YESAYA 45:1 - Susula Malalaok Hehelu Palak Ma Hehelu Beuk

¹ Manetualain hele basa Kores da'di manek so; Kores nananatu'duk, soaneu ana sengi leoinak-kala ma soaneu, helu la'di manek-kala koasan-na. Neukose Manetualain soiheni kota lelesuinan-nala ba'eneun, ta ela esa boen, fo nanakenak fa. Manetualain nafa'dan nae,

YESAYA 45:1 ပူးပေါင်းရင်းမြစ်များ

1RAJA-RAJA 19:15

Manetualain nafa'da nae, “Fali leo moo solokaek manadeka no Damsyik ka! Boema muu leo kota muu, fo po'a mina neu Hazael langan lain, fo da'dileo ta'du-tana ndo ein-na da'di mane Siria.

EZRA 1:1

Kores, fo mane Persia, ana paleta neu teuk makasososan-na boema, Manetualain tao natetu hata, fo Ana kokolak basan tunga Nabi Yeremia so. Manetualain nakababale Kores dalen-na, ana kalua paleta esa, fo ala lees-sana nai basa nusan-na dalek. Liin-na nae leo ia:

EZRA 1:2

“Kores, fo mane Persia, paletan-na nde ia. Amak, Manetualain fo manakoasa nai nusa so'dak-ka, nakadada'dik basa au da'di manek neu basa daebafak-ka lala'en-na, ma Ana paleta au, fo afofo'a fen uma nai Yerusalem, fo nai nusa Yehuda.

AYUB 12:21

Nakamamaek hataholi nananita-nalelak-kala; Ana ho'i-na, sila fo manakoasa-la, koasan-na.

MAZMUR 73:23

Tehu au ahele nai O matam-ma, de O ho'u-ma, au lima konang-nga.

YESAYA 13:2

Masa'e dedeo natee-natatik-kala neu pupuku na'u tak-kala poin-na! Maloo bou-bou neu basa solda'du-la, ma so'uk emi limam-mala, fo ela ala sapu-la kota manakoao-ndaeaok ndia lelesuinan-nala.

YESAYA 13:3

Manetualain naloo basa Ana hele palani ta'ti batu la so. Hataholi sila aon-nala makadelek, palani, ma Ana bisa namaheles. Manetualain fes bela-ba'uk fo ala huku hataholi fo nasa-melun la'es.

YESAYA 41:13

Nana Au Amak, fo o Manetualaim-ma, ho'u o lima konam-ma; Au afa'da ae, ‘Boso bii, te neukose Au tulu-fali o.’ ”

YESAYA 41:2

See kande, nadenuk manakoasa neme dulu mai, de ana fen sengi, nakandondoo henin? See kande, fen sengi leoinak-kala, ma mane-manek-kala, lakatele neun? Tafainan-na, taon-nalas ala lapu sama leo afu-a, kokou isin-na, tao tapasasalas sama leo anin-na fuu neni ha'deaik-ka.

YESAYA 41:25

Au adenu basa hataholi esa neme dulu mai so: Au aloon, fo ana sapu neme kii mai. Neukose, ana heheta-aa'i basa manakoasa-la, sama leo tane-a, sama leo manatao ulek-ka, heheta-aa'i dae ulek-ka.

YESAYA 42:6

“Au, Manetualain, fo naloo ma fe o bela-ba'uk soaneu makalala'ok ndoos ma matetuk-ka. Au hela-nole, ma Au akaboboi o, fo o da'di hehelu-balataak, ba'eneu hataholi daebafak-ka, ma mangale'dok ba'eneu basa leoinak-kala.

YESAYA 44:28

Au nde afa'da neu Kores ae, ‘Neukose o nde paleta soaneu Au, ma tao-no'i basa Au hihii-nanaung lala'en-na. Fe paleta leona, fo ela nafofo'a seluk Yerusalem, ma tao Manetualain Uman-na neten-na.’ ”

YESAYA 45:5

Au nde Manetualain, ta hapu fe'ek fa, Au Manetualain Fo Ka'da Kisak esa. Au fe basa o tafa-sisilo so, leomae, o ta malelak Au fa.

YESAYA 48:15

Au nde mana mafa'dan-nana, ma Au nde manamaloo ndia, fo manahela-nole ndia, nalosa ana hapu buna-boan.

YEREMIA 27:6

Au nde fe basa leoina ia lala'en-na lo Au atang Nebukadnezar, fo manek Babel-la koasan dale neu. Nakalenak bana-manu boeo Au fen leo ndia neu, soaneu ana koasas.

YEREMIA 43:10

Boema mafa'da neus mae Au, Manetualain Fo Manakoasa, fo Israel Manetualain-na, neukose no Au atang Nebukadnezar fo manek Babel-la lo mamanak ndia neu. Ma neukose ana napadedeik kandela menen-na nataba lala-tema manapaletan-na nai batu fo o selek lo dae dale sila lain.

YEREMIA 50:3

Leoinak esa neme kii mai fo ana tao musu neu Babel ma ana tao nusak ndia da'di nusa ma'dak. Hataholi no bana-manu-la neukose lalai ma esa ta nau leo nai na.”

YEREMIA 50:35

Manetualain nafa'da nae, “Fe susa-soe neu Babel no laun-nala, manaho'u paleta-la ma hataholi malelan-nala!

YEREMIA 51:11

Manetualain nakaduduk Manek Media, hu ka nde ndia sanga tao nakalulutuk Babel. Enon-na leondiak fo ana hapu balas falik hataholi fo manatao nakalulutuk Uman-na. Basa malanga soloda'du sila la paleta, “Fofola matane kokou isik-kala! Ho'i-ma babaafanak-kala!

YEREMIA 51:30

Babel soloda'dun-nala hahae tao musu so, ma ala leo nai kota musu ma mopo basa sila palanin-na so de ta lapalani so. Lelesu ina manai kota-la nanaboka henik so ma uma-la nanade'de henik.

YEREMIA 51:58

Papala-nanadamak mahelek manai Babel-la neukose Au tao akalulutuk-kana fo ala bela leu dae. Basa lelesu ina madema-nala neukose Au de'de henis. Leoina-la sosota-mamangun sosoa-ndandaan ta, hu ka nde neukose ha'i na'a henis. Au, Manetualain Fo Manakoasa de manakokolak.”

YESKIAL 29:20

Au fe dae Masir-ra leo Mane Nebukadnezar-ra neu, da'di leo baba'ek esa neu tatao-nono'i malolen-nala, nana solda'dun-nala, ala tao-no'i soaneu Au. Au, Manetualain Fo Mademaina, nde manakokolak-ka.

DANIAL 5:6

Mata-panan fula ma ana bii nanseli, nalosa lungulangan-na dele ngge'be-ngge'be.

DANIAL 7:5

Bana ka dua, lupan-na sama leo beruang-nga. Napadeik nenik ei buin-na, ma ana kaa neni kaisu duik 3 nai nisin-nala tala'da. Au amanene halak-ka nafa'dan nae, “Ayo, mu'a paa su'di bebe'ik-ka leona!”

DANIAL 8:3

de nai lee ndia su'un-na, au ita bi'ilopo mane esa susulan 2 manaluina, de esa nalu lena ma beuk neme esak-ka mai.

DANIAL 8:4

Au ita bi'ilopo mane ndia, ana puka nasale leo muli, kii ma kona neu. Ta hapu bana esa boen, bisa nakatatakak nasasalematak no fan, do nala koasan-na deak fa. Ana tao tunga ka'da dale hihiin-na, ma ana da'di manakoao-ndaeaok.

NAHUM 2:6

Faa neni te'te lee lala'en-na so boema nakalupuk-ka nai uma manek-ka lala'en-na!

NAHUM 3:13

O solda'du mala ndole-ndaku, sama leo inak-ka, ma o nusam-ma nasasalematak no musu-a soona, mopo be'i-balakain. Neukose ha'i na'a heni o lelesuinam-mala ai betubalan-nala.