapu-ma Babel neme basa bu'uk-bu'uk lala'en-na, ma boka heni basa mamana pepe'da gandum-mala mai! Tao makalulutuk nusak ndia! Boso la'o ela esa boe!

YEREMIA 50:37

Tao makalulutuk ndala ma kaleta musun-nala, tao susa-soe soloda'du nanaba'en-nala! Ala male lanseli! Loso-ma hata-heton-nala!

YEREMIA 51:13

Nusak ndia henuk no su'i-betes ma lee-la ba'uk, tehu fai so'dan-nala basan so; fai mamate-mamopo mate'en-na losa so.

YEREMIA 51:53

Leomae Babel hapu kae leo lalai, ma nafofo'a kota musu fo ta hapu dai fas, neukose Au haitua hataholi fo neu tao nakalulutuk-kana. Au, Manetualain de manakokolak.”